GD Star Rating
loading...

عن إلغاء الحظر عن المواقع المحجوبة في سوريا

قالو وعم يقولو انو لغو الحظر عن المواقع المحجوبة في سوريا.. متل الجزيرة والعربية ومدونات البلوغ سبوت والمندسة السورية وغيرها وغيراتها من المواقع الي طالها زر الحجب التعسفي

وبما انه الموضوع مانو ببساطة كبسة زر او جرة قلم، فمن الواضح ان السبب ورا فك الحجب بهالشكل المفاجئ الو علاقة بالضربة الأمريكية والحرب القادمة عالنظام السوري.. واعتبار فك الحجب بادرة حسن نية من طرف النظام.. اصلاحات متأخرة.. كتير.. ومصالحة وطنية على مستوى الكتروني

بغض النظر.. بس بدي قول انو السوريين يا فهمان مانهون قصار حربة.. وبيعرفو يفوتو على كل المواقع المحجوبة.. اصلا في اقتراح ليغيرو كلمة بروكسي الى “سوروكسي” تقديرا لمجهود السوريين الحثيث لاستخدامه طوال فترة القمع العنكبوتي السابق.

وبكل الأحوال.. بادرة حسن النية بتكون بسحب الجيش من المدن واطلاق سراح المعتقلين وترك العالم بحالها.. مو بالإيغال بالقتل والاعتقالات بالجملة على اوسع نطاق

ومشان بادرة حسن النية تبع بشار.. حابين نقللك حطها بجيبتك.. هلأ جاية تصالح هلأ؟؟؟

ومشان الرعبة اللي هلأ آكلينها انته وجماعتك وعيلتك ومنحبكجيتك… الله لايقيم الشدة عن قلبكم.. دوقو اللي كنتو مدوقيننا ياه سنتين ونص!

وهه

GD Star Rating
loading...
GD Star Rating
loading...