GD Star Rating
a WordPress rating system

هلق صح انحكى بالموضع هون ع المندسة اكتر من مرة وبجوز حدا يقول صرعتونا بهالموضوع شو مافي سيري تاني   … بس بتوقع انو تجربتي مع الشيخ العرعور مهمة شوي لانو بتوقع انو جزء لابأس فيه من الشباب المندسين يلي عم يزور هالموقع حالتن متل حالتي .. .

انا وغيري الكثير من الناس يلي بيكره الكلام الطائفي كره العمى وبيكره الناس يلي بتحكي فيه وكان ولازال عندي انطباع سئ جدا عن قناه الصفا و وصال يلي بتنقد طوائف او اديان تاني (بعرف انو في عشرات القنوات البغيضة من الجهة التاني يلي بتهاجم السنة) ..

المهم فيما يخص عدنان العرعرور .. متل مابتعرفو في حملة اعلامية شرسة جدا من النظام السوري لتشويه سمعته وتأليب  الناس ضده و ضد المتظاهرين من بداية الثورة  وهادا الحكي  واضع جدا و كلكم بتعرفوه .. ويكفي لتبرئته ان تتهمه قناه مثل الدنيا وتجيب شهود ومهرجين ومدري شو .. طبعا هادا حكي فاضي وماحدا شالو من ارضو ..

………………

منرجع عالموضوع .. المهم انا كان عندي حكم مسبق انو هالشيخ طائفي لانو بيطلع ع قناه وصال واحيانا ينتقد الشيعة

 من كم اسبوع .. الله رضي عليي واسمعت قناة الدنيا عم تحكي عن تحريض الشيخ للناس .. ولاني انا كتير بعرف مصداقية هالقناة قررت أخيرا  ولأول مرة انو روح شوف هالزلمي شو عم يحكي بخصوص الثورة .. وهنا كانت المفاجأة غير المتوقعة بالنسبة لي …..

نكشت اليوتيوب نكش … تمنيت ان اجد فيديو واجد منذ بداية الثورة لهذا الشيخ فيه تحريض طائفي ..رغم انو انا متأكد انو الشبيحة والأمن عم يحاولو يصطادو شي كلمة طائفية منه بخصوص الثورة مشان يصرعو العالم فيها …  وبالعكس سمعته عشرات المرات يؤكد على سلمية الثورة ..سلمية الثورة … وعم يقول لاترودو عليهم وان ضربوكم ..

……………………………

خلاصة هالموضوع ياجماعة انو خجلت من نفسي كتير لانو هذا الشيخ قدم للثورة اكثر من ما قدمته انا وامثالي من المنقدين بكثيييييير ..

هوي عم يرفع الروح المعنوية للشباب للسما و عم يشد من عزيمتن واحيانا بيعطي شوي توجيهات لاسقاط هذا النظام الظالم الفاشي فشو عم ساوي انا وامثالي ؟؟؟

هلق بالنهاية صح انا بتمنى انو شخص متل غليون والمالح والبني ودليلة وكيلو وغيرن هني يلي يوجهو المتظاهرين .. وبتمنى المشايخ يبعدو عن السياسة ..  بس بغياب البديل حاليا مالي غير قول شغلي وحدي .. جزاك الله خيرا  أيها الشيخ العرعور لما قدمته وتقدمه للثورة السورية التي ستتوج قريبا ان شاء الله بسقوط مافية الأسد….

متل ماكتير شباب قبلي قالو هون ع المندسة .. بعد انتصار انتصار الثورة قريبا ان شاء الله .. الناس مارح تذكره الشيخ العرعور الا بالخير بمعني مارح يكون الو وجود بالحياة السياسية للسوريين وهادا اكيد ..

لكم كل الود

اخوكم
Just Syrian

GD Star Rating
a WordPress rating system
GD Star Rating
a WordPress rating system
قصتي انا والعرعور, 6.9 out of 10 based on 30 ratings