GD Star Rating
loading...

يوم جديد لألنا بالجنة

نادت عالرجال الواقف بالشارع
عمو، ممكن تساعدني؟
الدنيا برد ومافي مكان نام فيه
في أرنة تقللي عليها؟
مشي ولاحتى اندار
عمل حالو مو سامعها
قطع الشارع وهو عم يصفر
كأنو خجلان لأنو هنيك
فكر مرة تانية، هادا يوم جديد الي والك بالجنة..
فكر مرة تانية، هادا اكيد يوم جديد الي والك بالجنة.. فكر فيها

غنى فيل كولينز بآخر التمانينات.. غنى للمشردين، للناس اللي ماحدا حابب يتذكرهم، وللعالم اللي عم يتجاهلوا معاناة كتير منهم

نحنا لازم دايما نتذكر وأبدا ما ننسى، انو صحيح في ناس من سوريا هربت من الجحيم اللي نازل عليها من السما و الأرض، بس راحت لجحيم تاني، وانحرمت من أبسط حق من حقوقها، وهو انو تعيش تحت سقف بيتها، بشكل طبيعي، متل كل الناس الطبيعيين

مافي مكان بالعالم متل بيتك.. عبارة السوريين صارو بيعرفوها أكتر من ايا حدا..

لا تنسوا لاجئي سوريا

الصور:

مخيمات الزعتري، تركيا، العراق، لبنان: وكالات أنباء وصفحات الناشطين

مخيم أطمة: زينة إرحيم

مخيم إعزاز: باري

حملة مخيم الزعتري: The Dear World Project

فيديو عمل مشترك بين المندسة و تجمع بيتنا

 

GD Star Rating
loading...
GD Star Rating
loading...