GD Star Rating
loading...

طقيت والله

 

طقـّيت والله

طقيت والله وهد َََََّني الفراق
ويا علة بالروح إنتي دواها

بصرى الشام وهالقلب عشّاق
وبكل أرض الله مالي سواها

مافي مثل قعداتها لا راق
بعد العصر جوها ونسـّم هواها

لا نيل مصر ولا نهر العراق
ليهن حسن وديانها وطيب ماها

زاد بحلاها وكثر الخلا ّق
يسعد ضحاويها ويسعد مساها

نفسي تضم سهولها الأحداق
يجلي نظر عيني ويبرى عشاها

مشتاق أشمّ ترابها مشتاق
واضوق ميـِّتها و انشق هواها

والشوق للعكـّوب واللوف حراق
والكسبرة يا خوك نكبر معاها

وفجيلـّه وخرفيش ياطيب الاوراق
ودريهمة وحمّيض للي اشتهاها

ما أطيب العتـّور ولو كنت ذو ّاق
والشلوه والقر ّيص رزقة سماها

وقرينة الجدي عن حق تنضاق
وسنينيرتن سيقانها زايد حلاها

يارب نظفها من كل بوّاق
تا تعود بهجتها يرفرف لواها

وتجمعوا ضدها شذاذ الآفاق
كأنهم طنجرة ولاقت غطاها

وانتخى الحر وهالوضع ما طاق
بالروح والاموال جادوا فداها

ويبلى اللي خانوها بألفين مزراق
قوما نسوا المعروف وصاروا عداها

والله لو وصّلوا ع ديرة الواق الواق
سيف العدالة يطول كل من أذاها
حبيب حوراني
29-3-2013

GD Star Rating
loading...
GD Star Rating
loading...