GD Star Rating
loading...

-بس بدي أفهم!! شلون صار معك هيك؟؟

-والله يا عمي ما بعرف كيف!! على حدّ علمي كنت ماشي بهالطريق بآمان الله, ما شفت حالي غير سلتت بهالجورة!!

-وشو فوتك بهالطريق بالأصل؟؟

-هنى… هنى قالولي أنو هالطريق بودي عالجنينة..

-شلون عالجنينة!! مالك شايف المزبلة بآخرتو؟؟ ياسيدي اتشكر ربك أنك سلتت بالجورة, ولا كانت آخرتك بشي حاوية..

-شو عم تحكي أنت!! شلون حاوية؟؟ ليكا الجنينة مبينة عليّ… وأن شالله بس لاقي حدا يطالعني من الجورة, رح كفي عليها..

-لك أنت جدبة شي!! مالك شامم ريحة الزبالة؟؟

-لا والله… صرلي كم يوم مزكّم, وما عم شمّ..

-طيب مالك شايف الصراصير والجرادين عم بحوموا حواليك صرلن مدة!!

-وينن؟؟ هدول!!! الله يسامحك… هدول عم يساعدوني… أصلاً هنى يلي دلوني عالطريق…

-الله لا يعطي شيطانك عافية…

طيب خيو اصطفل… اعمل متل ما بدك… بس يستر على عرضك اتركني…

يعني حاجة متمعشق فيني وساحبني معك… اتركني الله يوفقك…

-لك شلون بدي اتركك!!! معقول اتمتع بالجنينة لحالي!! جنة بلا ناس ما بتنداس..

-قلتلي جنة!! لا حول ولا قوة إلا بالله..

طيب بدي أطلب منك طلب…  إذا ممكن بس تورجيني وجهك..

يعني معقول صرلك كذا شهر ناتعني على ضهرك, ولهلأ ما اتشرفنا!!

 :(

:(

يا لطيف… يا لطيف…

دير وجهك يستر عرضك… يا ما أحلى الجرادين قدامك..

GD Star Rating
loading...
GD Star Rating
loading...