GD Star Rating
loading...

اي مزبط العنوان ….

الياسمينة الزرقاء … هي العملية النوعية لمخابراتنا العظيمة … 

هي العملية النوعية لحافظ مخلوف …

واللي قدرو فيها يتفوقو عالمخابرات الامريكية والاوروبية والاسرائيليةة والعربية والمريخية ولك حتى على المخابرات تبع كوكب زحل وعطارد 

مابيعرف الواحد شو يحكي 

يعني قديش فيها الياسمينة البنفتحية كزب وكش وخرط  … مع هيك فيه كتير عالم مسدقتها ومقتنعة فيها ….

هاد كلنا بنعرفو …  بس اللي ما بنعرفو انه فيه اجحش من هيك كمان …

مبارح كنت مو قدران نام .. فتحت هالمندسة وشفت المقالات وخلصو …

رحت عالفيسبوك وكمان خلصو ما في شي جديد

قلت لنروح لعند مدونة حشاشجي … رحنا .. وعم نشوف ونقرأ ….

بواحد من التعليقات شفت واحد كاتب لحشاشجي وعاطيه لينك للياسمينة الزرقاء مشان يعلقلو عليها بطريقتو … خطري فوت اضحك عالكومنتات تبعهن …

فتت وبلشت اضحك … لك عالم جحاش .. لأ لأ عفوا مو عالم .. جحاش جحاش … لك مو طبيعيين … لك والله العظيم بعرف انه فيه عنا عالم مخها سميك .. عالم غبية .. عالم ما بتفهم .. بس شغلتين ما كنت بعرفهن …

الاولى انه شعبنا عظيم لهالدرجة لحتى قدر يتحدى هالطاغية ….

والتانية انه فيه عالم جحاش لهالدرجة … درجة تفوق الياسمينة الزرقاء … بنفس المدونة اللي حاطين الياسمينة البنفتحية … الذكي اللي كاتب المدونة ( طبعا حاط اسمو وعنوانو وصورتو وكل شي .. مشان التكريم يعني ) قال هاد العبقري اكتشف عملية نوعية للمخابرات السورية واكتشفو مؤامرة جديدة بعد الياسمينة الزرقاء …

قال طلع كل شي صار بقرية البيضا وكل شي صار مع احمد بياسة مخططلو ومدروس … ههههههههههههههههههههههههههههههههههه

يلعن سماهن !!! لك شو هااااااااااد …  فعلا مؤامرة يا شباب …

ما رح احكي كتير مشان ما انزعلكون الفلم الهندي اللي رح تقرأوه …

نطو لهون وشوفو الغباء لوين بيوصل … وهاد مشان اللي بيظن الغباء اله حدود .. مشان يتأكد انه غباء المنحبكجية لا حدود له

عملية الياسمينة الزرقاء وما بعدها ,,, خطير جداً

 

بس اللي بدي اعرفو … انه متل هاد الحمار صاحب المدونة … شو مصيرو بعد ما يطير الجحش الكبير ؟؟؟؟

GD Star Rating
loading...
GD Star Rating
loading...
عملية الياسمينة الزرقاء وما بعدها ,,, خطير جداً, 8.1 out of 10 based on 7 ratings