شو يعني تدخل خارجي؟ و ليش السلمية؟
loading...
بسم الله الرحمن الرحيم
بالأيام الأخيرة آلمني جداً أنو بعض الشباب لما وصل البل لدقنهم، ولما وصل العنف لمدينتهم، بلشو ينسو الشعار يلي هنن نفسهن كانو رافعينو وهو “السلمية”.. وبلشو شوي شوي يطلبو التدخل الخارجي العسكري أو عالأقل ما يمانعوا حدوثه!!
حابب بحكيي هلأ أني ذكركم وذكر حالي قبلكم ببعض المفاهيم يلي لازم تبقى راسخة بذهننا لحتى نحافظ على ثورتنا وعلى دم شعبنا..
أول شي يا جماعة بدنا نتذكر أنو رفضنا لرفع السلاح هو خير علينا، والمثال كتير كتير قريب وليكنا كلنا فاتحين التلفزيون عم نحتفل مع أخواتنا بليبيا..
يا جماعة ثورتهن بلشت 17 شباط ونحنا ب15 آذار (ولو أنو أحداث درعا يلي بلش فيها القتل الفعلي كانت بعد هالتاريخ)..
يلي بدي أوصله أنو شهداءنا بأسوأ التقارير الحقوقية يلي سمعتها لهلأ عم تقول أنو بيوصلو 2900 تقريباً..
والناس يلي عم يحكو عن المذابح وغيرها عم يقولوا أنو الشهداء بيوصلو لحوالي 8000..
بليبيا ما في رقم واضح بس بيقولو أنو عشرات الآلاااف.. وللعلم أنو الجمع بيبدأ من تلاتة وفوق.. يعني 30,000 شهيد أو أكتر
فرق شهر بيننا بس فرق العدد واضح تماماً أنه أضعاف!!
وكلنا منعرف أنو الأسد وفرق الموت تبعه مو أقل إجراماً من القذافي وكتائبه بنوب، لأ والكل بيعرف أنه كان صاحب القبضة الأمنية الأقسى عربياً..
شو سبب هالفرق بالعدد؟
السبب الأهم أنو أهلنا بالمدن المحاصرة وحتى بأسوأ الأحوال ما رفعوا السلاح..
شو بتفرق؟
يا سيدي بتفرق من ناحيتين..
أول شي دولياً: أنو لما عم يقاتل مدنيين، وعم يقصف مدنيين، والفيديوهات تثبت هالشي، وبشار وإعلامو الكذاب ما قدروا يثبتو العكس وحتى صوروا كم مسلسل مكشوفين عن مسلحين عم يطلقوا النار وما حدا صدقهم…
بقا هو رح يتركوه يقتل فترة بس الرأي العام بيضوووج وبتبدأ الشعوب يعترضوا عالدول تبعهن أنو شو هالصمت..
وبالتالي شفنا مظاهرات بكل العالم نصرة لثورة الشعب السلمية وبلش سحب السفراء والحصار الاقتصادي والمطالبة بالتنحي ولا حدا يقلي أنو هاد ما بيأثر، كل هالحكي بيأثر وبيهم النظام وإلا ما كان استمات الإعلام السوري بنفيه….
تاني شي بتفرق عسكرياً: كلنا سمعنا أنو الجيش مو دريان شو الأخبار وحتى سمعنا أنو الجيش ما بيعرفو شو المدينة يلي رايحين عليها!!!! يعني بياخدوهن على مدينة وبيقولولهن هدول مندسين سلفيين مجرمين قوصوهن..
الجيش لو شاف ناس معها سلاح وعم تحاربه كان دخل بالمعركة وزبطت الفبركة تبع النظام، بينما الجيش عم يفوت يلاقي ناس واقفة حاملة ورود وعم تنادي: الجيش والشعب ايد وحدة…
يعني وصلت رسالة لشرفاء الجيش أنو نحنا الشعب، أنا أخوك وهاد أبوك وهالشريفة أمك… وهون منصير منسمع بالانشقاقات!!
وكدليل على أنو تسليح الشعب مفيد للنظام، أننا سمعنا قصص واقعية ومؤكدة عن كتير مدن صار النظام يبعتلهن ناس يعرضو عليهن السلاح مشان يتسلحو، وكلنا منعرف أنو النظام ما رح يضر نفسو بنفسو، إذاً حمل السلاح بيفيده!!
وبالنهاية، ولو أجا كم واحد عبقري وحب يطنش هالحكي يلي فوق ويطلع السلاح بحب قلو أنو أنت بالكتير رح تدبر مسدس أو بارودة أو رشاش بالكتيييير!! النظام ما رح يجي لعندك وقتها حامل سكينة، رح يجيك بالدبابة والطيارة وبدون ما يقرب بيضرب البناية صاروخ بينزلها عالأرض بحجة وجود مسلحين…
قلي واحد مرة: بكرة بس الواحد يشوف أخوه تقوص قدام عيونو ما رح يبقى عم يقول سلمية
وبقلو لأخونا: إذا أخي باع دمه مشان البلد، أنا ما بروح ببيع البلد كرمال دم أخي!! وإلا وقتها بكون خسرت البلد وأخي…
وكلمة أخيرة: على مر التاريخ، مافي ثورة مسلحة أجا بعدها نظام ديمقراطي، ونحنا مو نيئة عن الخليقة لتزبط معنا ووالله مالنا حندفع كل هالشهداء لحتى يجينا نظام مو ديمقراطي بعدين!! أي شو استفدنا إذا راح الأسد وأجا ديناصور؟ 
بظن لهون ما حدا بقي عم يشك بمنطق السلمية ويلي لسا ناوي يرفع سلاح بدي طلع سلاح وقوصه لأنو مالنا حابين نخسر الثورة بسببه.. وثورتنا ثورة سلمية، قلناها من أول يوم……
=-=-=-=-=-=-=-=-=-==-=-=-=-=-
موضوع التدخل العسكري الخارجي..
شوف لنحكي بالعقل، أمريكا وأوروبا وغيرهم ليش ليدفعو هالملايين حق الصواريخ وكلفة نقل الجيوش ورواتب العساكر ويدفعوا أرواح جنودهم؟؟؟
لا حدا ينط يقلي قصة إنسانية وحيوانية ومساعدات وحقوق انسان الله يرضى عليكم لأنو هالاسطوانة باخت وخلصت موضتها..
كل دول العالم، بما فيها تركيا والسعودية والعرب، ما رح يعملو شي مو جاييتهن من وراه مصلحة…
فما بالكن أنو يعملوا شي رح يجيهن من وراه ضرر!!!!!!!!!!
شو الضرر؟؟؟ أيواااااا بلشنا بالجد…
الضرر يا سادة يا كرام أنو النظام الحالي كان حامي الحمى تبعهن، وحدود إسرائيل من جهة سوريا أئمن من حدودها من جهة البحر حتى!!! يعني من البحر ممكن تمرق شي سمكة قرش تاكل شي مستوطن اسرائيلي أما من سوريا حتى ناموسة تقرص اسرائيلي ما بيخلوها تمرق!!!
بقا نقلهن أنو يلا حنشيل هالنظام ويجي حدا وطني بيعبر عنا نحنا الشعب ويقول لإسرائيل أنتي عدوتنا الحقيقية ويبلش يطالب بالجولان ويحمي غزة بشكل واقعي؟؟؟؟؟؟؟ أي والله بيطير عقلهن!!!!
بقا لييييييش ليساعدوك ضد نظامك حبيبي؟؟
هنن أحسنلهم بكتيييير أنو يدعموا النظام، بس إذا كان النظام حمار متل عنا وما عرف يتصرف بيقومو ما رح يساعدوك تشيلو وتحط مين ما بدك محلو… رح يفوتو ويحطو جيوش عأساااااااااااس مشان حماية المدنيين وهية مشان يبقو هنن المسيطرين!!!
بينط رفيقنا هون بيقول: طيب هي ليبيا مو جنبها اسرائيل وساعدوها…
يا روح قلبي ليبيا بئر نفط… وما عم يطلقو صاروخ لليبيا إلا لما بيعرفو أنو حقو مدفوع دبل مدري دبلين سلفاً…
نحنا بسوريا شو بدنا ندفعلهن؟؟؟ تفاح ولا كرمنتينا؟؟
بعدين أنت بدك تخلص من هالجندي يلي ما بيخاف الله وعم يقوصك، بتقوم بتجيب واحد تاني بنفس الوضع إذا مو أضرب؟؟؟
فتحوا عيونكن الله يرضى عليكم…
وبأكدها ألف مرة: لا عرب ولا أجانب رح يدخلوا عسكرياً لسوريا إلا إذا رح تجيهم مصلحة من ورا هالشي، ممكن مصلحة البعض تكون شريفة وما تضرنا بس نحنا ما منستنى ليصير مصيرنا بإيديه ويقرر فينا متل ما بده!!
السؤال الأخير المطروح عادة: طيب وآخرتها؟؟؟
يا شباب، لهلأ لا حملنا سلاح ولا تدخل حدا عسكرياً، وشوفوا وين كان النظام ووين صار؟؟؟؟
لك كنا ما نسترجي نقول اسم بشار بيننا وبين حالنا، هلأ صار ممسحة!!!
لك كنا ما نسترجي نفتح تمنا بالسياسة هلأ بمشي بالحارة بلاقي تنين ختايرة عم يحكو وبالصوت العالي: “مرقت مبارح المظاهرة من هوووون” وبيرد عليه رفيقو كمان بالصوت العالي: “الله يحميهم وينصرهم ياااارب”!!!
بقا النظام عم يرجع لورا..
النظام اقتصادياً ماشي للإفلاس وشغالة المقاطعات داخلياً من الشعب وخارجياً من العقوبات!!
والناس اللي مع الثورة عم تزيد ما عم تقل كل يوم داخلياً وخارجياً!!! وسمعت من عمار القربي عالعربية اليوم عم يقول أنو والله العظيم بيعرف وزراااء وزراااء عم يقولوله أنو نحنا والله ما بدنا نقتل بس مجبورين عم تجي الأوامر غصبن عنا!! بقا مو مطول صدقوني….
والانشقاقات بالجيش عم تكتر يوم بعد يوم..
والدعم الخارجي عم ينقطع تدريجياً….
وخلونا ما ننسى أن الثورات العالمية كانت مدتها سنوات طوييييلة من الشغل، نحنا صح خمس شهور أطول من مصر وتونس، بس لساتها مدة كتير متواضعة…
ومعلش كمان نحنا شعب معمي على قلبو صرلوا النظام 40 سنة عم يشتغل ليعمينا عن السياسة وليعمينا عن الديمقراطية وليخلينا جاهلين بحقوقنا وبدستورنا وليركبنا ركب من كل النواحي وما نسترجي نفتح تمنا، بقا مو بيوم وليلة رح ننفض كل شي ونقلع هالنظام من شرشو…
وأصلاً الثورات السريعة جداً إلها مخاطرها لأنو بتبقى شروش النظام بالأرض..
حأعطيكم مثال صغييير عن ثورتنا:
يعني تخيلو لو هالنظام طار ب18 يوم متل مصر…
كيف كنا بدنا نكتشف أنو حسن نصرالله هو واحد كذاب وعميل ومو هامو غير رفيقو بيشو يبقى بالحكم؟؟ (كتير كتير كتير ناس وأنا منهم كنا مصدقين المظاهر الخادعة لهالشخص وأنو هاد يلي مبهدل اسرائيل)
بقا سلاحنا يا أبطال الصبر، الصبر والاستمرار بدون كلل ولا ملل..
في كتير وسائل سلمية بترهق وبتحرق أعصاب النظام.. ابتداءً من شعل شمعة وانتهاءً بالإضراب العام مروراً بالتظاهر والبخ على الجدران وتوزيع المنشورات وووووو…….
والزمن “جندي من جنود الثورة” متل ما بيقولوا لأنو الجيش والأمن عم يتعبوا ويرهقوا وهنن سهرانين وجوعانين وعم يتنقلو من مكان لمكان بدون ما يشوفوا أهلهم، ونحنا عم ننام ونفيق وناكل ونشرب وقاعدين بين أهلنا…
دمتم، ودامت سوريا حرة 
———–
Memo Bog
loading...
loading...
#1
أنا قرأت الكلام امبارح ع الفايس بوك لـMemo Bog، ونشرته ع صفحتي لأنه كلام موزون وصحييييييييييح 100%…..تسلم إيديك يا معلم
انتو شو رأيكون بهل الكلام؟
14 
5
#2
اي .. مزبوط نظريا
“أحيانا” بيكون في تطابق بالمصالح بين المتدخل عسكريا و مصالح الثورة … و ايقاف المد الايراني هو مصلحة مشتركة لاكتر من دولة و يعتبر مشترك مع ثورتنا …
بصراحة انا شخصيا ماني عرفان ارفض ولا اطلب التدخل العسكري .. و لساتني محتار .
بس اللي بعرفو انو اذا شي دولة بدها تتدخل عسكريا مارح يستنو رأينا , مو هيك ؟؟
بئا ما بئيدنا الا انو ندعي انو الله يقدم اللي فيه الخير و نكمل ثورتنا الى النهاية …
انتو شو رأيكون بهل الكلام؟
0 
1
#3
اي هيك ها .. كترلنا من هالمواضيع .. لازم هيك دفعة مواضيع تعيد المعنويات المرتفعة ..
أحلى وردة
انتو شو رأيكون بهل الكلام؟
10 
4
#4
Thumbs up, Allah ysaberkon ya thwar w y5afef 3nkon w 3n ahalikon
انتو شو رأيكون بهل الكلام؟
2 
0
#5
تحية لعقلك يازميل مقال اكثر من رائع بتعرف صديقي انا اكتر شي بحب بثورتنا انو عم تعبر عن عمقنا الحضاري الممتد 5000 سنة بالتاريخ عنجد عنا شعب راقي وبيرفع الراس ومابيستاهل يحكمو هل ظلام مصيرون يزولو ورح يضل هل شعب وعظمتو مخلد بوجدان العالم والكل عم ينظرو نظرة اعجاب برغم الالم برغم الجروح برغم كلشي مارح اسحب سلاح على ابن بلدي يا الله شو هل امة عظيمة عنجد الواحد بيتأثر بس بنفس الوقت بيرفع راسو عالي وبقول انا سوري
انتو شو رأيكون بهل الكلام؟
12 
3
#6
أنا معك بكل شي حكيتو بس كمان لازم يكون في آليات تضمن استمرارية الثورة ومعلومك الناس بعد ما شافت اللي صار بليبيا ما ضل عندن صبر، أنا ضد التدخل الخارجي بكل أشكالو من الصديق قبل العدو وكمان ضد التمرد المسلح وقتل عناصر الأمن أو الجيش، بس لازم نطور شوي بأساليبنا لنخفف الضغط شوي ونعطي دفعة جديدة، على سبيل المثال لا الحصر: ابتكار طرق جديدة لعرقلة حركة الأمن وإرهاقهم متل بث الإشاعات في منطقة إنو في مظاهرة بلشت بينما الحكي الفعلي بكون بمنطقة تانية، وكمان رمي أماكن تجمعهن وسياراتهم بقنابل قذرة (مو يروح فكرك لبعيد) قصدي اللي بتطالع ريحة بشعة كتير، وصولاً لموضوع المولوتوف اللي ممكن يعطب الآليات بشكل نهائي فالشباب بترجع ع مراكزها مشي. ع العموم في كتير أمور تانية وأعتقد كلشي حكيتو بيدخل ضمن إطار المقاومة السلمية.
انتو شو رأيكون بهل الكلام؟
8 
0
#7
Peacefull protest will lead to change and reform in a democratic country with democraticaly elected goverments, but in Syria , I’am not sure any more
انتو شو رأيكون بهل الكلام؟
2 
2
#8
شكراً لكاتب وواضع المقال بس اسمح لي ببعض الأسئلة إذا اتسع صدرك، من الواضح إنك إنساني وحضاري وموضوعي فيا ريت تقلي هالـ700 شهيد من الشرطة والأمن والجيش ويمكن أكتر يللي المفروض أنو كمان إلهون أهل وكمان سوريين ورجعو لأهلهم مو بس بلا روح بلا إيدين وشي بلا راس وشي مسلوخ وشي محروق……بأي سلمية ماتو… وبأي حالة دفاع عن النفس….ياأخي يا ريت هاللي عم بيصير عالأرض بيشبه حكيك والله مانو هيك
انتو شو رأيكون بهل الكلام؟
0 
17
#9
بدي أطلب منك تقرا عن تاريخ سوريا خلال الأربعين السنة الماضية وخاصة العشر السوداء (التمانينات) وحاول تقرا عن للي صار بحماه وجسر الشغور والمعتقلات والسجون متل تدمر بهداك الوقت واقرا من مصادر متعددة وعالمية اهم شي الناس للي كانو شهادين على للي صار
و رح تلاقي تشابه مذهل بين للي صار بهداك الوقت بذريعة المعارضة المسلحة لكن المجازر كانت بحق المدنيين رجال ونساء وأطفال وشيوخ لارهاب وتربية الشعب كله (من تقطيع وسلخ وحرق واستئصال أعضاء والناس عايشة وكتير اشياء غير انسانية ورح تلاقي صعوبة لتستوعب انها حقيقية) وبين للي عم يصير هلأ ببعض رجال الشرطة والأمن والجيش…هي الأفعال هي غير انسانية وغير بشرية وللي بيعملها هو مدان من مين ما كان
وأكيد أكيد أكيد مو أي انسان حتى لو كان غاضب وحانق بيقدر يعملها أنا ما فيني انكر بعض الممارسات السلبية وبأكد انها فردية ومحدودة جدا جدا صارت كرد فعل على العنف غير المبرر للسلطة للي جرت العالم له بتجييش قذر!
لكن الأفعال غير الانسانية للي عم تحكي عنها هي صادرة عن اشخاص بيشتغلو بشكل ممنهج محترف ومدروس لارهاب الأمن والجيش والشرطة بالدرجة الأولى…لأن لما هاد الشخص بشوف أنه صار برفيقو هيك وهو متلو متورط بالدم رح يستشرس بالدفاع عن نفسه و رح يفكر مية مرة قبل ما ينسحب وتانيا تجاه المؤيدين للنظام لأن اكيد ما حدا بحب يصير فيه هيك!
ببساطة يا أخي في هذا الوطن الطريقة التي استخدمت بالتمانينات لارهاب المدنيين تعاد هلأ بحذافيرها لكنها ما نفعت هالمرة ببداية الأحداث مع الشارع للي عاشها من قبل لهيك انقلبت لارهاب أفراد الجهاز الأمني والعسكري والمؤيدين خوفا من تخليهم عن السلطة وانسحابهم لجهة الشارع! صدقني هاد النظام عندو استعداد يقتل حالو ويشحد عليها!
انتو شو رأيكون بهل الكلام؟
3 
0
#10
علاااااكككككك 100%
“وبالتالي شفنا مظاهرات بكل العالم نصرة لثورة الشعب السلمية وبلش سحب السفراء والحصار الاقتصادي والمطالبة بالتنحي ولا حدا يقلي أنو هاد ما بيأثر، كل هالحكي بيأثر وبيهم النظام وإلا ما كان استمات الإعلام السوري بنفيه….”
فبشار لح:
يقدم استقالتو؟
يتقدم للعدالة؟
ينتحر؟
بدك اوروبا تتحرك؟ شلون تتحرك غير عسكريا؟ اوروبا يا بتحل الموضع يا ما بتحلو؟ بس ما بتفصل حل على كيفك.
و الجيش تعبان و مدري شو لانو مو هي شغلتو و مدرب لهل شي, و ما بتعرف انو لسى ما حرك شي من الجبش ووووووو
المقالة فاشلة بقوة كمان.
انتو شو رأيكون بهل الكلام؟
8 
14
#11
أحييك عالمقال الراقي.. قرأت التالي على موقع احرار سوريا واتوقع انه بيركب ضمن سياق مقالتك:
خمسون من أصل 67 تحول للديمقراطية حصل خلال 33 سنة الماضية كان خيار المقاومة المدنية السلمية هو العامل الحاسم فيها. وفي الحالات التي اعتمدت فيها المعارضة على مقاومة اللاعنف كانت الاحتمالية أعلى لحدوث انتقال نحو مجتمع حر و عادل، و في المقابل فإنه عندما اختارت المعارضة العنف للتغيير كانت احتمالية إقامة ديمقراطية مستدامة أقل كثيرا.
لذلك فإن المقاومة السلمية ليست فقط خيارا حقيقيا للتغيير بل إن التجارب تشير إلى أن التغيير عبر طرق و استراتيجيات الكفاح السلمي بإمكانه تحقيق نتائج أكثر إيجابية و أطول عمرا من أساليب الكفاح العنيف
(المصدر: دراسة فريدوم هاوس عام 2005 بعنوان: “كيف يفاز بالحرية: من المقاومة المدنية إلى الديمقراطية الدائمة”)
انتو شو رأيكون بهل الكلام؟
15 
5
#12
لقد ورط القذافي الليبيين بالحرب حيث فتح لهم مخازن الأسلحة
يجب ألا نتورط بذلك رغم كل محاولات النظام
بعد نقاشات ومداولات كثيرة وجدنا الأفضل التمسك بثوابت الثورة: السلمية، اللاطائفية، رفض التدخل العسكري
ذلك لأن السلمية أرخص الحلول من الناحية الوطنية وعدد الشهداء
وهي تنزع من النظام مؤيديه.
وهو كان يدس بعض الشببيحة بين المتظاهرين ليطلقوا النار على الجيش مما يستدعي الرد من الجيش
الرجاء الرجاء السلمية. غاندي قاوم بريطانيا بالسلمية
انتو شو رأيكون بهل الكلام؟
11 
5
#13
لنفرض تبرير
“لا حدا ينط يقلي قصة إنسانية وحيوانية ومساعدات وحقوق انسان الله يرضى عليكم لأنو هالاسطوانة باخت وخلصت موضتها..”
طيب لكان ليش
“وبالتالي شفنا مظاهرات بكل العالم نصرة لثورة الشعب السلمية وبلش سحب السفراء والحصار الاقتصادي والمطالبة بالتنحي ولا حدا يقلي أنو هاد ما بيأثر، كل هالحكي بيأثر وبيهم النظام وإلا ما كان استمات الإعلام السوري بنفيه….””
لك شو هلغبااااءءءءء ولا منطق من كتابتك لحالك
ووولللللللللليييييي
انتو شو رأيكون بهل الكلام؟
6 
12
#14
وين باقي فريق الحرية، ليش تاركينك لحالك هيك ووين باقي الكليشة تبع انت شبيح و ايدك بالمي ؟؟ ما بيصير هيك أعدّلوا يا اخي.
الحل جوا مو برا
ازا بس تلات محافظات تحركت تحرك جدي و شوف وين وصلنا ، ما تتحرك باقي المحافظات شو بيصير؟؟ يمكن ما بيستقيل ، بس الجيش اكيد ما رح يلحق عالمحافظات كلها ورح يرجع يعيد حساباته.
حاجة تفكر بأشياء ما رح حدا يرد عليك فيها و ان طلبتها ، سوريا غير، وضعها غير ما حدا رح يقرب عليها .. وظف مخك لطريقة تحرك حلب او دمشق .
انتو شو رأيكون بهل الكلام؟
8 
3
#15
انت ماعم تميز بين حكومات الغرب و مصالحها
ورأي الشارع الغربي
رأي الشارع قد يكون متعاطف معنا (ليس حكراً على الغرب , والشارع العربي ايضاً)
لكن الحكومات مارح تحرك جيوشها و علاقاتها و اقتصادها بسبب شي انساني او حقوقي , اغلب الحصار الاقتصادي و العقوبات الاقتصادية هي لتمرير الأمور للرأي الشعبي عندهم بأنهم تحركو بما يستطيعو , بس القصة انو العقوبات الاقتصادية لن تنفع لأنو النظام عامل نظام اقتصادي منعزل متل رفقاتو ايران وكوريا الشمالية مثلاً
اتمنى انو نحترم اراء بعض ولو كانت مختلفة او حتى بعيدة عن مانريده , والا الثورة ع الفاضية بصراحة
انتو شو رأيكون بهل الكلام؟
6 
1
#16
مع انك ما حكيت شي بس سألت سؤال عن المقالة نفسها … ومع هيك حطولك 2 ديسلايك … هذا بيخلينا نفكر يا ترى اللي عم يكتبو هيك مقالات او يعلقو عليها .. هنن شبيحة ولا لأ ؟؟؟ وبظن ما بدها تفكير كتير … زيارة لصفحات الشبيحة بنعرف التطابق بالأفكار
انتو شو رأيكون بهل الكلام؟
4 
2
#17
السلمية هي الحل بدون شك لأنها تنزع أنياب النظام وتحافظ على البلد
طبعاً رأيي عن تعمق ودراية بما يحصل على الأرض
والدلالة على صحته أن النظام سعى ويسعى للاستفزاز الطائفي وتسليح الثوار عبر بعض عملائه وقد رفض أغلبهم. لكن البعض إنزلق للسلاح ومن ثم تمت توعيته
السلمية والحرب الاقتصادية والاعلامية
أريد أن أبشركم بأن عدد المؤيدين يتناقص بشكل خرافي كما أن انشقاقات وتصدعات داخل النظام ولكن ليس هناك شفافية حتى يعرف الجميع
انتو شو رأيكون بهل الكلام؟
13 
5
#18
هههههههههههههههههههههه
قلتلي تشعل شمعة هههههههههههه
اي كتير منيح … بس اوعك تنطفي الشمعة ها ههه لانه ازا انطفت الشمعة بيقوصوك وطالما الشمعة شغالة ما حدا رح يقرب عليك ههه بقا دير بالك عالشمعة منيح ….
أقسم بالله شي بيوجع القلب … خليكون عم تنظرو لقلكون …. أقسم بالله العالم امثالكون عم تخلينا نفقد الامل انه ممكن يكون فيه حل ….
حاج تنظير مشان الله قال شعل شمعة….. وهادك بيقول الله معنا … لك حاج يا زلمة ….
انتو شو رأيكون بهل الكلام؟
4 
15
#19
لمن قاعد برا وما بيعرف: تعالوا تعلموا من الثورة السورية:
الجيش منتشر في المدن
والأهالي يطبخون ويطعمونه
لأن النظام لا يطعمه
ولأن الثوار يعتبرون أي سوري إبن وطنهم وأخيهم
حتى ولو قتلهم:
“وأهلي وإن جاروا علي كرام”
يبدو ذلك مدهشاً لكن هذا هو الواقع السوري
ففيكن ترفعوا راسكن بثوار سوريا وعظمة سوريا
نحن البلد بلدنا وما هي لبيت الأسد لذلك نحنا حريصين عليها، بيت الأسد بيدمروها ما بتفرق معهن بس نحنا التاريخ بيلعننا
“اللي بيجاربوا من برا بيظلوا برا ….المصدر جوا”
انتو شو رأيكون بهل الكلام؟
13 
2
#20
بسم الله الرحمن الرحيم
بالأيام الأخيرة آلمني جداً أنو بعض الشباب لما وصل البل لدقنهم، ولما وصل العنف لمدينتهم، بلشو ينسو الشعار يلي هنن نفسهن كانو رافعينو وهو “السلمية”.. وبلشو شوي شوي يطلبو التدخل الخارجي العسكري أو عالأقل ما يمانعوا حدوثه!!
::::::::::::::::::::::::::::::::::::::
انا من مدينة وعايش بمدينة تانية … وطلعت من أول مظاهرات نصرة لدرعا لما كانو عم يعملو عليها غزو اول شي … والبل كان واصل لدقني من اول شي ..
ومدينتي اللي انا منها كمان كانت تطلع من اول شي … وبعدين اجرمو فيها ولهلأ عم يأجرمو فيها .. يعني مو زابطة هي تبع البل ….
حابب بحكيي هلأ أني ذكركم وذكر حالي قبلكم ببعض المفاهيم يلي لازم تبقى راسخة بذهننا لحتى نحافظ على ثورتنا وعلى دم شعبنا..
:::::::::::::::::
منيح انه متفقين انها مفاهيم بس !! مو شغلات مفروضة ولازم نضل ملتزمين فيها .. مو واجب !! مفاهيم وبس !!
أول شي يا جماعة بدنا نتذكر أنو رفضنا لرفع السلاح هو خير علينا، والمثال كتير كتير قريب وليكنا كلنا فاتحين التلفزيون عم نحتفل مع أخواتنا بليبيا..
:::::::::::
ما فهمت شو علاقة الاحتفال بالحكي اللي بعده !!
يا جماعة ثورتهن بلشت 17 شباط ونحنا ب15 آذار (ولو أنو أحداث درعا يلي بلش فيها القتل الفعلي كانت بعد هالتاريخ)..
يلي بدي أوصله أنو شهداءنا بأسوأ التقارير الحقوقية يلي سمعتها لهلأ عم تقول أنو بيوصلو 2900 تقريباً..
والناس يلي عم يحكو عن المذابح وغيرها عم يقولوا أنو الشهداء بيوصلو لحوالي 8000..
بليبيا ما في رقم واضح بس بيقولو أنو عشرات الآلاااف.. وللعلم أنو الجمع بيبدأ من تلاتة وفوق.. يعني 30,000 شهيد أو أكتر
فرق شهر بيننا بس فرق العدد واضح تماماً أنه أضعاف!!
وكلنا منعرف أنو الأسد وفرق الموت تبعه مو أقل إجراماً من القذافي وكتائبه بنوب، لأ والكل بيعرف أنه كان صاحب القبضة الأمنية الأقسى عربياً..
شو سبب هالفرق بالعدد؟
::::::::::::::
بفهم منك انك بتضمن ما يتضاعف العدد بالايام الجاية بعد ما الاسد ما ضل عنده شي يخسره وكل شي ممكن يصير صار من سحب للسفراء للعقوبات الخ …
يعني سواء قتل 10 ولا 100 هلء ما كتير فارقة معو وببساطة بيضل على روايتو … تبع العصابات المسلحة …
والأخطر من هيك يا حبيبي … التوجه اللي بدهن يتوجهولو هلء !!! اتهامنا بانه تنظيم القاعدة عنا !!!
اي متل ما سمعت .. عم يجهزو هلء يتهمو المتظاهرين انه تنظيم القاعدة عم يساعدنا …
وببساطة فيك تفوت عاليوتيوب وتشوف كيف غلطانين ورافعين الفيديوهات من هلء !!! حمص واللادقية والدير والرستن و حماة و و و … مجهزين فيديوهات انه اسلاميين عم يهاجمو المتظاهرين والامن !!!
السبب الأهم أنو أهلنا بالمدن المحاصرة وحتى بأسوأ الأحوال ما رفعوا السلاح..
شو بتفرق؟
يا سيدي بتفرق من ناحيتين..
أول شي دولياً: أنو لما عم يقاتل مدنيين، وعم يقصف مدنيين، والفيديوهات تثبت هالشي، وبشار وإعلامو الكذاب ما قدروا يثبتو العكس وحتى صوروا كم مسلسل مكشوفين عن مسلحين عم يطلقوا النار وما حدا صدقهم…
:::::::::::::::::
ههه وازا قلتلك انه روسيا والصين موافقين على هالرواية وانه مسدقين رواية النظام ومقتنعين فيها …. روسيا والصين يعني فيتو !!!!1
بقا هو رح يتركوه يقتل فترة بس الرأي العام بيضوووج وبتبدأ الشعوب يعترضوا عالدول تبعهن أنو شو هالصمت..
::::::::::::::
مين اللي رح يترك مين عم يقتل ؟؟؟
هلء هون انت عم تحكي عالشعوب وانه يضوجو وشو هالصمت وهلء بعد شوي رح نشوفك كيف بتقول انه ما رح يعملو اي شي الا ازا فيه مصلحة …
طيب وحتى لو ضاج الشعب فعلي حكيك بالحالتين مافي مصلحة ليش ليردو عالشعب ؟؟ مو حاسس حالك متناقض ؟؟؟
وبالتالي شفنا مظاهرات بكل العالم نصرة لثورة الشعب السلمية وبلش سحب السفراء والحصار الاقتصادي والمطالبة بالتنحي ولا حدا يقلي أنو هاد ما بيأثر، كل هالحكي بيأثر وبيهم النظام وإلا ما كان استمات الإعلام السوري بنفيه….
::::::::::::::::::::::::
غريب … والله عم تابع كل الأخبار … ما شفت هي المظاهرات بكل العالم اللي عم تحكي عليها …
حبيبي هي المظاهرات اللي عم تشوفها هي لسوريين !! مو اميركان او روس او فرنسيين او او او …
واقرأ عن المظاهرات اللي صارت وبتشوف انه معظمها بس سوريين وبيمرو الالمان مثلا بيشوفوها وبيسألوهن اي شو القصة شو صاير … وصايرة هي
وشغلة تانية … عم تقلي مظاهرات بكل العالم … قديش اكبر مظاهرة فيهن ؟ 100 200 ؟؟ قديش !!ولا خلص 10 بيكفي لنسميها مظاهرة ؟؟
تاني شي بتفرق عسكرياً: كلنا سمعنا أنو الجيش مو دريان شو الأخبار وحتى سمعنا أنو الجيش ما بيعرفو شو المدينة يلي رايحين عليها!!!! يعني بياخدوهن على مدينة وبيقولولهن هدول مندسين سلفيين مجرمين قوصوهن..
الجيش لو شاف ناس معها سلاح وعم تحاربه كان دخل بالمعركة وزبطت الفبركة تبع النظام، بينما الجيش عم يفوت يلاقي ناس واقفة حاملة ورود وعم تنادي: الجيش والشعب ايد وحدة…
يعني وصلت رسالة لشرفاء الجيش أنو نحنا الشعب، أنا أخوك وهاد أبوك وهالشريفة أمك… وهون منصير منسمع بالانشقاقات!!
::::::::::::::::::::::::::
بهي النقطة انا بتفق معك .. انه هون سلميتنا نفعتنا … بس حتى لو … الانشقاقات اللي عم تسمع فيها احيان كتيرة عم يكون مبالغ فيها … وانا عم حاكيك من ارض الواقع … يعني اكتر من مرة سمعت عن انشاقاقات لكتيبة كاملة مثلا وانه مؤكدة و 100% .. وتأكدت من هالشي من اخي !! لانه بمكان الحدث .. وقلي لأ مو كتيبة .. دبابتين وكم جندي …
هي شغلة …
وشغلة تانية … انا معك فيه كتير بدهن ينشقو .. بس يا أخي كمان بيعرفو شو الوضع .. انه طيب انشقو شو رح يعملو بحالهن … 10 ولا 20 ولا 50 جندي ؟؟؟ يهربو على تركيا !! الاردن ؟ يقاتلو ؟؟ شو ؟
بالأخير اللي بده ينشق كمان بده يكون انشقاقه يكون بفائدة … مو ضحية جديدة وبس !!!
وكدليل على أنو تسليح الشعب مفيد للنظام، أننا سمعنا قصص واقعية ومؤكدة عن كتير مدن صار النظام يبعتلهن ناس يعرضو عليهن السلاح مشان يتسلحو، وكلنا منعرف أنو النظام ما رح يضر نفسو بنفسو، إذاً حمل السلاح بيفيده!!
::::::::::::::::::::::::
بمراحل معينة اي معك حق … بس متل ما قلت مفاهيم مو واجب
وبالنهاية، ولو أجا كم واحد عبقري وحب يطنش هالحكي يلي فوق ويطلع السلاح بحب قلو أنو أنت بالكتير رح تدبر مسدس أو بارودة أو رشاش بالكتيييير!! النظام ما رح يجي لعندك وقتها حامل سكينة، رح يجيك بالدبابة والطيارة وبدون ما يقرب بيضرب البناية صاروخ بينزلها عالأرض بحجة وجود مسلحين…
:::::::::::::::::
ههههههههههه قلتلي بيجي بالدبابة والطيارة !!
حبيبي ازا مو عرفان هو هلء عم يجي بدبابة وطيارة وزوارق حربية كمان !!! والعالم عم تنقصف هلء وانت عم تنظر … غريب فعلا !! قال بينزلها للبناية بحجة وجود مسلحين … انت وين عايش !!
بدرعا فيه بنايات نزلت متل ما هي !! مع انه سلمية ..
وهلء عم يقصف اماكن كتيرة بالدبابات والطيارات والزوارق بحجة وجود مسلحين ..
يعني ما عم يستناك … هو هالشي رح يكون داعم اله بروايته بس متل مانك شايف ما كتير سائل هو عم يصور افلام وشغلات مشان يبرر …وبكل الاحوال عم يعملو عليه عقوبات بقا ما كيتر فارقة معه …
وهالافلام والشغلات هي اللي عم يعملها مو مشان هلء .. مشان المستقبل .. يعني ازا قضى عالثورة مشان يكون عنده حجة مشان سعي دبلوماسي ليحل القصة ..
يعني وقتا بيقلهن عصابات مسلحة وقضينا عليها ورح نعمل الاصلاحات هلء .. وكم قانون على كم شغلة بيسكت اللي برى ( لانه متل ما قلت انت مصالح بس ) … وانت قلت مابدهن ياه يسقط بقا ازا قدر يسكت العالم ويحل القصة كتير منيح بالنسبة الهن .. طبعا هاد على حكيك …
قلي واحد مرة: بكرة بس الواحد يشوف أخوه تقوص قدام عيونو ما رح يبقى عم يقول سلمية
وبقلو لأخونا: إذا أخي باع دمه مشان البلد، أنا ما بروح ببيع البلد كرمال دم أخي!! وإلا وقتها بكون خسرت البلد وأخي…
::::::::::::::
فعلا الحكي مو متل الشوف … والقعدة ورا الكومبيوتر مو متل النزلة عالشارع … احكي لقلك احكي …
وكلمة أخيرة: على مر التاريخ، مافي ثورة مسلحة أجا بعدها نظام ديمقراطي، ونحنا مو نيئة عن الخليقة لتزبط معنا ووالله مالنا حندفع كل هالشهداء لحتى يجينا نظام مو ديمقراطي بعدين!! أي شو استفدنا إذا راح الأسد وأجا ديناصور؟
::::::::::::::::::::::::
نحنا مو نيئة عن الخليقة … طيب معناتا رح نكون متل ايران لانه اللي عم يصير عنا متل اللي صار بايران ورح يبيدو العالم وتموت الثورة ….
بظن لهون ما حدا بقي عم يشك بمنطق السلمية ويلي لسا ناوي يرفع سلاح بدي طلع سلاح وقوصه لأنو مالنا حابين نخسر الثورة بسببه.. وثورتنا ثورة سلمية، قلناها من أول يوم……
=-=-=-=-=-=-=-=-=-==-=-=-=-=-=-=-=-=-=-=
ههههه …. تقوصه مو … اي بعرف انك رح تقوصه ويمكن لو تعرفنا قوصتنا كلنا
موضوع التدخل العسكري الخارجي..
شوف لنحكي بالعقل، أمريكا وأوروبا وغيرهم ليش ليدفعو هالملايين حق الصواريخ وكلفة نقل الجيوش ورواتب العساكر ويدفعوا أرواح جنودهم؟؟؟
لا حدا ينط يقلي قصة إنسانية وحيوانية ومساعدات وحقوق انسان الله يرضى عليكم لأنو هالاسطوانة باخت وخلصت موضتها..
:::::::::::::::::::::::
ببس قبل شوي فوق كنت عم تقول انسانية وحيوانية وشعوب ومابعرف شو … طيب ازا ما بقلك انسانية وحيوانية ومساعدات والخ .. طيب كيف السلمية بدها تخلينا نخلص من هالجحش ازا ما بقلك انسانية وحيوانية !!! ما هي السلمية كان املنا فيها موضوع الانسانية والحيوانية اللي مو عاجبتك !!!
مو كتير عم تناقض حالك ؟؟؟؟؟ وهالتناقض ما بشوفو غير بمكان واحد ….;)
كل دول العالم، بما فيها تركيا والسعودية والعرب، ما رح يعملو شي مو جاييتهن من وراه مصلحة…
::::::::::::::::::::::
مافي مصلحة ههههههه حبيبي … الشغلة مو لعبة كاونتر بس !!! السعودية اكتر دولة الها مصلحة يسقط النظام عنا …. خوفها الوحيد انه ينتقل هالشي لعندها وبس !!!
حبيبي … لما تقول سوريا يعني ايران …
حبيبي ازا ما بتعرف فمن سنين ايران والخليج بشبه حرب مشان موضوع الامتداد الشيعي بالمنطقة ومد النفوذ … وهنن بيعرفو ازا سكتو هلء رح يزداد النفوذ الايراني بالمنطقة بشكل اكبر بكتير من اول …
ومابعرف ازا ملاحظ النفوذ الايراني عنا قديش كبر بعد ما اجى بشار … وفيك تنزل على سوريا وتشوف …
وازا ما بتعرف حجم هالمسألة وتأثيرها بدول الخليج حصرا … روح دور واسأل وشوف …
فما بالكن أنو يعملوا شي رح يجيهن من وراه ضرر!!!!!!!!!!
شو الضرر؟؟؟ أيواااااا بلشنا بالجد…
:::::::::::::::::
لك شو بلشنا بالجد !! مو قبل شوي كنت عم تحكي جد ؟؟؟؟
الضرر يا سادة يا كرام أنو النظام الحالي كان حامي الحمى تبعهن، وحدود إسرائيل من جهة سوريا أئمن من حدودها من جهة البحر حتى!!! يعني من البحر ممكن تمرق شي سمكة قرش تاكل شي مستوطن اسرائيلي أما من سوريا حتى ناموسة تقرص اسرائيلي ما بيخلوها تمرق!!!
بقا نقلهن أنو يلا حنشيل هالنظام ويجي حدا وطني بيعبر عنا نحنا الشعب ويقول لإسرائيل أنتي عدوتنا الحقيقية ويبلش يطالب بالجولان ويحمي غزة بشكل واقعي؟؟؟؟؟؟؟ أي والله بيطير عقلهن!!!!
بقا لييييييش ليساعدوك ضد نظامك حبيبي؟؟
هنن أحسنلهم بكتيييير أنو يدعموا النظام، بس إذا كان النظام حمار متل عنا وما عرف يتصرف بيقومو ما رح يساعدوك تشيلو وتحط مين ما بدك محلو… رح يفوتو ويحطو جيوش عأساااااااااااس مشان حماية المدنيين وهية مشان يبقو هنن المسيطرين!!!
::::::::::::::::::::::::::::::::
يعني بفهم منك انه سورية دولة الممانعة والمقاومة الوحيدة بالعالم اللي مهددة امن اسرائيل وبدها تلعن ابوها وباقي الدول كلها بمافيها تركيا والخليج والعرب واوروبا وامريكا والمريخ وزحل كلهن معها ضد سوريا !!!
مو حاسسها كبيرة شوي هههه
بينط رفيقنا هون بيقول: طيب هي ليبيا مو جنبها اسرائيل وساعدوها…
يا روح قلبي ليبيا بئر نفط… وما عم يطلقو صاروخ لليبيا إلا لما بيعرفو أنو حقو مدفوع دبل مدري دبلين سلفاً…
نحنا بسوريا شو بدنا ندفعلهن؟؟؟ تفاح ولا كرمنتينا؟؟
…
:::::::::::::::::::::::::
ههههههههه فعلا النظام شغال شغله … حبيبي الحياة مو بس نفط …. فيه مصالح تانية غير النفط … فيه الف شغلة وشغلة غير النفط .. وازا بدك تقلي النفط وبس بقلك نفطك مو موجود فيه نفط الخليج … واي الخليج اله مصلحة يخلص من هالنظام الايراني
بعدين أنت بدك تخلص من هالجندي يلي ما بيخاف الله وعم يقوصك، بتقوم بتجيب واحد تاني بنفس الوضع إذا مو أضرب؟؟؟
فتحوا عيونكن الله يرضى عليكم…
::::::::::::::::
حبيبي جماعة زحل والمريخ ارحم من هالمجرمين … وازا بدك بجيبلك فيديوهات للي عملوه هالمجرمين واللي عملوه الاميركان بالعراق واللي عملوه الاسرائيليين … وعمل انت مقارنة وقلي شو رأيك ؟؟؟
وبأكدها ألف مرة: لا عرب ولا أجانب رح يدخلوا عسكرياً لسوريا إلا إذا رح تجيهم مصلحة من ورا هالشي، ممكن مصلحة البعض تكون شريفة وما تضرنا بس نحنا ما منستنى ليصير مصيرنا بإيديه ويقرر فينا متل ما بده!!
:::::::::::::::
حبيبي حكينا بالمصالح فوق ….
السؤال الأخير المطروح عادة: طيب وآخرتها؟؟؟
يا شباب، لهلأ لا حملنا سلاح ولا تدخل حدا عسكرياً، وشوفوا وين كان النظام ووين صار؟؟؟؟
لك كنا ما نسترجي نقول اسم بشار بيننا وبين حالنا، هلأ صار ممسحة!!!
لك كنا ما نسترجي نفتح تمنا بالسياسة هلأ بمشي بالحارة بلاقي تنين ختايرة عم يحكو وبالصوت العالي: “مرقت مبارح المظاهرة من هوووون” وبيرد عليه رفيقو كمان بالصوت العالي: “الله يحميهم وينصرهم ياااارب”!!!
:::::::::::::::::::::::::::
هههههه حبيبي بدنا نخلص منه !! ما بدنا هلء نقدر نسبه وبكرة يجي يمحينا من الوجود !!!
والله حاسسكون متل اللي عم يلعب بالحارة … اي وهي صرنا نسبو وشغلة ما كنا نحلم فيها … اي الله يعطيك العافية سب لقلك سب …
بقا النظام عم يرجع لورا..
النظام اقتصادياً ماشي للإفلاس وشغالة المقاطعات داخلياً من الشعب وخارجياً من العقوبات!!
::::::::::::::::::::::
حبيبي … النظام عنده 17 مليار دولار وهاد الاحتياطي تبعنا .. وما عندهن مشكلة ابدا يلعنو ابو البلد ويصرفوه كله بس المهم يضلو …
ومابعرف يعني بأماكن بتحكي بالدول التانية واماكن لأ … طيب ليش هون ما حكيت عن العراق وايران اللي عم يمدو النظام بمليارات !!!!
قرأت الصبح تحليل اقتصادي .. وبجيبلك ياه ازا بدك … وعم يقول انه الاحتياطي هاد ممكن يكفيهن للقمع لمدة سنة ….. يا ترى شعبة قديش ممكن يتحمل قتل ؟؟؟ وذل واغتصاب ؟
والناس اللي مع الثورة عم تزيد ما عم تقل كل يوم داخلياً وخارجياً!!! وسمعت من عمار القربي عالعربية اليوم عم يقول أنو والله العظيم بيعرف وزراااء وزراااء عم يقولوله أنو نحنا والله ما بدنا نقتل بس مجبورين عم تجي الأوامر غصبن عنا!! بقا مو مطول صدقوني….
… عالم كتير كانو شبيحة بس ما صارو ينزلو مظاهرات !!! صارو حياديين … وعم احكيلك شي واقعي ….. هدول شو بنستفاد منهن !!
::::::::::::::::::::::
عم يكترو الحياديين …
والانشقاقات بالجيش عم تكتر يوم بعد يوم..
والدعم الخارجي عم ينقطع تدريجياً….
:::::::::::::::::::::::::::
ههه تقنعني ايران وروسيا والصين رح يوقفو دعمهن لنظام !!!!!!!! اكيد عم تمزح ….
وخلونا ما ننسى أن الثورات العالمية كانت مدتها سنوات طوييييلة من الشغل، نحنا صح خمس شهور أطول من مصر وتونس، بس لساتها مدة كتير متواضعة…
ومعلش كمان نحنا شعب معمي على قلبو صرلوا النظام 40 سنة عم يشتغل ليعمينا عن السياسة وليعمينا عن الديمقراطية وليخلينا جاهلين بحقوقنا وبدستورنا وليركبنا ركب من كل النواحي وما نسترجي نفتح تمنا، بقا مو بيوم وليلة رح ننفض كل شي ونقلع هالنظام من شرشو…
وأصلاً الثورات السريعة جداً إلها مخاطرها لأنو بتبقى شروش النظام بالأرض..
حأعطيكم مثال صغييير عن ثورتنا:
يعني تخيلو لو هالنظام طار ب18 يوم متل مصر…
كيف كنا بدنا نكتشف أنو حسن نصرالله هو واحد كذاب وعميل ومو هامو غير رفيقو بيشو يبقى بالحكم؟؟ (كتير كتير كتير ناس وأنا منهم كنا مصدقين المظاهر الخادعة لهالشخص وأنو هاد يلي مبهدل اسرائيل)
:::::::::::::::::
بقا سلاحنا يا أبطال الصبر، الصبر والاستمرار بدون كلل ولا ملل..
في كتير وسائل سلمية بترهق وبتحرق أعصاب النظام.. ابتداءً من شعل شمعة وانتهاءً بالإضراب العام مروراً بالتظاهر والبخ على الجدران وتوزيع المنشورات وووووو…….
هههههههه اوعك تنطفى الشمعة ها …
::::::::::::::::::::::::::::::
شمعة وكتابة ….
فعلا معك حق … (( ابتداءً من شعل شمعة وانتهاءً بالإضراب العام مروراً بالتظاهر والبخ على الجدران وتوزيع المنشورات وووووو……. )) هي الشغلات اللي النظام مو خايف منها …. والشغلات اللي خايف منها عم ينشر شبيحته عالنت ليخوفو العالم منها ….
والزمن “جندي من جنود الثورة” متل ما بيقولوا لأنو الجيش والأمن عم يتعبوا ويرهقوا وهنن سهرانين وجوعانين وعم يتنقلو من مكان لمكان بدون ما يشوفوا أهلهم، ونحنا عم ننام ونفيق وناكل ونشرب وقاعدين بين أهلنا…
:::::::::::::::::::::::::::::
صرلنا 4 شهور عم نقول هيك … وانا معك … بس كمان العالم كل يوم عم تموت اكتر …. حبيبي انت قاعد بين اهلك … عالم كتير بعرفها اختفت !! ما عاد بينت … صحي متل ما قلت الامن عم يتعب بس كمان العالم عم يعتقلوها !!! والمظاهرات كل مالها لورا …. مو مشان شي بس العالم صارو بالمعتقلات !!!
دمتم، ودامت سوريا حرة
:::::::::::::::::
هاد اللي متفق معك فيه 100%
انتو شو رأيكون بهل الكلام؟
7 
3
#21
بالمناسبة انا مو ضد السلمية … بالعكس … انا مع السلمية … وضليت معها وكنت رافض التدخل بنوب …
بس كمان الشغلة مو فرض …
يعني السلمية كانت وسيلة .. ووصلنا لمرحلة لازم يكون فيها خيارات تانية …
وحاليا الخيار المطروح هو موضوع التدخل … لانه الشمعة ما رح تشيل هيك نظام !!! يعني سلميتنا كان الها هدف ووصلنا لهاهدف … لازم هلء نفكر يا بتطوير السلمية لأشياء تانية وتكون فعالة !! اكيد مو شموع وكتابة عالحيط بس !!!! يا اما بدنا نشوف حلول تانية …
وموضوع رفض التدخل الخارجي او التهديد فيه او او او …. هاد بس الشبيحة وانصار النظام اللي عم يحكوه …
وكتير كترانين الشبيحة عالفيسبوك وبالمندسة … وهمهن حاليا وشغلهن الشاغل يقنعو العالم يرفضو حتى يفكرو بالتدخل !!!
واللبيب من الاشارة يفهم …
ورح ندعس على راس اكبر شبيح يا كلاب … رح يجيكون يوم …
انتو شو رأيكون بهل الكلام؟
6 
4
#22
على فكرة – يلي مسمي حالك فريدوم و هالكلمة و كل معناها بعيدة كل البعد عنك وما بتمثل فيها شي- .. حاولت اتجاهلك كتير بس انت سمّك وحكيك المعفن رح يضر ما رح ينفع.. انت ما من حقك تصادر رأي حدا .. مو كل واحد اجا بكلام ما بناسب مقاسك وما بتفق معك حتقعد تناديله شبيح و ادعس عراسك.. شو هالèريقة المولدنة بالنقاش .. ازا كان عندك شي بدك توصلو للعالم، العالم رح تنفر منك و تبطل تسمع شي عليك.
و لعلمك هدولة الشبيحة و هدولة الأمن يلي قتلوك و هدولة الجيش يلي انقبروا هدوا بيتك – هدولة كلهم مواطنيين سوريين – الهم حق بها لبلد متلك متلهم .وهي الثورة مضطرين بأخرتها أن نجحت ولا ما مشيت مضطرين نعض على قلبنا ونسامح كل واحد شال فيها سلاح ، لحتى نعرف تعيش بالمستقبل .. لأن لتكون ما سمعت انو في لاءات دخلت فيها ..لا للثأر لا للطائفية لا للقتل .. وازا حضرتك ما فهمان شو هي الاءات فلا تحكي باسم يلي عم ينزلوا و يستشهدوا ..فحاجة تنطوط و تحكي دعس و فعص .
———————————–
رجاء يا حشيش سوري لازم هالتعليق ينشال ، و ينعملو تنبيه للأخ .
انتو شو رأيكون بهل الكلام؟
4 
6
#23
نحنا وقت عم يطلع كل مقطع فيلم الأمن فيه عم يدعسوا عالشباب عم يوقع قلبنا، العالم كلها تستنكر هالتصرفات ، بتطلع حضرتك باسم الحرية بتعيد نفس النظرية !!
انتو شو رأيكون بهل الكلام؟
2 
2
#24
اي روح قول لأحمد البياسي يسامحهن ..
روح قول لحمزة الخطيب يسامحهن ..
روح قول لتامر الشرعي يسامحهن ..
روح قول لعلا جبلاوي تسامحهن …
روح قول لكل الشهداء يسامحوهن ..
روح قول لاهالي الشهداء يسامحهن ..
روح قول لامهات الشهداء يسامحهون ..
روح قلهن وخبرني شو بيردو عليك …
يلعن روحك يا شبيح …. ودم الشهداء مالو رخيص …
انتو شو رأيكون بهل الكلام؟
3 
1
#25
امينة بتاكلي خرا, حرية طيزي يلي عم تحكي فيها, هدول قتلو عالم, بيتحاسبو و حسابون الاعدام من الاخير.
في قانون مو حرية خرا, بلا علاك.
انتو شو رأيكون بهل الكلام؟
0 
0
#26
هههههههههههههههههه
عم تحكي جد !!!!!!!
لك ارجاع اقرأ شو عم تحكي !!!
عم تدافع عن الشبيحة !!! الشبيحة اللي عم يقتلو اهلنا !!
لك هدول ما الهن ولا ذرة تراب بسوريا هدول كلاب … هدول الاعدام قليل عليهن ولا هدول مو ولاد بلدي … ابن بلدي ما بيقتلني ويغتصب بنات بلدي …
لما عم تدافع عن الشبيحة انت عم تدافع عن الشبيح الاكبر وهو بشار …
ولأ ما رح نسامح ولا شبيح وكل حدا بده ياخد جزاءه .. واللي قتل مواطن سوري بده ينعدم حسب القانون السوري …
اي احكي هيك من زمان يا زلمة !!! قلي خياف عالشبيحة من زمان !!! وصرلي كم يوم عم شوف حكيك وكيف عم تدافع وهيك بس ما كنت قبلان اتهم حدا بشي …
قال عم يدافع عن الشبيحة ههههههههههههههههههه حلو .. عرفنا شبيح جديد
انتو شو رأيكون بهل الكلام؟
8 
2
#27
حبيبي النظام عم يحاربونا على اساس انو عصابات مسلحة
وعم يستعمل امن وجيش وأسلحة ثقيلة وانت بدك تشعل شمعة وتعطيون وردة لحتى تخجلون وينشقو ولحتى تحرج بشار ويستقيل ويسلم البلد لنظام ديمقراطي ولا حتى باحلى أحلامك……
لك كيف بدك تقنع او تخجل عالم بتردد بشار ربي والحزب ديني! الاسد او لا احد……
قومو…. اصحو…. فيقو مو فارقة معون لا سلمية ولا تنديد خارجي ولا حصار اقتصادي ولا غيرو…….. الوضع بالنسبة للنظام (نكون او لا نكون تلك هي المعضلة)
مرحلة السلمية وصلت لحدها وحققت أهدافها والعالم كلو صار يعرف انو نحنا شعب اصحاب حق ومظلومين وشهدائنا اشتشهدو بصدور عارية… صار لازم يعرفو ان رح ناخد حقنا بأيدنا و نحرر بلدنا بالسلاح، الى السلاح ياشباب حتى لمحرر ارض أجدادنا ولنجعل حياتنا او حياة أبنائنا من بعدنا لو استشهدنا حياة كريمة تستحق دم شهدائها الذين أناروا طريقنا.
انتو شو رأيكون بهل الكلام؟
6 
1
#28
وهي اهداء للشبيحة
http://www.youtube.com/watch?v=aq2gOkUb9C0
من اخوتنا بحمص … وانا شايف بأكتر من مكان تاني …
بقا هاد رأي الشارع والعالم اليي عم تضحي بدما ..بظن اللي قاعد ورا الكومبيوترات لازم يؤيدو مو ؟؟؟
طبعا الا الشبيحة هدول ما رح يقدرو يأيدو اي شي ..
انتو شو رأيكون بهل الكلام؟
4 
0
#29
عن تنسيقية درعا بتاريخ 25.8 تحضيرا لجمعة الثبات :
” أعتقد أنه من المفيد توجيه رسائل واضحة وقوية في لافتاتنا في يوم الجمعة موجهة إلى اجتماع الجامعة العربية:
- التنديد بأقسى العبارات بالقتل الممنهج و التجييش الطائفي و انتهاك الحرمات و ترويع المدنيين
- المطالبة بتنحي النظام
- رعاية مؤتمر يضم المعارضة السورية في الداخل و الخارج و خصوصا ممثلي الهيئة العامة للثورة السورية
- المطالبة بحظر جوي و تأمين حماية المدنيين “..
انتو شو رأيكون بهل الكلام؟
1 
0
#30
حجة أمينة شو بدك يعني اذا الشبيحة والأمن والجيش سورين لازم نسامحون يعني؟؟؟
لكان بلا ما يكون قانون و محاكم و قضاة شو رأيك؟ لانو السورين مالازم يتحاسبو بل لازم يتسامحو…
والله شي حلو ماشالله حولك
انتو شو رأيكون بهل الكلام؟
8 
0
#31
نحنا لازم نفهم انو هدول يلي عم تسميهن ولاد بلدك مستعديين يرشوك ويرقصو عجثتك متل ماصار بدرعا وهدا الجيش تمو يطعموه الحموية شهر قبل مايقتحمن ويبيدن ابادة جماعة بل٨٢ بقى اصحو وشوفو مين عدوكم ..هداك احونا عزمي بشارة بيقلك بلاخير الجيش رح يتفكك ويتلاحم مع الشعب ومن شهووور وهو عم يعيد هلكلام وبلاخير شفنا المنشقيين بينعدوا علاصابع ،،،،وبحب قلكم كمان انو التتار ماانقلعو من عنا سلمياً…وهدول رح يزكرن التاريخ متل التتار والفاشيين ومجرميين التاريخ…
انتو شو رأيكون بهل الكلام؟
4 
0
#32
يا الله لاك يالله انتو بسوريا لاك سوووووووووووووووورررررررررررريييييييييييياااااااااااااااااااااااااااا
لا عيني لا للثأر لأن رح تجيب طائفية لأن يلي حاملين سلاح هدولة تلات ارباعهم ازا مو كلهم علوية لأن بمخهن هنن عم يدافعوا عن حقهم كسلالة بوجودهم بالكوكب .. لأن انتو وقت عم تطلعوا هالحكي انو رح نحاكم كل واحد حمل سلاح و ندعس عراسه عم يسبقوا و يكتروا و رح يتمسكوا اكتر بالسلاح ولك ليش طلع بالثورة كلمة لا للثأر لكان؟؟ لاك يالله العالم مو فهمانة شو دين ربها هالبلد .. ولك مو معن انقتل و اخوه طلع و قال مسامح يلي قتله ، و قال لا للثأر .. لا للطائفية ؟؟
فهمتو شي ؟ لا اكيد
—————
ولك وينو حشيش سوري ، ياا خي ما تراقب التعليقات
انتو شو رأيكون بهل الكلام؟
1 
3
#33
شو جاب يلي عملوا مدبحة 82 لهون؟ شو انتو بدكم تحاسبو هدولة على شو عملو ال82!!
يا الله لاك يالله انتو بسوريا لاك سوووووووووووووووورررررررررررريييييييييييياااااااااااااااااااااااااااا
لا عيني لا للثأر لأن رح تجيب طائفية ،لأن يلي حاملين سلاح هدولة تلات ارباعهم ازا مو كلهم علوية لأن بمخهن هنن عم يدافعوا عن حقهم كسلالة بوجودهم بالكوكب .. لأن انتو وقت عم تطلعوا هالحكي انو رح نحاكم كل واحد حمل سلاح و ندعس عراسه عم يسبقوا و يكتروا و رح يتمسكوا اكتر بالسلاح ولك ليش طلع بالثورة كلمة لا للثأر لكان؟؟
.. مو معن انقتل و اخوه طلع و قال مسامح يلي قتله ، و قال لا للثأر .. لا للطائفية ؟؟ ليش طلع و تفزلك هالكلمتين؟ يلي حيتحاكمو ا هنن العائلة و كل واحد أمر و دخل الشباب بهالشي .بس
فهمتو شي ؟ لا اكيد
—————
ولك وينو حشيش سوري ، ياا خي ما تراقب التعليقات
انتو شو رأيكون بهل الكلام؟
0 
7
#34
تعليقي بسيط و هو انه وقت بكون انسان معه مرض و بحاول الطب علاجه بدواء معين و بيمشي على هذا الدواء لحتى يشفى المريض من هذا المرض و ان لم يجدي نفعا هذا الدواء يلجئ لتغير الدواء و على الاغلب يعطى المريض دواء اقوى فعالية للحد او القضاء على المرض و لو ان هذا الدواء الاقوى له تاثيرات جانبية اقوى و معروفة ومع ذلك لابد من استخدامه لان استشراء الداء اكثر ضررا بكل الاحوال من اي تاثيرات جانبية …. ببساطة اكثر ان مبدء السلمية جرب و اعطى نتائجه و لكنه لم يصلنا للنتيجة المرجوة و اعتقد اننا بحاجة للتصعيد مع هذا النظام الذي لم يترك وسيلة الا و استخدمها و الموت ينشر رائحته في كل مكان
انتو شو رأيكون بهل الكلام؟
1 
0
#35
بعد نقاشات ومداولات كثيرة وجدنا الأفضل التمسك بثوابت الثورة: السلمية، اللاطائفية، رفض التدخل العسكري
ذلك لأن السلمية أرخص الحلول من الناحية الوطنية وعدد الشهداء
وهي تنزع من النظام مؤيديه.
وهو كان يدس بعض الشببيحة بين المتظاهرين ليطلقوا النار على الجيش مما يستدعي الرد من الجيش
الرجاء الرجاء السلمية. غاندي قاوم بريطانيا بالسلمية
بفضل السلمية انشق علي حبيب وانشق الكثير من الضباط والجنود
بفضل السلمية كانت مسيرات التأييد بالملايين وصارت الآن بعشرات الألوف
بفضل السلمية كانت المظاهرات بعشرات الألوف وصارت الآن بالملايين
إذا صارت مسلحة صارت ساحة معركة ويصير الناس لا يخرجون بل يعاكسون الثورة
النظام آيل للسقوط ويترنح ولكن يعطي مظهراً معاكساً فلا تنخدعوا
انتو شو رأيكون بهل الكلام؟
1 
2
#36
يعني نفس الموضوع وماعم لاقي تبرير مقنع يمنع التدخل الخارجي على غرار ليبيا…
بقناعتي الشخصية ان اكثر من يخاف التدخل الخارجي هو بشار نفسه ومؤيدوه…
لانهم يعرفون تماما انهم اضعف بكثير من ان يقاتلو اكثر من شعب اعزل….
اليوم نبهو علي فرزات فقط وارسلوه للمشفى
واليوم ارسلو 140 دبابة و طائرات مروحية لقرية صغيرة تدعى الشحيل لايتجاوز تعداد سكانها بضعة من الالاف
اي اجرام هذا !!!
هل لوكان اهل الشحيل مسلحين سيرسلون 150 دبابة مثلا !!!
عن ماذا تدافعون …عن المجرم بشار
ومم تخافون من مزيد من القتلى …اوليس نقتل يومياً وبدم بارد وعلى مراى من العالم كله !!!
من امن العقوبة اساء الادب…وهكذا نظام لايخاف الا من الخارج ولو كان هذا الخارج جيش سويسرا التي لاجيش لها
هل تتوقع ان الشبيحة كانو ليفعلو مافعلو لو جوبهو بالسلاح
رايت بام عيبني كيف انهم فرو وكانو بالعشرات عندما جاؤو لاعتقال شخص من بيته فخرج وهو يطلق النار في الهواء …كانو كالارانب والله
لا اجد عذرا لمن يعارض التدخل الخارجي بعد كل هذا الاجرام بحق شعبنا الا انه يعيش خارج سورية وبالتالي لامانع عنده من ان تطول الثورة (ان طالت) لعدة سنوات ويموت من يموت وتنجح الثورة ليأتي هو فاتحا ولكن على ارواح الشهداء
او انه يصطف مع النظام ويخاف من زواله على غرار القذافي !!!
اسرائيل تقصف الفلسطينيين بالطائرات وتقتل بكل اجرامها شخص او شخصين
نظام بشار يقتل منا يوميا العشرات ويعتقل المئات ويسرق البيوت ويحرق الحرث وحتى البهائم لم تسلم من اجرامه
اوليس الاعتقال من قبل نظام كنظام بشار اشد من القتل وجميعنا يعرف ماذا يفعلون بالمعتقلين
من فعل بفنان عالمي كعلي فرزات مافعل وهو الذي يعرفه العالم كله وله بواكي في كل مكان وعلى مراى من العالم اجمع
تخيل ماذا يمكن ان يفعله عندما يعتقل شخصا لابواكي له الا اهله وكان اعتقاله سراً ….
بشار ونظامه لم يترك لنا خياراً اخر
انتو شو رأيكون بهل الكلام؟
3 
0
#37
قال حقهم يدافعو عن وجودهم …
اي ونحنا بدنا نداقع عن حقنا كمان ..
وحقنا نحاسب اللي قتل ولادنا …
هاد حقنا … وما حدا بالدنيا بيقدر بياخدو منا …
ورح نحاكم كل حدا اله ايد بقتل اي مواطن سوري وما رح نسامح حدا … ورح ناخد حقنا … وبالقانون …
وبدي ادعس على راس كل شبيح …
انتو شو رأيكون بهل الكلام؟
3 
0
#38
كبير.. الله محيي أصلك
انتو شو رأيكون بهل الكلام؟
1 
0
#39
انت تتفق معا نظام الاسد
ومخاوفك هي نفس مخاوف نظام الاسد
هو ايضا يخشي العمل المسلح ويخشي التدخل الخارجي
ما تسوقه عبارة عن تخمينات واستنتاجات
بشار الاسد لن يسقط الي بتدخل خارجي
هذا الامر واضح جدا
واذا استمرت الثورة السورة بهذا النهج
واستمر المعارضون السوريين برفض التدخل الدولي
ستنتصر قبضة النظام الامنية
وستتلاشي المظاهرات بشكل جذري ومخيف
امر اخر وهو مؤسف جدا
اي معتقل واي مفقود يعتبر قتيل حتي يثبت العكس
المعارضة السورية تكابر
المعارضة اسيرة لعقدة (التخوين)
والشباب السوري يقتل ويعذب
هذا هوالكلام الواقعي بعيدا عن جو المثالية والاحلام الوردية
انتو شو رأيكون بهل الكلام؟
1 
0
#40
ألاحظ جل كلامكم باللهجة العامية. هل تنسجون على منوال جعجع و الجميل….ام تقلدون بعض المستعربين.يغض النظر عن فحوى ما تقولون فالكتابة بالعامية لا تبشر بخير.
انتو شو رأيكون بهل الكلام؟
0 
1
#41
أخي معك حق بس على الأقل حظر جوي و بحري هيك الشغلة يمكن تضل سنين ..يعني على الأقل سنتين
انتو شو رأيكون بهل الكلام؟
0 
1
#42
وانا عم اخطف لهون
ما شفت غير مومو بغ ..
كلام جواهر مومو افندي
كترلنا منهن هدول
انتو شو رأيكون بهل الكلام؟
0 
0
#43
يمكن لو استمر النظام بهلقمع والاجرام
لازم يصير في حل تاني
وبما انو التدخل الخارجي مافي من وراه الا المصالح
وما رح يتدخلو لسواد عيونا
في جهة تانية وهيي تسليح الشعب
بس بنرجع لاصل الشعب
هلأ اكيد شعبنا حروابضاي وبيسند عليه
بس مثلا لو قارنا بين شعب سوريا وليبيا
بنلاقي شعب ليبيا او حتى اليمن عندن هي القصص من قبل
يعني متعودين على حمل السلاح والقتال
بينما نص شعبنا لاء ..!!
تاني شي السلاح مش متوفر..
وشفنا لعبة النظام لما سلحت ناس مشان تقول انو في مجموعات مسلحة ومدري شو
نحنا قدام 3 خيارات
تسليح شعب
او
تدخل عسكري خارجي
او
سلمية …
لو قارنا بينهن
رح نلاقي انو اكيد الكل فيه عدد ضحايا وشهداء
بس في شي من وراه اضرار اكتر من شي
بالنسبة للتدخل العسكري
في شي اسمو ضريبة مالية …
يعني ليبيا عطت نفط …نحنا شو بدنا نعطي
كرمنتينا ؟ولا تفاح ؟
ولا نتنازل عن شي ارض متل ما باعو الجولان ؟
تاني شي لو صار تدخل عسكري وسقط النظام
رح نرجع نحارب حدا تاني
لانو لما ح يفوت علينا حدا …ما ح يطلع بسهولة
لانو اساسا مو فايت لسواد عيونا ..
هاد كلو غير عدد الضحايا اللي ح يزيد
وبالذات لو استعان النظام بايران على عينك يا تاجر ..
أمابالنسبة لتسليح الشعب …
فهون بجي النظام ياكل هوا
ويتملعب على الناس ..وبالذات الحماسيين منهن او البسطاء
يعني ممكن هوي يوزع سلاح …ويلقط الناس عن طريق هلشي
هاد غير جهل كتير ناس لاستخدام السلاح
والقتل والدمار العشوائي الليح يصير ..
أما السلمية حبيبتنا …
فنحنا بلشنا الثورة بسلمية ..
ولو كنا ناويين من البداية ندخل حدا …ما كنا انتظرنا ليروحو كل هلشهداء
كنا فورا قتلنا ودبحنا وانتقمنا …
بس في بالساحة ظالم ومظلوم ..
ونحنا وكل الثوار واللي عم ينزلو عالشارع ..
قرروا ياخدو الحرية بايدن
ولما نزلو وهتفوا وروحهن بايدهن وعلموت ناويين …
ما استنو امر من برا ,…
لا في شي جواتن هوي اللي حرك هلشي..
في كتير طرق ممكن ينضغط علنظام فيها ..
اكيد ح يضل في شهدا
ومافي شي ببلاش
والشعب من لما قام ..عرفان شو بدو وشو النتائج
بقى حاجتنا ضحك ع بعض …
مو ناقصنا يروح ناس كمان ..
وبرايي السلمية افضل حل …
لانو لو دخلت ايران مقابل التدخل العسكري
وقتها القوا اذا بتلقوا …
وبدي نبه لنقطتين صغار :
(1)
انو لما الواحد بكون برا او جوا …( وسوري ) تحديدا عم قول
وقاعد عم بنظر علفاضي …
يعني برا وعم يضغط بالنت مثلا
وجوا وعم يشاغل بلنت كمان …
بظن مو لهدول الأولوية بالاختيار
الاختيار للناس اللي عم تنزل تفدي الارض بدما
للناس اللي عم تبقى بلشوارع عم بتنادي بحريتي وحريتك وحرية مفقودة من زمان …
الخيار لام حمزة وعلا وهادي …………
(2)
سواء مؤيد كنت ام معارض
اكتر شي بهزني الكلام اللطيف الزيادة عن اللزوم
يعني كل واحد عم بقول رايو ..لهيك مو ضروري كل واحد يزين الصفحة
بكم كلمة برا الطريق ..
مو اخلاق اندساسيين هي ..
مومو المقال روووعة
الله يحميك
انتو شو رأيكون بهل الكلام؟
0 
0