GD Star Rating
loading...

ياقاشوش
الى الشهيد ابراهيم قاشوش شهيد الكلمة نظمتها على لحن الأغنية التي قتل بسببها
انت الرابح ياقاشوش
قشقش ماهر قشقش رامي
وشاليش وباقي الأسامي
رح ندعسهم بالصرامي
وبنفرجيهم للجحوش

انت الرابح ياقاشوش
هو الخاسر انت الكاسب
انت الصادق هو الكاذب
خلو يقتل خلو يصاوب
رح ننتف ريشو المنفوش

انت الرابح ياقاشوش
ارتاح بقبرك بدنا صبرك
رح بنكمل احنا بامرك
مهما كذب مهما فبرك
ولو عبا الحارات نعوش

انت الرابح ياقاشوش
غاضو صوتك قرر موتك
حط كروتو قبال كروتك
فكرو بموتك يسكت صوتك
طلع نقبو على فاشوش

انت الرابح ياقاشوش
صوتك رن بكل الدنيا
وكل دقيقة و ساعة وثانية
بفرنسا وروسيا وألمانيا
بالهند وديرة البلوش

انت الرابح ياقاشوش
بحمص ودير الزور ودرعا
وبانياس وادلب مجتمعة
صوتك عامل الهم صرعة
سبت وأحد اثنين وجمعة
حماة صارت مثل القلعة
ماقدرو عليا الوحوش

افرح افرح ياقاشوش
انت بموتك فت الجنة
عيش بهالنعمة وتهنّا
والعترة عليهن هن
سفاح وعباد قروش

انت الرابح ياقاشوش
صوتك فينا بيخلينا
نهتف ونهز بايدينا
ارحل ارحل سوريا لينا
مهما الأمن علينا يهوش

كون مطمن ياقاشوس
كم يوم ورايحين يفلو
مثل الشعرة بدنا نسلو
خلي السفاحين يولو
تريسه ما بتوكل قاشوش

حبيب حوراني

GD Star Rating
loading...
GD Star Rating
loading...
تريســــة و قاشـــوش, 6.0 out of 10 based on 5 ratings