GD Star Rating
loading...

تعرفو شو؟…  قررت بلش تقديم معلومات عن المواضيع الغذائية والطبخ والنفخ…

بس رح بلش من الاخير للاول… فرح احكي عن الخ*ا…

هل تعرف اخي المواطن واختي المواطنة انو من كم شهر تم تشكيل حكومة سورية مؤقتة يرأسها طبيب اسنان اسمو احمد طعمة؟ و هل تعلم انو كل ماحدا سأل عن شو هي مؤهلاتو بحكومة تكنوضراط ليكون بهيك منصب عم يكون الجواب انو يمكن حمار بس نضيف وبيخاف من الله….

وهل تعلم انو هالشخص شغلتو يشلق الدبب بآخر الحارة انو هو اكتر انسان متدين بالمجرة؟

طيب هل تعرف انو عين مدير مكتبو مو ع اساس الكفاءة… ببساطة الزلمة حمار متلو… و انما ع اساس شخصي؟

طيب طز بهاد كلشي…

هل تعلم انو مدير مكتبو زبط فيزا ع المانيا عن طريق هالحكومة و طلع وقدم لجوء سياسي و حاليا قاعد هنيك صرلو شهرين وعم يقبض راتب فوق الالفين وخمسمية دولار وبدل سفر من هالحكومة العتيدة بموافقة رئيس الحكومة يلي بخاف من الله؟

وهل تعرف انو هالرئيس النضيف اجا لعندو اشخاص من يبرود طلبو صواريخ قبل سقوط يبرود بكم يوم…. قام رفض يساعد…. فطلبو منو ورقة بتصرحلهون يشترو صواريخ ع حسابهون من مصادر تانية قام قلهون استنوني لأرجع وراح فركها لوقت ما سقطت يبرود؟

هل تعلم انو رح يكون خ*ا علينا اذا منخلي هالبلد بإيدين هيك حيوانات عم يتاجرو بالدين وبالوطن وبالثورة وهنن ما بيفرقوا عن اكبر حرامي بنظام الاسد؟

وصحتين علينا هيك خ*ا اذا منضل ساكتين…

البوست الجاية بحكيلكون عن الملوخية

 

GD Star Rating
loading...
GD Star Rating
loading...