GD Star Rating
loading...

 

 

سنقطع يد كل من تسول له نفسه العبث باقتصادنا الوطني

*حرامي كبير بالبلد

 

ما بدنا شي…. ما بدنا شي أبدا غير يرجع الأمن و الناس ترجع متل أول

*مواطن خايف

 

بحب قلو لسيادة الرئيس أنو في وراك تلاتوعشرين مليون فدائي سوري مستعدين يموتو فداء لألك

*شبيح

 

عطاني الشيخ أبو نظير أسلحة و قلي وزعها و خلي الناس يقتلو الأمن… قلتلو مو حرام يا شيخنا؟… قلي هاد أسمو الجهاد يا أبني

*سلفي جهادي من درعا

 

سألني النائب اللبناني ليش ما أطلقت النار على المتظاهرين؟…. قلتلو ما طاوعني قلبي…. قلي لاء ما بصير لازم تطلق عليهم الرصاص لحتى تعمل فتنة

*عضو بعصابة مسلحة عادية غير جهادية

 

تمكنت اليوم الأجهزة الأمنية بمساعدة الجيش العربي السوري من قتل خمسة عشر و اعتقال خمسمئة ارهابي سلفي ممن روعوا الأهالي في محافظة درعا… هذا و قد أكدت قيادة الجيش استمرار العمليات في المحافظة حتى تطهيرها الكامل من العصابات السلفية

*قناة الدنيا

 

سوريا رح اتضل شوكة بعيون العدا … و رح  يضل سيادة الرئيس فوق راسنا و فوق راس هالبلد

*مواطن مسحوق

 

وين كان مجلس الأمن و منظمات حقوق الانسان من المجازر يلي صارت و عم تصير كل يوم بغزة؟… و ين كان مجلس الأمن و الأمم المتحدة من جرائم أمريكا بالعراق و أفغانستان و الصومال؟… ما بيطلع صوت هالمنظمات غير علينا بس؟… يروحو يشوفو اسرائيل و أمريكا شو عم تعمل قبل ما يحكو علينا

*مواطن حمار

 

 

GD Star Rating
loading...
GD Star Rating
loading...
أقوال مأثورة, 7.0 out of 10 based on 3 ratings