GD Star Rating
loading...

من شي سنتين ونص ,, و بعد ما انتشرت المجازر ,, كتبت موضوع بعنوان ” قال شعب عاطفي قال ” ,, و كان جزء من الخاتمة فيو :
” بالاخير ,, صار فينا ,, يعني  متل اذا كنت عايش بغرفة و مطفي الضو , و لما طقيت الزر , و انضوا هالضو , اكتشفت اني عايش انا و حيوان بهالغرفة , و بغض النظر انو ما اجا صوبي و لا حتى ضرني , بكل فترة العتمة , بس هدا ما بيعني اني كفي عيشتي معو ,, ليش ؟  لانو حيوان ”
هاد حالنا قبل الثورة و اثنائها ,, غشاوة الحيط الحيط و يا ريي السترة , كانت معتمة على عيوننا بإرادتنا طبعاً , و لما انقشعت هالعتمة اكتشفنا اننا متشاركين مع حيوانات بهالوطن ,, و الوصف هون ما بقصد فيه السب و الشتم ,, بقصدها بالمعنى المتعارف عليه من الوصف , رغم انو شفنا كتير بحياتنا مشاهد و فيديوهات , بتتفوق فيها الحيوانات عاطفياً و ” إنسانياً ” على شركائنا بالوطن ,,
ماني عم التف ع الطائفية ,, لأنو كلو **** من بعضو ,, و صور شوفير جرافة العتيبة لقى رواج عند الموالين و من كل الطوايف ,,
حتى لما كان ينط حدا و يعيب فعل شنيع ع الثورة ,, بتلاقي الناطط بالغالب هو من مؤيدي الثورة و عازز عليه ينتسب الها هالشي , و الرافضين و الموافقين بنسب مختلفة حسب الظرف , متل يوم شلف الجثث من على البنايات و يوم رش بيت بري بحلب الخ ,,
ماني بسيرة مؤيد و معارض هالافعال ,, عم احكي عن شوفير الجرافة نفسو ,, و اللي صارو يقولو عنو انو من جماعة حزب الله , يعني بالحساب اذا كان علوي أو سني منحبكجي ما بيعملها ,, هلق قوم نزّل عرض عمل على المواقع الموالية : مطلوب شوفير جرافة لقش جثث العراعير و الخونة , بتلاقي تقدم الف طلب ,,
انا من ناحيتي ثقتي بانتصار الثورة ما انهزت منوب ,, بس كيف ح تكون سوريا بعدها ,, ما عاد يهمني ,, عنوان الوطن صار فضفاض , و الأهم من قبل و لبعد هي النفس البشرية و كرامتها , و زوال هالنظام صار حق انساني بشري ” كوني ” مهما كان التمن ,,
رح نوصل بالغالب لمرحلة السلم الاهلي , بحل عسكري او سياسي , و ينقال انو الكل ضحى و الكل راح منو , تفاصيل كتيرة شخصيا مو ضدها و عم انتظرها لنخلص من هالكابوس ,, بس بأي حل و حال , رح تضل تتراوح الجنسية السورية بين الغار و العار , و رح يضل شوفير هالجرافة من اكبر نقط العار اللي بتلوث هالجنسية ,,

1979547_728832790485024_1006710191_n

 

الثـورة بـعون الله منتـصرة ,,

منـار حـيدر

GD Star Rating
loading...
GD Star Rating
loading...