GD Star Rating
loading...

ظهر ولأول مرة , هذا الشبيح علناً بالبدلة الخاكية , شبيح بكل معنى الكلمة , و على صفحتو الشخصية عالفيس , بإسم عمار اسماعيل , قائد الجيش الالكتروني السوري , و ربط انتصار النظام بمعركة البقاء , بقرصنتو لمواقع عالمية ,

وعلى قولو : هز عرش آل سعود / حُماة الهيكل / , هلق مابعرف شو دخل , حذلقتو الالكترونية , بالسعودية والعم سام , شو دخلهن , بحمزة الخطيب او هاجر , او القاشوش , او باقي الشهدا ؟

 

وقال: انو نحن عم ندق ونغني ع وتر الطائفية , نحن كمغتربين , هيك بيقصد  القائد العام للجيش الاكترومي

و انو هو و/ جيوشو / ادهشو العالم , هالعالم يللي رادو المندسين , يوصلولو فكرة عن التخلف في سوريا , فإجا حضرتو وبجيشو العتيد , وحرر الجولان , عفواً , قصدي حرر الفكر العالمي  من دس المندسين , و بلش يتفاخر , انو الفيس بوك سكرتلو صفحتو , و انو ما ضل جهة اعلامية , ما جابت سيرتو , هلق بالعاطل ولا بالمنيح , الزلمة مبسوط

وعم يتشكر المهندس علي , مابعرف شو شغلتو , يمكن قائد الفرقة التحشيكية الرابعة , مضاد فيس بوك

وقلو :  ضلو مكفيين بطريقكن ,, و انو تم الانتصار , على مين برأيكن ؟ على كرات البراز ,, يللي هنن : كل شي  طلب الحرية !!

و انو : سوف يتم سحقنا , بالبوط الرين الابيض , يللي كان لابسو ابو هادي بالبيضا , وما وقف هون وبس

ضل متل اسيادو , محدد نظرو باتجاه واحد , و ارجع كل الثورة الافتراضية عالنت والفيس , لشخصين , انس قطيش , والفنان حكم البابا ,, وقال انو ح يكارم اهلن بسوريا , على طلبن للحرية , وانو الفنان حكم صار الابن العاق  وقللو :

انت يا حكم البابا ,, يللي عم تدير حلقة الدبكة : سنعتني بمن تركت ورائك ,, وانو رح تكون اخرتهن تحت البوط الابيض ,, وما رح يرجعو من غربتهن الا على صدنايا

وانو حجافلن , رح تدعس كرات البراز , بالبوط الابيض !!

لهون يمكن مافي صدمة كبيرة , كونو يعني المكتوب باين من عنوانو , و شو بتتوقع من صاحب صفحة , صنفت من اقذر الصفحات عالفيس !!

بس لما بتعرف مينو هدا عمار اسماعيل , بتزعل على اطفال بلدك

عمار اسماعيل : مدير مهرجان شكسبير ,, لنشطات الاطفال والاسرة , ورح اكتبلكن كم كلمة من اللي حكاهن يوم افتتاح المهرجان , وشوفو واحكمو , على القائمين على تربية الجيل

عمار اسماعيل في افتتاح المهرجان 20 / 3 /2011: إن افضل ما تقدمه هذه الفعاليات للطفل هو اعطائه الحرية , ليعبر عن مشاعره وافكاره , اننا نعطي الطفل الحرية في الاختيار , وهذا الاسلوب المتبع نحقق من خلاله , تعويد الطفل على تطور نفسه من ذاته ,,, انتهت كلمتو التاريخية

هدا هو قائد جيش الاسد الالكتروني , صاحب كرات البراز , وكتير كلام منمق , خلى ادارة الفيس بوك تسكر هالصفحة الزبالة ,,

هدا هو عمار اسماعيل ,, مربي الاجيال الصبح ,, شبيح محشكجي بعض الظهر , وقيس هالنظام , من هالشكيلة ومتلو

ولسى شو بتقلك بثينة والشرع , انو اخي ليش مابدكن حوار , وانتقدو رفض بعض المعارضين , من رفض الدعوة , وعدم العودة للشام , انو ليش مابدكن تجو , معقول خايفين , لأ ولو , ياعيب الشوم منكن , شو خوف ما خوف !!!

فعلا عم اتساءل مع حالي ,, انو اذا راح بشار ,,, هدول شو حلتهن ؟؟

طلبنا الرد من الفنان حكم البابا , ليكون حصرياً على المندسة , لو امكن ذلك

الصورة من موقع جوشيا يللي غطت مهرجان شكسبير

freesyria

GD Star Rating
loading...
GD Star Rating
loading...
عمار اسماعيل ,, الجيش الالكتروني و كرات البراز, 2.7 out of 10 based on 19 ratings