GD Star Rating
loading...

رواية عن مغترب سوري عاد الى الوطن .. بفترة التمانينات …وياريتو مارجع

هل فترة كانت سودا للمغتربين السوريين , فكان قليل منهم يعرف ماذا كان يحدث في الوطن لاسباب بتختلف تقنيا عن الحاضر .. كل الاخبار اللي تجيهم اضطرابات و بس

بهل الفترة السودا كان المغترب السوري لما ينزل من الطيارة بسوريا كان يروح للجوازات و قلبو بكفو

ان حكى ضد النظام او ضد مسؤول او ضد عامل النظافة بالسفارة كان مهدد

لو حكى مع اصدقاءه كان مهدد لانو المخبرين كانو كتار

حتى لو ما حكى عن اي واحد ,بس المخبر ما استهضمو بيطقّو تقرير بيبتليه

و المخبرين الموجدين في اوروبا كان يكتبو تقارير ع الفاضي و ع المليان .. المهم يكتبو تقارير.. في منهم تسلاية .. و في منهم كانو مجبرين انو يكتبو ولو اي شي .. (عيب يا عني معقول اجهزة  الامن تعطّل (..

 

الرواية بالمختصر المفيد .. المواطن هاد لسا ما حط رجلو على ارض المطار  شحطوه من المطار لبيت خالتو ..وما ادراك ما بيت خالتو

الطريف بالموضوع انو اتهموه بالانتساب لجماعة الاخوان المسلمين رغم انه ملحد و اصلو مسيحي

هون اذا بتسمحولي (شكرا) رح اضيف مقطع من الرواية .. بتورجيك  انو في سوريا المتهم متهم و ما خرج انو تثبت براءتك حتى لو كان مكتوب ع جبينك ..

———————————————————————————————————————————

قلت له اسمي .

-ولا كلب … شوف … لسه ما بلشنا معك, صار فيك هيك, لسا هاد كلو مزح و ما بلشنا بالجد, الافضل من البداية انو تريح حالك و تريحنا …بدك تحكي يعني بدك تحكي !! هون عنا كلون بيحكوا.. وبدك تحكي كل شي …من طق طق ..لـــ سلام عليكم ! هاه ..مستعد تحكي ؟.

-ياسيدي بحكي شو ما بتريد … بس قولولي شو بدي احكي !

- طيب هات لاشوف .. عطيني اسماء اسرتك ولا

بدأت اعد له اسماء اسرتي , بدءا من والدي و والدتي .. لكنه قاطعني صارخا مهتاجا :

- ولا جحش… عم تجدبها عليّ؟؟ انا بدي اسماء أهلك ؟؟ خ**ي عليك و على اهلك .. قللي اسماء أسرتك بالتنظيم ولا .. كرّ

- اي تنظيم يا سيدي ؟؟ اي تنظيم ؟

- يا ايوب .. يبدو ان هاد التيس عم يغشم حاله .. بدوّ يعذبنا و يعذب حالو

-ياسيدي و حياة الرب و حياة الرب .. ما بعرف عن شو عم تسألني ! أي تنظيم هاد يللي عم تحكي عنو ؟

-  تنظيم المن**ك متلك …تنظيم الاخوان المسلمين .. شو ما بتعرف تنظيمك ؟؟

- بس يا سيدي انا مسيحي انا مسيحي !!

-شو ولا عم تقول مسيحي .. العمى بعيونك العمى .. ليش ما حكيت ؟؟ ليش جايبينك لكان ؟؟اكيد  اكيد عامل شغلة كبيرة… مسيحي !!

- انتو ما سألتوني يا سيدي … و مو بس مسيحي … انا رجل ملحد كمان … ما بآمن بالله !!

- و ملحد كمان ؟؟

- نعم يا سيدي نعم .. والله العظيم ..و شوف جواز سفري

-  قال ملحد قال … ! اي .. بس نحن بدولة اسلامية !! ايــــــــوب كمّل شغلك

وعادت خيزرانة ايوب تواصل عملها

———————————————————————————————————————————————————–

 

بغض النظر اذا الرواية حقيقية ام لا .. بس من السهل انو تكون الاحداث كانت كما كتبها الكاتب و خصوصا بهديك الفترة

اللي بيحكي عن السجون التركية في السبعينات Midnight Express الرواية  طويلة لحتى اكتبها كلها هون , بس من الناحية الادبية ممتازة و بتشدك , بتذكرني شوي بفيلم

)مابعرف اذا شفتوه .. اللي ما شافه بنصحو يشوفه(

 

و اللي حابب يقرا الرواية  .. واللي  ما بيعرف  كيف السجون في سوريا … و حتى لاخواتنا المنحبكجية الكرام (مسموح انو يقروا.. مشان يعرفو مين عم يشجعو) يتفضل يكبس هون

 

طبعا لا حدا يتفضل و يقللي انو هي قصة من الخيال العلمي لانو كلنا منعرف انو بتصير هيك امور عنا

 

 

طوّلت عليكم ..

GD Star Rating
loading...
GD Star Rating
loading...
القوقعة, 5.5 out of 10 based on 6 ratings