GD Star Rating
loading...

آخر انجازات أجهزة الأمن البسطارية إنو تم القاء القبض على جاسوس اسرائيلي , وعرضو اعترافو على تلفزيون الزور وللامانة بعد العمليات النوعية اللي عملوها شي ياسمينة زرقا وشي بيرق الأسد فنحنا مصدقينون وخلونا نكون منحبكجية لمدة عشر دقايق لو سمحتو :

1- توقيت اللقاء : كان مباشرة بعد يومين على لقاء المقدم المنشق حسين الهرموش ( الله يفك أسرو ) ووفقا” لمعرفة ضباطنا بكافة اللغات الحية والعلوم الانسانية وخاصة علم النفس المنحبكجي بالتالي المشاهد رح يربط فورا” بين اسرائيل وهرموش وعصابات والذي منو .

2- تفاصيل اللقاء : هي رابط اللقاء ورح حاول لخص شو كان مطلوب معلومات :
- طبيعة التركيبة السكانية ونسب الطوائف والعاملين بالدولة : يعني بالمشرمحي منشان اشعال حرب أهلية وامارات سلفية وخلافو .
- انو دورو كان هو يؤكد للموساد وجود سيارة باجيرو واللا لاء بمكان الاغتيال : لا تعليق .
- معلومات عن السفن الموجودة بمينا طرطوس واللادقية واللي بيستخدمها الجيش مع معلومات عن الحاويات وقدرة استيعاب المينا : هلأ اذا رجعنا يومين لورا منتذكر انو الهرموش قال انو العرعور اتصل فيه وصار يسألو عن البحرية وقطع الجيش والسفن والزوارق , وبالنتيجة بينت ما في كلام هجمة اسرائيلية عرعورية .

تساؤلات مشروعة :
1- ما حدا جاب اي سيرة عن كيفية وتوقيت القبض على الجاسوس !
2- مادام أخونا فلسطيني أردني , ليش التطبيل والتزمير قبل اللقاء على انو اسرائيلي ؟
3- الزلمة دارس فلسفة بجامعة تشرين , فمن وين جاب كل هالخبرة بالطيران والصواريخ ؟
4- عن كيفية تجنيدو قال انو الموساد كتبو تعهد وههدوه بالسجن !
5- شو منشان المؤامرة الكونية ؟ يعني بعد كل هالقصص لازم نعتذر لبندر والحريري وبقية العصابة !
6- اذا بنتذكر بعد اغتيال مغنية , طلع علينا مبتلع القارات وقال خلال اسابيع رح يتقدم الفاعلين للمحاكمة , وبعدين تسربت اخبار انو حرصا” على العلاقات الاخوية مع دول عربية ما لح ينشروا نتائج التحقيقات , طيب كيف هيك ؟
سامحونا بيكفي بقى …..

GD Star Rating
loading...
GD Star Rating
loading...