GD Star Rating
loading...

سوريون في الخارج و في الداخل*….جمعنا حب الوطن و الوطن وحده… و تحولنا بقدرة قادر و مسؤول غادر الى  “مندسون“…ـ

بدنا نحكي و نناقش و نقول رأينا….بكل حرية و بدون تكلف….يلي عم نحكيه هو رأينا اولا و اخيرا كسوريين..و هالموقع  راح يسلط “بقعة ضوء” على الوضع الحالي والسابق واللاحق، والنقد بناء بالأكيد او على الاقل بمعظم الاوقات…. ولما بيكون في ايجابيات أكيد راح نشكر فيها ونتمنى المزيد…و ان كان المكتوب باين من عنوانه….

 

رح نشارك بأسماء مستعارة الى ان يتغير قانون الاعلام و يلغى قانون الطوارئ يلي صرلو اربعين سنة عم يبرر اعتقال اي صوت بيحكي خارج السرب…. و نحنا بدنا نغرد خارج السرب…او القطيع اذا بدنا نشوفها من وجهة نظر حزبية…لما بيصير في امان نحكي بأسمائنا رح نحكي متل ما الكل رح يحكي….و من هلأ لوقت ما يتحقق هالشي..اذا رح يتحقق…ناقشونا على فكرنا و بس…. التعليقات للجميع، مندسين ومواليين.. حرية الرأي مضمونة للجميع…

 

ملاحظة*: يلي بالداخل بيبعتو مقالاتهون ليلي بالخارج يلي بدورهون بينشروها من باب الاحتياط الالكتروني فأعزائنا في فرع الامن و المعلومات لا كتير تضوعو وقتكون معنا بس طبعا اهلا و سهلا فيكون نسمع وجهة نظركون اذا بدكون…

 

===================================================

تنويه :ليس لموقع the-syrian.com أي أتجاه سياسي و لا يعبر عن وجهة نظر أي جهه …حزب …أو تنظيم….لا يحسب الموقع على أحد…و لا يتلقى أي دعم …القائمون على مشروع المندسه لهم توجهات مختلفه فيما بينهم و لا ينتمون إلى أي تيار سياسي  و لا يحسبون أو ينطقون على  أو عن أي تجمع أو تنظيم كل المقالات و التعليقات المطروحة في هذا الموقع تعبر عن وجهة نظر أصحابها الشخصيه و لا تمثل وجهة نظر الموقع …فالموقع كيان اعتباري ليس له وجهة نظر إلا في موضوع واحد فقط و هو فتح باب حرية الخطاب و الكلمه…لا يرسم الموقع أي خطوط حمراء لكنه يعطي الصلاحيه لقراءه عبر وسائل تفاعليه متعدده لتفادي و تجنب أي تعليقات أو مقالات يمكن أن تعتبر مسيئة لهم …الموقع سوري بامتياز و لا يرى أو يراعي أي تقسيمات افقيه أو عموديه…سياسيه أو اجتماعيه أو دينيه لقراءه أو كتابه …

GD Star Rating
loading...