GD Star Rating
loading...

 

المعارض ورئيس تيار بناء الدولة السيد لؤي حسين يوجه رسالة من مقر إقامته في كارلتون عدرا لابنتيه ولجمهوره ويقول :

أنا المسيح المخلص فانتظروني …. راجعلكم ورح أنهي كل مظاهر الإستبداد والبطاطا بسوريا …

بيسلم عليك عبد العزيز الخيّر .

لؤي حسين

 

مازال حصار الغوطة الشرقية مستمر …. والناس ما عاد عرفت شو عم يصير … مع تواجد ألوية لحماية تجار الدم متل لواء درع العاصمة ولواء تبع ابو علي خيبة والي هنن على علاقة وثيقة مع حواجز النظام وما بيتم إدخال اي شاحنة أكل الا عن طريقن … وجيش الإسلام ساكت ولا حركة ولا أي شي …. معناها مستفيد من الوضع + الخروج من الغوطة صار شبه مستحيل ( بتختلف التسعيرة حسب الضابط الي عالحاجز وممكن توصل لـ 100 الف عالشخص ) مع تواجد معبر واحد مراقب من قناصي النظام , والأسبوع الماضي كان في محاولة لبعض الأهالي للهروب ولكن تم قنص إمرأتين وطفل .

1460121_901662476518474_9195600977808505545_n

 

البابا فرنسيس خلال زيارته لتركيا : تركيا تظهر كرماً تجاه المتأثرين بالمآسي في سوريا .

هون في سؤال على طول بيخطر ببالي … الكل بيسمع ادعية خطباء جوامع المسلمين بكل خطبة جمعة على الأقل على المسيحيين واليهود والضالين والنصارى و و و و الخ الخ واللهم رد كيدهم في نحرهم وأمحقهم ودمر الأرض تحت أقدامهم وبكل بساطة …. ماذا لو تردد نفس هذا الدعاء بالكنائس مثلاً وعلى مسمع من العالم أجمع ؟؟ هل رح يسكتوا المسلمين ؟؟ أو حلال ألنا حرام على غيرنا الدعاء ؟؟؟

البابا-فرانسيس-يصل-سفارة-الفاتيكان-بأنقرة-ليبيت-فيها-ليلته-1024x684

 

حملة التضييق على المواطن من السلطات السورية مستمرة دون هوادة …. باقية وتتمدد ووصلت هلئ للطلاب الجامعيين وطلاب المعاهد الملتزمة بتوظيفن الدولة :

ﺭﺋﻴﺲ ﻣﺠﻠﺲ ﺍﻟﻮﺯﺭﺍﺀ ﺍﻟﺪﻛﺘﻮﺭ ﻭﺍﺋﻞ ﺍﻟﺤﻠﻘﻲ : ﻻ ﺗﻮﻇﻴﻒ ﻟﻠﺸﺒﺎﺏ ﺍﻹ ﺑﻌﺪ ﺍﻻﻧﺘﻬﺎﺀ ﻣﻦ ﺍﻟﺨﺪﻣﺔ ﺍﻟﻌﺴﻜﺮﻳﺔ ﺣﺘﻰ ﻟﻮ ﻛﺎﻥ ﺧﺮﻳﺠﺎً ﺟﺎﻣﻌﻴﺎً.
ﻭﺟﻪ ﺍﻟﺪﻛﺘﻮﺭ ﻭﺍﺋﻞ ﺍﻟﺤﻠﻘﻲ ﺭﺋﻴﺲ ﻣﺠﻠﺲ ﺍﻟﻮﺯﺍﺭﺀ ﺗﻌﻤﻴﻤﺎً ﻟﺠﻤﻴﻊ ﺍﻟﻮﺯﺍﺭﺍﺕ ﻭﺍﻟﺠﻬﺎﺕ ﺍﻟﻌﺎﻣﺔ ﻳﻨﺺ ﻋﻠﻰ ﻋﺪﻡ ﻗﺒﻮﻝ ﺇﻱ ﻃﻠﺐ ﺗﻮﻇﻴﻒ ﻟﻠﺸﺒﺎﺏ ﺇﻻ ﺑﻌﺪ ﺍﻻﻧﺘﻬﺎﺀ ﻣﻦ ﺍﻟﺨﺪﻣﺔ ﺍﻟﻌﺴﻜﺮﻳﺔ ﺣﺘﻰ ﻭﻟﻮ ﻛﺎﻥ ﺧﺮﻳﺞ ﻣﻌﻬﺪ ﺃﻭ ﺟﺎﻣﻌﺔ ﻣﻠﺘﺰﻣﺔ ﺑﻬﺎ ﺍﻟﺪﻭﻟﺔ .

 

طبعاً من أهم الأحداث بالأسبوع الماضي كان قرار براءة حسني مبارك ونجليه ووزير الداخلية حبيب العادلي من قضايا قتل الثوار بميدان التحرير وقضايا الغاز مع اسرائيل وفساد مالي وكزا .. الخ الخ … + البنوك السويسرية قالت بأنها رح ترفع التجميد عن أموال مبارك وولادو بس يصير القرار قانوني .. ودقي يا ربابة ..
يُقال بان هالصورة كانت من أهم الدلائل على براءة الريس … أسفين يا ريس أحنا كنا بنهزر
10687146_10152462047606439_7390324718981353190_n

 

مشاكل اللاجئين السوريين بكل العالم لسى مستمرة باقية وتتمدد يعني …. و التفكير باللجوء كمان صار شي واقعي وبيستاهل المخاطرة … بس بيعمل معضلات فكرية

فجأة بيجي على بالك تهاجر … او تلجأ … او تتعرف على شي مهرب مصاص دم أنو ينورك بالطرق الشيطانية الي صارت على كل لسان … شي منطاد وشي بحر وشي طيارة شحن بضايع … يعني مغامرات سندباد ما كان فيها هالاكشن كلو …. وكل هالمراسم فقط مشان ما تبصم بإيطاليا … طبيعي لان اذا بصمت هنيك رح يرجعوك وين ما صرت لهالبلد الي نص سكانن عم يشحدوا هلئ … والنص التاني حاطين صور مونيكا بيلوتشي وعم يفطرو ويتغدو ويتشعوا سباغيتي 
هي شلون بفكر انا بالطليان … بونا بيتيتو …
بيمشي معك المهرب بالحوار للأخير وانت مشدوه بالكم الهائل من محاسن الهجرة وكلو الله وكيلك على زوئك … شلون ما كانت شخصيتك او تفكيرك بتلاقي شي مناسب … بدك نسوان في بدك جوامع في بدك حشيش في وبدك تمارس هوايتك بالرسم وبدك تمارس هواية التصوير بموبايلك الفاخر .. كمان في …
بتوصل لآخر نقطة …. اي كم بتكلف العملية … ولله إلك بس هاد السعر ما لغيرك لان مبين على وشك انك آدمي وحباب وإبن ناس وما خرج تعتير … وما صار لغيرك ومشان الي بتعبدوا لا تخبر حدا اني قلتلك هالسعر …. إلك بس 20 الف دولار هي لان ارتحتلك …
تمام … المهرب ارتحلك .. هي أهم شي .
بتصفن بوشو السمح تلت ثواني …. لا أخي ما بيمشي الحال انا 20 الف دولار اذا بدي اشتغل لطالعن بدي عالاقل 5 سنين من بكرا ..
بترجع عالبيت … يا الله جنسية وجواز سفر جديد وأوروبا وباريس والكامب نيو ونهر الراين ….وجبال الألب ….. ومونيكا بيلوتشي  ….
هي حال نص السوريين هلئ …. صار اللجوء حلم .

438

 

 

 

 

 

GD Star Rating
loading...
GD Star Rating
loading...