GD Star Rating
loading...

امريكا و الدول الكبرى , قالت مبطناً , انو الحري  بالتحرك , هي الدول العربية , و عطت باتفاقها مع روسيا , الضو الاخضر , للكل, بس مع هيك , ضل الكل حذر , لانهن صارو اعلم , بألاعيب السياسة , و عندهن حذر اكبر , من سكوت ايران قبل العاصفة , ايران لهلق عم تكتفي بالمد العسكري , و التخطيطي , للنظام , بس اكيد , ما رح تبقى عم تتفرج , و النظام كل يوم عن يوم , عم تتأكد نهايتو

و على هالضو الاخضر العالمي , بلشت تتحرك الدول العربية , هلق مشكور تحركها , بس ابداً مو ممنونين من التأخير

لانو كان بوسعهن ياخدو هالموقف , لحالهن , و قنواتهن عم تبث قدام عيونهن صور القتل و الدمار , يللي عم يعملوه آل الاسد بالبلد

طلع رئيس الجامعة العربية , و قال هالشي مو مقبول , بس عطى مجال للاستمرار , انو اذا بدي الاصلاح !!

و بالليل , كان الموقف العربي الرسمي الاكبر , من بداية الثورة السورية , و هو خروج ملك السعودية , ليحكي صراحةً على سورية 

للاسف , ضل كلامو فيو , لغة الفرصة الاخيرة , و مابعرف ليش ما بيحسو , انو من وين الفرصة الاخيرة رح تجي , و اثناء دقايق كلمتو , كان في عدد من الشهداء

خطاب الملك للنظام , كان مختزل بكلمتين , انو مستقبل سوريا صار : اما الحكمة او الفوضى و الضياع

الحكمة يا ابو متعب , اكيد منتهية , و مافي جدوى من طرحها , و الوقت تأخر , و الاسد عم يودع البلد , و مشترط يتركها حطام , و هدا الشي عم يتفعل يوم بعد يوم , و خصوصاً , من اعمال النهب يللي صارت مبارح و اليوم بالمدن المحاصرة , اما موضوع الفوضى و الضياع , فهدول كرات صارت بملعب الجيش و المعارضة , يا بكونو قد الحمل , يا اما ح يكون البناء طويل الامد و مكلف

هدا من حيث الحكي يللي حكاه الملك , اما من حيث الفعل , فكان في فعل سعودي كبير , اولهن طلب السفير السعودي بسوريا للتشاور , و هدا يمكن يكون سحب مبطن للسفير , اذا ما تغيير شي عالمياً

و تانياً و الاهم , انطلاق الثورة السورية على الاراضي السعودية

هدا الحدث هو الاهم , بكل الموقف السعودي , صاحب الوزن الاكبر عربياً و خليجياً , المظاهرات في السعودية , بتعني انو اكبر الدول العربية , اسقطت النظام السوري رسمياً , و ممكن بانضمام باقي دول الخليج , نلاقي المظاهرات السورية , عم تعمل كثافة , و تنقل صورة اوضح للعالم , انو النظام انتهى لا محاله

منتأمل تكون الضغوط و الصيغ , معقولة , و تؤدي لتوقف الدعم المالي للنظام , و سقوطو سياسياً و بسرعة

موقف المملكة اليوم بيدل , على نية دول العالم الكبرى , عدم التدخل العسكري بسورية , و هدا من اكبر اهدافنا مع سقوط النظام

احد المقاطع , لانطلاق الثورة السورية في الرياض , صباح 8/8/2011

httpv://www.youtube.com/watch?v=ovA_nsPbWT8

شكر كبير , للشعب السعودي , يللي انطلق بالمظاهرات مع السوريين , و كان الحس العربي مرتفع

الثورة منتصرة

 

فري سيريا

GD Star Rating
loading...
GD Star Rating
loading...
بداية الثورة السورية بالسعودية, 8.1 out of 10 based on 15 ratings