العرعور يطمأن الأقليات

الاغلبية موافقين على هالتعليق. انتو شو؟ 33  5

الاغلبية موافقين على هالتعليق. انتو شو؟ 41  2

انتو شو رأيكون بهل الكلام؟ 52  76

الاغلبية موافقين على هالتعليق. انتو شو؟ 47  5

انتو شو رأيكون بهل الكلام؟ 29  54

الاغلبية موافقين على هالتعليق. انتو شو؟ 22  2

الاغلبية موافقين على هالتعليق. انتو شو؟ 28  5

الاغلبية موافقين على هالتعليق. انتو شو؟ 42  5

انتو شو رأيكون بهل الكلام؟ 25  48

انتو شو رأيكون بهل الكلام؟ 27  33

الاغلبية موافقين على هالتعليق. انتو شو؟ 37  4

الاغلبية موافقين على هالتعليق. انتو شو؟ 43  6

@ Raymondo انو بدك تقللي لسى في عالم عم تصدق النظام و كذبه, و اذا “اعلامنا” راح يجيب هالخبر بكرة و يقول للعالم شوفوا البديل اللي تطالب فيه الثورة, راح يخلي العالم الواقفة عالـ حياد تصف مع النظام؟؟!! حسستني اننا ببداية الثورة وفي عالم ضايعة و الصورة لسى مو واضحة بالنسبة الهون!!!!؟؟؟

انتو شو رأيكون بهل الكلام؟ 14  2

الاغلبية موافقين على هالتعليق. انتو شو؟ 30  1

الاغلبية موافقين على هالتعليق. انتو شو؟ 49  3

الاغلبية موافقين على هالتعليق. انتو شو؟ 30  0

هلا الشيخ عم يحاول يهدي النفوس، بس عم يحكي بصفة الماسك بزمام الامور للثورة وهي بتأكد للجميع فكرة انو هو الزعيم للثوار، وهو بالحقيقة مو هيك. 

انتو شو رأيكون بهل الكلام؟ 15  4

الاغلبية موافقين على هالتعليق. انتو شو؟ 29  1

مطلوب من السبعين بالميه يفتحو باجوقون ولا يتركو العرعور يحكي…عرفتي مين فهمان القصه بالعكس…

انتو شو رأيكون بهل الكلام؟ 8  3

الاغلبية موافقين على هالتعليق. انتو شو؟ 30  2

الاغلبية موافقين على هالتعليق. انتو شو؟ 29  0

طيب هلئ يعني لو افترضنا غليون وطلع طمن الناس المؤمنة والمتدينة كنتو رح تضوجو عليه نفس الضوجة ؟؟؟

هلئ انا بضم صوتي لصوت الاخ ريموند انو فكرة التطمين بالاساس علاك بعلاك و ما حدا ئلو ضربة لازمة على حدا او حدا بيسترجي يلغي حدا ..
بس انا مئصد الحديث انو لا شعوريا و عند الكل عفكرة في نظرة عدائية اتجاه العرعور .. ليش كل هاد ؟؟ هلئ مشان مناظراتو السابقة على قناة المستقلة او على الوصال او او .. اي خلص خلصونا بئا رح تعملولنا ياها جرصة .. ما هوة من يوم يوما من الناحية الدينية كل الطوائف مستحيل تتفق على النواحي الدينية واللاهوتية .. بس هوة هادا الزلمة الله يصلحو جئر .. وهيك ما بيعرف يساير كان ,, وخلص انت هيك انت هيك انت كافر انت مدري شو انت مدري شو .. لازم نبعتو شوي لعند الحسون ليتعلم شوية سياسة بالدين ويعرف يساير العالم وياخدون باللسان الحلو
بئا
خلص فرطولنا ياها ,, الزلمة عم يحاول يكون اوبن مايند هلئ معكون ومع الثورة .

انا الزلمة هاد بيخليني كون معو كونو معارض للنظام وبس ,, يعني محبتي لئلو متل محبتي لنزار نيوف الملحد ,, وتوافقي معو مالو علاقة بالدين ابدا ..

فهمتو شي نشالله ؟؟

انتو شو رأيكون بهل الكلام؟ 11  3

ارضاء الناس غاية صعبة …

العرعور طائفي ..يمكن ..لقد عاش في عصر قتال طائفي نحن لم نعشه و رأى مالم نراه ..

العرعور بمثل فئة من فئة من الشعب السوري و لذلك يجب اعتباره انه واحد من رجال المعارضة و احترامه ياتي من احترام تلك الفئة التي هي الشعب السوري انطلاق من احترام كل الفئات و الاراء في الثورة ..
اما التطمينات التي قالها فهي و وثيقة الشرف التي قبل توقعيها و وقعها ابنه بالنيابة كل ذلك هو تكفير ذنب ما قاله من فرم و تقطيع و انشهر بسبب ذلك و لا أظن انه كان يعني ذلك لكن كلماته من الحماس و الغضب خانته وقتها و قال ما قال …و مبين انوا ندمان ..

انا تابعت العرعور عدة مرات لبعض الوقت و اعتقد ان فائدته للثورة اكثر بكثير من سيئاته ..

بالنهاية ننحن لسنا ملائكة و جميعنا اخطئ او سيخطئ طائفيا يوما ما و ذلك كنتيجة حتمية لوجود الطوائف .

انتو شو رأيكون بهل الكلام؟ 13  2

ما تواخذوني تعطل البروكسي شوي
يا شباب كأنكون مابتعرفوا البلد، النظام يصدر إشاعات:
عارف دليلة طلقتو مرتو، برهان قبض 25 مليون يورو، العرعور أبو فرامة اللحمة
يعني شو بدكن؟ العرعور قدر يساعد من خلال محطتو قدر يقول للعالم يضلوا سلمية
صرلو شعبية وناس وعم بيكذب رواية النظام أنو بدنا نقتل بعضنا

انتو شو رأيكون بهل الكلام؟ 16  1

طيب لما الأقليات- رموز و أفراد- بتقلك نحنا خايفين من المستقبل ومن الأغلبية يللي رح تركبنا و تفعل وتترك فينا إذا سقط النظام ولما الدول الغربية بتقلك لازم ناخد حماية الأقليات و حقوقن بعين الإعتبار بعد سقوط النظام و لما النظام نفسه بيلعب على هلحبل و بيفهم الأقليات إنه هوي حامي حماهن .. أكيد رح يصير في في ردة فعل من هل الأغلبية اللعينة لدرء التهمة و محاولة تبييض الصفحة و تطمين الأقليات..
يعني حقيقة شئ معيب إنه نوصل لمرحلة وجوب إعطاء تطمينات بس خطوة العرعور ممكن فهمها في إطار إنه الزلمة تعرض لهجوم و قدح وذم و تجريح وربما أحب نفي ذلك عن نفسه شخصيا و بالطريق عن الأغلبية اللعينة..

انتو شو رأيكون بهل الكلام؟ 11  0

ميثاق الثورة السورية – يطرح هذا الميثاق لإبداء الرأي والملاحظات من كل الأطياف، وذلك قبل عرضه للتصويت عليه
من الصفحة الرسمية للشيخ عدنان العرعور في 12 يونيو، 2011‏،

بسم الله الرحمن الرحيم

ميثاق الثورة السورية

أيها الشعب السوري الأبي
السلام عليكم ورحمة الله وبركاته
انطلاقا من حقنا في تحقيق الحرية, والعدالة, والكرامة, والتخلص من العبودية, والاستبداد, والظلم, قام شعبنا العظيم بثورته المجيدة، لتحقيق أهدافه المشروعة .
وتوحيدا لأهداف الثورة ومبادئها، وبيانا لآليتها وأدبياتها, قمنا بصياغة هذا الميثاق, للالتزام به والتعاهد عليه, راجين من الله تعالى التوفيق، وتحقيق هذه الأهداف, إنه ولي ذلك وأهله
}أذن للذين يقاتلون بأنهم ظلموا وإن الله على نصرهم لقدير {(39)الحج
المعاهدة على الميثاق :
قال تعالى: ((وإذ أخذنا من النبيين ميثاقهم ومنك ومن نوح وإبراهيم وموسى وعيسى بن مريم وأخذنا منهم ميثاقاً غليظاً)). الآية.
نحن الموقعين على هذا الميثاق, نتعاهد أن نفي بما في هذه الوثيقة ما استطعنا, وما لم يثبت فيها ما يخالف الشرع, ويضر بالوطن والمواطن .
قال تعالى } وأفوا بالعهد إن العهد كان مسئولا { .
نص الوثيقة
أهداف الثورة السورية:
تهدف الثورة السورية إلى تحقيق ما يأتي إجمالاً :
تحرير الشعب السوري مما أصابه من الظلم، والعبودية، ومصادرة الحريات، وسلب الكرامة، وإنقاذه مما حل فيه من الفساد المالي، والكساد الاقتصادي، وما أحدثه النظام من الفوضى الإدارية، والطائفية المقيتة، والتخلف الفكري وإزالة الفوارق والامتيازات غير المشروعة بين طبقات الشعب.
وتفصيل ذلك كما يلي :
· الإصلاح والبناء ( إصلاح ما فسد، وبناء مستقبل زاهر للشعب السوري العظيم).
· النهضة الفكرية، والتنمية الاقتصادية.
· العدالة وضمان حقوق الإنسان وبخاصة كرامتهم.
· إعطاء كل ذي حق حقه.
ضمان الحريات للجميع .
كل هذا على مبدأ (إنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ) الآية

آلية تحقيق الأهداف
الثورة السلمية إلى أن تتم الإصلاحات.
إنشاء مجلس انتقالي أو هيئة من الأطياف المشاركة كافة في الثورة لتسلم السلطة إلى حين قيام النظام الشعبي .
قيام نظام شعبي (ديمقراطي) حر ودستوري مدني ( ليس بعسكري ) عن طريق الانتخابات، في ظل رقابة عربية ودولية.

مبادئ الثورة
اعتماد دستور سنة 1950م مبدئياً حتى يتم تعديله والتصويت عليه من قبل الشعب وفيه تبين أحكام اختيار الرئيس ومدة ولايته.
إلغاء القوانين والمراسيم التعسفية التي أصدرها النظام، حيث ألحقت الأذى والضرر بأبناء هذا الشعب الكريم.
سورية دولة واحدة، ترابها لا يتجزأ، ووحدة شعبها لا يساوم عليها لأي هدف أو سبب كان.
سورية جزء لا يتجزأ من الأمة العربية والإسلامية، وهي عضو في جامعة الدول العربية، ومنظمة المؤتمر الإسلامي، ومنظمة الأمم المتحدة، وغيرها من المنظمات المشروعة.
ضمان الحريات الدينية والسياسية والاجتماعية والاقتصادية للجميع.
تحقيق العدالة للجميع، وبخاصة بين الطوائف والأطياف والقوميات، وبين الرجال والنساء, والتأكيد على تحريم ظلم المرأة ومنعها من حقوقها.
رفض التدخل الأجنبي، بكل أشكاله ودوافعه.
تحقيق التعايش بين أطياف المجتمع كافة، وانتماءاته وقومياته وطوائفه.
الحفاظ على حقوق الإنسان المشروعة للجميع، وبخاصة حقوق المرأة المشروعة.
احترام كرامة المواطن السوري وتحقيق ذلك عملياً، والاهتمام به في أي بقعة من بقاع الأرض.
الاعتراف بالهيئات الرسمية، والمؤسسات الشرعية، والمنظمات العالمية، وبخاصة جامعة الدول العربية، ومنظمة الدول الإسلامية، ومنظمة الأمم المتحدة، وغيرها من المنظمات المشروعة.
الإقرار بالاتفاقيات الدولية المشروعة.
منع الاعتداء على الآخرين, لدين أو مذهب أو رأي أو قومية.
فصل السلطات الثلاثة بعضها عن بعض، وضمان استقلالها.
أداء الأمانة، وذلك بنشر مفهومها بين المجتمع والالتزام بها حكاما ومحكومين، وتربية الناس عليها.
السعي لتحقيق السلام العادل داخل البلاد وخارجها وتدعيم مبدأ التعايش السلمي العالمي.
نظراً لثبوت مراوغة النظام وغدره، ورفضه للإصلاحات وخداعه، فلن يكون هناك حوار معه حتى يلبي الشروط التي طرحت بمذكرة الرد على الحوار، ليثبت جديته وحسن نيته، وإلا فقد تقرر مبدأ إسقاط النظام، دون أي تفاهم معه أو حوار.

أدبيات الثورة ومتطلباتها

الثورة من الشعب وللشعب :
الثورة السورية ثورة من الشعب، وللشعب، وإلى الشعب، وليس لأحدٍ فرداً كان أو جماعةً أو حزباً أو طائفةً أو قوميةً ادعاؤها ؛ غير أبناء هذا الشعب، الذين ضحوا لها من دمائهم وأموالهم وأنفسهم.
لا تعامل مع المتآمرين :
ترك التعامل والتعاون مع الذين شاركوا النظام في ظلم العباد, وتدمير البلاد، ونهب الأموال، واختلفوا مع النظام لقضايا شخصية.
دفن الماضي :
دفن الماضي بكل مآسيه، ومحاسبة المعتدين فحسب، ممن ثبت عليه التآمر والقتل والتعذيب والإرهاب، فحال إلى القضاء .
المحكمة الدستورية :
تفعيل المحكمة الدستورية العليا، وضمان استقلالها، لفض النزاعات العظمى في الدولة، وقضايا الدستور وتطبيقه، وتكون قراراتها ملزمة يخضع لأحكامها الجميع، وليس لرئيس الجمهورية ؛ ولا لغيره سلطة عليها.
لا أحد فوق القانون :
لا أحد فوق القانون والشرعية، بدءاً من رئيس الجمهورية، وانتهاءً بعامل البلدية، مروراً بالأجهزة الأمنية .
حسن الجوار :
تلتزم سورية بحسن الجوار، وتوطيد العلاقات معه، مالم يظهر الجار عداوة، أو نقضاً لاتفاقية مبرمة .
الجيش للوطن لا للإشخاص :
بناء جيش وطني لحماية الوطن، ومكاسب الشعب، وأن يكون ولاؤه للوطن والشعب،وإلغاء المليشيات الخاصة بكل أشكالها .
إطلاق المعتقلين :
إطلاق سراح معتقلي الرأي وعودة المهجرين.
لا اعتداء إلا على المعتدي :
منع الاعتداء على أحد، ولو اعتدى أقرباؤه أو طائفته أو بنو قومه أو عشيرته، فلا اعتداء إلا على المعتدي نفسه، وذلك تحقيقا لمبدأ (وَلَا تَزِرُ وَازِرَةٌ وِزْرَ أُخْرَى) [الزمر: 7]
لجنة تعويضات .
إعطاء كل ذي حق حقه .
حرية القضاء :
تلتزم الدولة بحل النزاعات التي سببتها القرارات التعسفية، وتتحمل تبعة ذلك.
تحمل الدولة تبعة القرارات السابقة :
تفعيل دور القضاء بكل اختصاصاته العامة، والإدارية وتطويرها، لسرعة البت في الدعاوى.
ديوان المظالم :
إنشاء ديوان للمظالم واختصاصه البت في دعاوي المواطنين ضد الدولة وموظفيها لتقصيرهم أو ظلمهم أو مخالفتهم للقوانين .
هيئة الرقابة :
تفعيل دور هيئة الرقابة والتفتيش المركزية، ويكون اختصاصها متابعة الدوائر الحكومية وتطبيقها للقوانين، ومراقبة أعمال الأجهزة الأمنية، ومحاسبة المقصرين والمخالفين.

العنف والتطرف
رفض العنف والتطرف وإرهاب الآمنين والمدنيين بكل أشكالها .
الحوار والتفاهم
الحوار والتفاهم هما الطريقة الوحيدة والمثلى لمناقشة كل القضايا، وحل الخلافات، ويتم ذلك بشفافية عاليةٍ، عبر حوارٍ حضاريٍ، وتفاهمٍ راقٍ.
التناصر والتعاضد
يجب على أفراد الشعب السوري أن ينصر بعضه بعضاً بالحق لردع الظالم والمعتدي، دون النظر إلى دينٍ أو قوميةٍ أو مذهبٍ أو رأيٍ.
التعاون والتكافل :
يتعاون الشعب السوري ويتكافل بعضه مع بعض على الحق والخير لبناء هذا البلد دون النظر إلى دين أو قومية أو مذهب، وبخاصة في حال الكوارث والمصائب والظروف العصيبة التي يتعرض لها بلدنا المبارك اليوم.

التعايش والتسامح:
نبذ الطائفية بكل أشكالها، وبث روح التعايش لكي يعيش الشعب السوري في جو من التسامح والخير, فلكل دينه، ولكل عقيدته، ولكل مذهبه، ولكل رأيه، ولكل قوميته على مبدأ ( لَكُمْ دِينُكُمْ وَلِيَ دِينِ )الكافرون: 6.
ويكون التفاضل بينهم في القول السديد, والعمل الرشيد، لبناء البلاد، وصلاح العباد.

البيان والحوار:
يحق لكل صاحب دين، أو مذهب أو معتقد أو رأي، أن يبين رأيه، وأن يحاور في مذهبه، بالأساليب الحضارية، والكلمة الطيبة، والطرق السلمية.

التجرد للثورة :
يجب على الجميع تجاوز الخلافات الحزبية، والخلفيات الاجتماعية، والتباين في الرؤى، وأن ننأى بأنفسنا عن المطامع الشخصية، أو الحزبية أو القومية أو الطائفية، من أجل تحقيق أهداف الثورة.
وإننا إذ نتقدم بهذا المشروع الإصلاحي وهذا الميثاق الثوري، للتحرر من هذا النظام الطاغي، وإصلاح ما أفسده، واسترداد الحرية والعدالة، وتحقيق الكرامة والتنمية، فإننا نستمد قوتنا من الله العلي الجبار، ونناشد ثلاثة أطراف :
الأول : الشعب السوري الأبي، بكل أطيافه وانتماءاته، أن يستشعر بما لديه من القوة الجبارة،والقدرات الكامنة،التي تمنحه مزيداً من الصمود،والصبر والعطاء والتضحية حتى يسقط النظام. (وَيَوْمَئِذٍ يَفْرَحُ الْمُؤْمِنُونَ بِنَصْرِ اللَّهِ).
ثانياً : مناشدة المؤتمرين على مختلف أطيافهم أن نكون على قدر المسئولية المناطة بأعناقنا،وأن ندفن الماضي، وأن ننطلق من مصلحة شعبنا،لا من خلفيات حزبية، أو عنصرية أو طائفية، أو لتحقيق مصالح جماعية أو شخصية.
ثالثاً : نناشد قوى العدل والحرية والكرامة في العالم كله،وبخاصة عالمنا العربي والإسلامي،أن يكونوا عوناً للشعب السوري في محنته الكبيرة،وأن يقفوا معه في ثورته العظيمة وتجنبه الويلات حتى يحقق مطالبه العادلة .
وليعلم الذين يؤيدون النظام من الداخل أنهم سوف يحاسبون بإذن الله، وأما الدول التي تقف مع النظام السوري فإنها تحارب الشعب السوري،وليعلموا أن الأنظمة تزول، وأن الشعوب هي الباقية، فلا يخسروا الشعب السوري فسوف تكون مواقفه فيما بعد بناء على قاعدة المعاملة بالمثل .

ملاحظة
يطرح هذا الميثاق لإبداء الرأي والملاحظات من كل الأطياف، وذلك قبل عرضه للتصويت عليه

اعداد:
عدنان بن محمد العرعور

https://www.facebook.com/notes/%D8%A7%D9%84%D8%B5%D9%81%D8%AD%D8%A9-%D8%A7%D9%84%D8%B1%D8%B3%D9%85%D9%8A%D8%A9-%D9%84%D9%84%D8%B4%D9%8A%D8%AE-%D8%B9%D8%AF%D9%86%D8%A7%D9%86-%D8%A7%D9%84%D8%B9%D8%B1%D8%B9%D9%88%D8%B1/%D9%85%D9%8A%D8%AB%D8%A7%D9%82-%D8%A7%D9%84%D8%AB%D9%88%D8%B1%D8%A9-%D8%A7%D9%84%D8%B3%D9%88%D8%B1%D9%8A%D8%A9-%D9%8A%D8%B7%D8%B1%D8%AD-%D9%87%D8%B0%D8%A7-%D8%A7%D9%84%D9%85%D9%8A%D8%AB%D8%A7%D9%82-%D9%84%D8%A5%D8%A8%D8%AF%D8%A7%D8%A1-%D8%A7%D9%84%D8%B1%D8%A3%D9%8A-%D9%88%D8%A7%D9%84%D9%85%D9%84%D8%A7%D8%AD%D8%B8%D8%A7%D8%AA-%D9%85%D9%86-%D9%83%D9%84-%D8%A7%D9%84%D8%A3%D8%B7%D9%8A%D8%A7%D9%81-%D9%88%D8%B0%D9%84%D9%83/196384577075876

انتو شو رأيكون بهل الكلام؟ 20  5

عندما يصبح العرعور رمزا لثورة ضد الاستبداد والطغيان
يجب ان نتقبل وجودنا في عصر فتوحات الاسلام
وعصر الجزية والرق
العرعور استطاع ان يجيش قسم كبير من المعارضة لكنه جيش بالمقابل عكسه كل الاقليات
تاثيره السلبي على الثورة اكثر
ومن الافضل ان يصمت ويتنحي

انتو شو رأيكون بهل الكلام؟ 3  9

انتو شو رأيكون بهل الكلام؟ 15  19

يلا يا شباب ..كل واحد لا بيتو

انتو شو رأيكون بهل الكلام؟ 3  2

طيب لو أردنا أن نتجرد من الأسماء والأشخاص (غليون والعرعور وغيرهم) ولنتخيل للحظة كيف هو شكل سوريا التي نريدها بعد انتصار الثورة. سنصل إلى جواب أن الطمأنة لا يمكن أن تكون جزء من الحديث لأن سوريا ببساطة تتسع لنا جميعاً وأكثر.

انتو شو رأيكون بهل الكلام؟ 8  3

زرقاء و ربموندو
مصدر الحاجة لفكرة الطمأنة أن السلطة تحاول فرز المجتمع إلى ألف لون ولون
فصار الأقليات بدها طمأنة، وصار الاسلامي بدو طمأنة من العلماني….
المشكلة أنكم بعيدون عن الأجواء في الخارج

انتو شو رأيكون بهل الكلام؟ 15  0

أكيد زرقاء سوريا تتسع للجميع
أكاد أقول أن أهم أسباب تأخر الثورة هو أجواء زعزعة الثقة التي تمارسها السلطة

انتو شو رأيكون بهل الكلام؟ 8  0

الحق مو على العرعور، الحق على الناس يلي بتفهم وقاعدة وساكتة.

بس غريب شوي هالحكم الصادر عن المفتي والقاضي الشرعي السلفي العرعور

” 2. أي يد ملوثة بالدماء تتوب قبل الثورة وتجلس في بيتها، فهي في أمان ولن يطالها عقاب.”

يعني واحد بيقتل سوري وبيتوب بيقوم بيغفروا الرب على ذمة العرعور ولا يعاقب !!

انتو شو رأيكون بهل الكلام؟ 12  3

العرعور والنمط يلي بيمثله هنن يلي حرّكو أكبر أعداد من الناس وع هالاساس الزلمي عم يطمن
بالمناسبة الزلمي من فترة طلب تفويض باسم الشعب والاستفتاءات كلها عطتو نصويت …فعلى هالاساس عم يحكي الزلمي

انتو شو رأيكون بهل الكلام؟ 10  8

الاغلبية موافقين على هالتعليق. انتو شو؟ 20  0

اذا الاقليات رح اتضل ضد الثوزرة ::: فستعاقب

انتو شو رأيكون بهل الكلام؟ 4  7

المشكلة يلي الناس هون ما عم تفهمها عن العرعور انو وات بحكي عن التطمين بالمستقبل فهو تماما متل بشار وات بحكي عن الاصلاح و الديمقراطية

التاريخ الشخصي ابدا لا يساعد

ويعتبر
و كلام النهار يمحوه الليل

انتو شو رأيكون بهل الكلام؟ 12  8

العرور أول من دعم الثورة من المشايخ ولما كان البوطي عم يتهم الثوار ويقلل من شأنهم العرور كان يمجدهم ويقول عنهم أبطال شجعان ومالازم نقلل من تأثيره في نشر الثورة واللي مو عاجبو ينطح راسو بالحيط

انتو شو رأيكون بهل الكلام؟ 12  7

الاغلبية موافقين على هالتعليق. انتو شو؟ 25  1

زرقاء/ منشان الله شوفي الحمار المعلم شو عم بيعلك
صار ابن لادن مهضوم عندوووووووووو
الدب عم ببشرنا بتقسيم سوريا
وبتقليلي عرعور؟

انتو شو رأيكون بهل الكلام؟ 16  1

جبران، جبرت خاطرنا
وكلامك دهب

انتو شو رأيكون بهل الكلام؟ 12  0

أهلين بطربوش الشرطة العسكرية اللي بيطفش الشبيحة

انتو شو رأيكون بهل الكلام؟ 8  0

أنا بشوف أي رجل دين من خلال قياسه بأقرانه. وكذلك أي رجل سياسة بأقرانه. وبغض النظر عن قربه أو بعده من أفكاري الخاصة.
عندما نحاول مقارنة رجل دين بمفكر فإننا نخلط الأمور.
بسبب التصحر السياسي في نصف القرن الماضي وخلاء الساحة السياسية الممنهج، برز المسجد والكنيسة والمرجعيات الدينية كبديل، وتعايَشَ مع السلطة تعايشاً غير شرعي وكزواج بدون حب (علاقة عهر ونفاق متبادل).
بسبب مناخ عدم الحرية هذا فالشعب لا يرى أية نخبة، وصارت المرجعيات الدينية بفضل تحالفها السري مع السلطة، صارت ذات ثقل.
من هنا يصبح هناك دور للبوطي وحسون وراعي لعن الله أرواحهم لأنهم أموات!
وصار دور للعرعور
ولكن أدوارهم ليست كبيرة للدرجة التي ما انفتئ النظام يروّج لها
ولكن لم تجيبي يا زرقاء أيهما أكثر وطنية: موقف العرعور أم موقف الثلاثة لعنهم الله؟

انتو شو رأيكون بهل الكلام؟ 15  0

المشكلة الاكبر ولا يزعلو مني فانس الشيخ العرعور ما كتير بشوفو شخصية متزنة يعني معقول هديك المرة بقول لبشار اتنحى ونحن رح نسامحك ومارح نحاسبك مين انت لتحكي باسم الشعب وتصفح عن بشار ولا ما شفتو وقت حكي هيك

انتو شو رأيكون بهل الكلام؟ 10  4

تنويه المندسة بايخ وبلا طعمة وخصوصا الشق التاني…لأنو وحيد صقر هو اللي طلب التطمين بشكل رسمي من الشيخ كونو الأقليات عم تدعي انها خايفة من العراعرة متل ماعم يسموهن ولأنو النظام عم يلعب على هالوتر والأقليات عم تتحجج بهالحجة أنو خايفين من الحكم الاسلامي ومن انتقام السلفيين وبالتالي طبيعي انو الشيخ يقوم بالتطمين لسحب الذرائع من الأقليات اللي عم تتخبى ورا هالذرائع…وبالتالي عبارة
(ليس لأحد منه أو فضل على أحد في سورية لتطميينه أو تخويفه …كلنا سوريين ) مالها طعمة وعبارة مسمومة متل تفكير اللي كتبها

انتو شو رأيكون بهل الكلام؟ 10  3

عرعر زماني يا زماني عرعر عرعرتني لا بد ما تتعرعر
عرعر زماني يا زماني عرعر الله بلاني بعجوز بتسكر

هاي مزحه ما حدا يزعل مني والا والله بعملو حجاب عند شيخ مشهور بشارع بغداد بالشام بيخلي اللي يشوفو رايح تقول علي جاي

هللا خلينا بالجد.. بالنسبه للعرعور الزلمه منو عاطل لكن صدقوني انو هالمخلوق خللا ناس كتير تبعد عن الثوره و خصوصا المترددين من السنه المعتدلين بالاضافه لباقي الطوائف.. يعني ضرنا ما نفعنا …و هي حقيقه شئنا ام ابينا… مجرد كونو سلفي و و كام تخبيصه حكاها باول الثوره خللا المعتدلين يخافو.. بعدين تحسن كتير و هاي حقيقه ما فينا ننكرها بس لساتها كتير ناس بتخاف منو و من حكياتو… الزلمه على نياتو و احيانا كتير ما بيعرف شو عم يحكي و فعلا قلبو طيب بس خبص كتير مو عن سؤ نيه انما عن عدم معرفه… بس هادا الشي بالسياسه بيحرق وراق الواحد و الزلمه مانو قد السياسيين و دهائهم لانو تخبيصاتو بتعطي حجج للمنحبكجيه و ما حدا فيه ينكر هالشي….

بتفق مع زرقاء انو شعبيتو اكبر بالطبقات المسحوقه و هادا شي مفهوم لانو كل ما زاد الفقر زاد التدين لانو الانسان لما يكون ضعيف بحاجه لدعم الهي ليرفعلو معنوياتو…

الخلاصه انو الشيخ العرعور ضرنا اكتر مما نفعنا و انا بدلو اذ بريد النجاح للثوره و بشوف اني ممكن ضرها بختار اني بعد عنها .. بس يا اخي صار عندو شعبيه و كلنا بنعرف انو السوريين بنحب المختره لذلك ما عاد بسهوله في يترك… شعب كلو زعما الله الشهيد .. من وين بدي جبلكن شعب…

بعدين هي شغلة سنعاقب فلان و نعمل كذا و كذا من لوين لوين? مين انت يا عرعور و شو صفتك لحتى تقول هالحكي? قاض? مدعي عام? محامي? ناطق بوزارة الداخليه و للا العدل? يا شيخنا العزيز والله انت على راسنا بس يكفي تخبيص رجاء.. اللي فينا كافينا…

و يلعن روحك يا حافظ

انتو شو رأيكون بهل الكلام؟ 8  9

بعدين هي العرعور يطمن الاقليات هاهاهاهاهاهاهاهاها.. بصفتو شو? بعدين شو هي يطمن ما يطمن? اللي بيطمن كل الشعب السوري رح يكون الدستور و دولة القانون و الديمقراطيه و الحريات لا العرعور و لا غيرو.. شو هالمصخره هي? لك مو عيب يحكي هالحكي و نحنا عم نحكي على دوله ديموقراطيه و دولة قانون و حريه و عداله.. يا جماعه كبرولي عقلاتكون شوي و حاج حكي مالو طعمه… فكرو بشكل ديمقراطي و بشكل واعي و حاج تعصب ديني مالو طعمه… يعني لانو شيخ بدنا ندافع عنو بدون تفكير? اي ما خرب بيتنا غير الشيوخ ..

انتو شو رأيكون بهل الكلام؟ 8  7

ع راسي حارتك سوري ملحد هاد الكلام يلي بفش الخلق الناس عم يسشتهدوا بسوريا كل يوم كرمال حريتنا وهون لسى الناس عم تقدس بشخص العرعور او غيرو

انتو شو رأيكون بهل الكلام؟ 10  5

انتو شو رأيكون بهل الكلام؟ 24  18

لك حاج تطمين والله في ناس بتنقز من هيك كلام ..بعرف الشيخ العرعور إلو جمهورو ومحبينو بس كمان في ناس ما بتطمنلو إي شو بالغصب الشغلي وكمان في ناس متخوفي من هيك تصريحات ولو انو مو ملزمين نقدم التطمينات من حدا وكأنو هو قائد الثورة..هو أكيد رمز من رموز الثورة اللي في ناس اطمنتلو أكتر بعد ما لئو المعارضة متشرذمة بس هادا مابيعطيه الصلاحية يحكي باسمنا كلنا..
خوفي من حرب أهلية بسوريانا عم يشعلها النظام ومحدا دريان عن حدا…يا ريت محدا يقلي مافي داعي للتخوف ومافي مبرر لهالشي بس كل المعطيات عالأرض بتحكي هيك ولا انتو شو رأيكن؟!

انتو شو رأيكون بهل الكلام؟ 5  0

خلص يا جماعه انا لقيت الحل لتطمين اخوتنا السوريين من الاقليات….

بنعمل وزاره اسمها وزارة حماية الاقليات .. بنحط لكل اقلي شوفير و مرافقه و كولبه قدام باب البيت… بس لازم تكون الحمايه مننا نحنا السنه .. و باعتبار ما رح يكفي عدد المواطنين للحمايه بنستورد مرتزقه من باكستان و الصومال و زيمبابوي و طانزانيا.. و بنخصص ٩٠% من ميزانية الدوله للحمايه… لا لا .. مو الدستور و دولة القانون رح تحمي الاقليات انما المرافقه الشخصيه..

لك في اسخف مننا لما نفكر هيك?? لك والله ما منعرف شو معنى حريه و لا عنا ادنى فكره عن الموضوع… لك ولله عيب علينا… لك مجرد انو نقول هالحكي بيخليني استحي كون سوري… يا الله كبرلنا عقلاتنا.. مستعد ارجع آمن فيك يا رب العباد و صلي و صوم بس شوف شعبي كبرو عقلاتو… مشان الله و الانبياء و للي بتحبو كبرو عقلاتكون.. لك والله مو معقول… لك شبنا?? لهلدرجه ??

انتو شو رأيكون بهل الكلام؟ 5  3

أجمل ما في المقال هو التنويه

انتو شو رأيكون بهل الكلام؟ 0  2

لايعجبني اختطاف الثورة من أحد ولايعجبني تخوف الأبرياء من العقاب ولا تطمين المجرمين ولو قعدوا في بيوتهم فالعفوا بيد أصحاب الدم والمال والأعراض ومن يزعل يدفع من كيسوا كما يقول المثل السوري ..سورية أبعد ماتكون عن الطائفية والحقد والانتقام ولكن ما يحصل اليوم يحتاج الى مصارحة ومراجعات ودراسات ومعرفة من أين أتى الأمن بكل هذا الاجرام والتكيل والحقد ولن نقبل بسورية الغد بمذاهب سرية وتعاليم باطنية وجلسات سرية وخلوات حسينية اذا أردنا أن نعيش مع بعضنا فيجب أن يكون الظاهر واضح للجميع ولن يصح أن ندفن رؤسنا بالرمال بعد اليوم ومن أجل تحقيق العدالة للجميع يمكن اتباع نظام المحاصصات الاقليميه والطائفية وطرح نظام الولايات اللامركزي والشاطر يكسب ثقة المناطق والطوائف الأخرى واذا أراد الشعب الثقة بمسيحي ليحكم فليكن أو من اي طائفة كان ولكن الوظائف والجيش يجب أن يكون بالعدل وهكذا والنظام البرلماني وليس الرئاسي الذي يتمتع فيه الرئيس بميزات الآله يجب أن يكون شيئا من الماضي وهكذا سورية جديدة من األف الى الياء والسلام

انتو شو رأيكون بهل الكلام؟ 7  2

فعلاً ماني عرفانة الناس شو بدها
النت كانت عم بتقطع وما حسنت علّق بالوقت المناسب
ولكن تعليقات جبران فشت لي خلقي
ما هو المطلوب من العرعور؟ أن يحلق ذقنه ويطرح دولة علمانية؟ لا تظلموا الناس وتطلبوا منهم أكثر من قدرتهم. في ناس بتكون خايفة بتطمنيها بترجع بتقلك شفتي الكلام تبعو هو قائد الثورة. طيب إذا قائد الثورة عم بطمن الناس. وإذا هو واحد عنده جزء من المعجبين فهو عم بيعبر عن هدول بس. المطلوب أنو ما يحكي؟ ولا شو

انتو شو رأيكون بهل الكلام؟ 11  3

حقيقه أنا مستغرب جدا من زرقاء اليمامه ومن لف لفها على شراستهم في التهجم على افكار قد لاتكون بالضرورة تتماشى مع تفكيرهم يعني فعلا شئ محير أنا انسان مسيحي ولااعتبر نفسي من الاقليات ابدا فعشت طفولتي وشبابي وكهولتي في محيط مسلم ولم اشعر يوما واحدا انني خارج السرب وعندما يأتي احد ليطمان الناس تقوم الدنيا ولاتقعد ولااحد ينكر ان للرجل انصار كثر ويسمعون له ويطيعونه وهو اعطى عهد وهذا شئ جيد ويشكر عليه يعني خلونا واقعين وسوريا للكل  

انتو شو رأيكون بهل الكلام؟ 11  8

وءت اللي بلش الكر المعلم يخطب نص اللي بالقاعة طلعوا برا والنص التاني اخدلو غفوة ليخلص هالخ حكيو

انتو شو رأيكون بهل الكلام؟ 1  0

جبران/ آسفة على التأخير في الرد على أسئلتك. ولكن أنا لا أشكك في وطنية العرعور وأنا لا أحاكم وطنية أي انسان كان ولكن أحاكم الدور الذي يلعبه وإن كان يساعد الثورة أو يجرها إلى الوراء دون أن يقصد. العرعور ومحمد رحال وأمثالهم من الأشخاص الانفعاليين يساهمون في إعطاء النظام مصداقية خاصةً عندما يتحدثون بلغة فيها نفس طائفي. العرعور معروف بمناظراته مع الشيعة ليثبت أنهم على خطأ وهذا في حد ذاته مدمر لثورة سوريا لأن سوريا فيها الشيعة وفيها السنة كما أنها مجاورة لدول أغلبية سكانها من الشيعة مثل العراق ولبنان (نسبة 35% من السكان) وإيران. يجب أن يكون عنده بعد نظر لأن الدول المجاورة يمكن أن تساهم في طريقة اتجاه الأحداث فسوريا في النهاية ليست معزولة عن المحيط الاقليمي بكل مشاكله. العرعور رجل دين ومن الطبيعي أن يدعم الثورة بحكم أنه مهجر خارج البلد ولا يمكن مقارنة وضعه برجال السلطان مثل البوطي وحسون. ولكن إذا أردت أن تحاكم مصداقيته أجبني هل يستطيع أن يساءل آل سعود عن ظلمهم وفسادهم وانتهاكهم اليومي لحقوق الانسان في السعودية؟ إذا هو في السعودية يصبح كالبوطي في سوريا كالقرضاوي في قطر. ومن أجل ذلك أن أحتقر رجال الدين لأنهم “من المفروض أن لا يخشون في الله لومة لائم!!” ولكن هم على العكس يداهنون السلطان حيث يقيمون ويتملقونه ويديرون ظهورهم لله عز وجل وللمظلومين. يعني ما هو الأهم بالنسبة لرجل الدين الوطنية أم الله إذا كان يدعي أنه يخاف الله…. لا يمكن أن تقنعني أن ضميره مرتاح وهو يرى آل سعود الذين لا يقلون فساداً عن بشار وعصابته. وإذا كان مرتاحاً فهو منافق مع الاحترام له. أنا أرفض انفعاليته وحديثه عن الفرم وكثير من الأشياء الأخرى وأرجوك أن تنتبه إلى أن النظام يستفيد منه أيما استفادة. النظام لا يفبرك الفيديوهات التي يتحدث فيها العرعور عن تحريم تشكيل الأحزاب وعن فرم العلويين المتعاونين مع النظام، النظام السوري يستفيد من هذه الفيديوهات ويوظفها لمصلحته ولكنه في النتيجة النهائية لا يخترعها. نحن متفقان سلفاً على أن النظام السوري نظام إجرامي ولا داعي لذكر أهبل مثل وليد المعلم لاثبات وجهة نظرك، لأن المعلم بالنسبة لي جزء من نظام الإجرام ويجب محاكمته.
أنا أحلم بسوريا قادرة على منافسة اسرائيل اقتصادياً وعلمياً وسياسياً وفي مجال حقوق مواطنيها … وصوتي ودعمي سيذهب لمن يقدم مشروع واقعي يمكن أن يحول هذا الحلم إلى حقيقة ويعيد سوريا إلى موقعها التي حرمت منه منذ الاحتلال العثماني. العرعور لا يحمل هذا المشروع.

انتو شو رأيكون بهل الكلام؟ 15  5

ملحد المشكلة أنا مؤمنة وأتفق معك بالأفكار اكثر مما أتفق مع الكثير من المؤمنين. يعني يا إما أنا غير مؤمنة أو أنت غير ملحد!! أنا عن نفسي مؤمنة أنت شو؟؟ عم امزح!
اشتقت لأفكارك مع أنني رأيتك تدهلس لبعض الشبيحة ولم أسر بذلك… يعني أنا من أنصار مبدأ الضرب ع الراس.. مو الدهلسة. معلومك أنا كنت أقرأ ولا أشارك بالتعليق.

انتو شو رأيكون بهل الكلام؟ 7  2

ش ر هادا مشروع دستور ممتاز عملو المحامي اكرم البني مشكورا بالاعتماد على دساتير دول ديمقراطيه و منظمات حقوق الانسان و المبادئ العامه لهلمنظمات… هادا اللي بيحمي كل سوري شو ما كان يكون و بس….

اللي بدو يقرا مشروع الدستور كامل اليكم اللنك… http://www.metransparent.com/old/texts/anwar_bounni_new_constitution_for_syria.htm

هون رح حطلكن اول قسم مشن ما تملو…

الدستور السوري

الفصل الأول

مبادئ عامة

الباب الأول

1. الجمهورية السورية جمهورية ديمقراطية نيابية ذات سيادة كاملة.

2. الجمهورية السورية دولة متنوعة قوميا ودينيا وطائفيا للجميع نفس الحقوق والواجبات دون أي تمييز.

3. وهي وحدة سياسية جغرافية لا تتجزأ ولا يجوز التخلي عن أي جزء من أراضيها.

4. وهي جزء من منظومة عربية وإقليمية ودولية.

5. السيادة هي للشعب ولا يجوز لفرد أو لجماعة أو لحزب احتكارها أو ادعائها تقوم على ممارسة الشعب لسيادته عبر أساليب الانتخاب الديمقراطية التي تتمثل بقانون انتخاب عادل وشفاف يعتمد النظرية النسبية بالانتخاب ويعتمد الجمهورية السورية

دائرة انتخابية واحدة.

6. اللغة الأساسية الأولى للدولة هي اللغة العربية واللغة الكردية هي لغة ثانية ويراعى حق الأقليات الأخرى بالتكلم وتعلم لغاتهم وثقافتهم القومية.

7. تحدد لجنة خاصة ينتخبها أول مجلس نواب منتخب شكل العلم ولونه وشعار الدولة ونشيدها ويطرح على مجلس النواب لإقراره بأغلبية الثلثين، ويجب أن لا يمثل العلم أو الشعار أو النشيد أي اتجاه سياسي أو ديني أو قومي.

8. عاصمة الجمهورية السورية هي دمشق.

9. الجمهورية السورية دولة تحترم حقوق الإنسان ومبادئ الديمقراطية ولا يجوز إصدار أي تشريع أو قانون ينتهك هذه الحقوق.

الباب الثاني

9. جميع المواطنين متساويين أمام القانون في الحقوق والواجبات ولا يجوز التمييز بين أي مواطن أو آخر على أساس العرق أو الدين أو الجنس.

10. حرية الاعتقاد والرأي والتعبير مضمونة بالدستور بما لا يهدد السلم الأهلي ويحدد القانون طريقة ممارسة هذه الحريات.

11. كل إنسان بريء حتى تثبت إدانته بقرار قضائي قطعي.

12. حق اللجوء للقضاء مصان بالدستور ولا يجوز حجبه لأي سبب.

13. لا يجوز تقييد الحرية الشخصية إلا بما يهدد حقوق المجتمع وينظم القانون ذلك.

14. لا يجوز محاكمة أحد إلا أمام قاضيه الطبيعي.

15. لا يجوز توقيف أحد أو تحري منزله إلا بمذكرة قضائية أصولية.

61. لا يوجد جريمة ولا عقاب إلا بنص قانوني.

17. حق الدفاع مصون بالدستور لا يجوز حرمانه لأحد.

18. لكل سوري أو سورية الحق بتولي الوظائف العامة ولا ميزة لأحد على غيره إلا من حيث الشهادة العلمية والكفاءة ويحدد القانون طريقة تولي المناصب العامة.

19. التعذيب والمعاملة المهينة بكل أشكالها ممنوعة ويعاقب القانون مرتكبها.

20. لا يجوز إبعاد أي مواطن سوري عن بلده ولا يجوز تحديد إقامته أو منعه من السفر إلا بقرار قضائي.

21. حق تشكيل الأحزاب السياسية مكفول وينظم القانون طريقة تأسيسها وعملها على أن تكون أهدافها مشروعة ووسائلها سلمية ونظامها الداخلي يعتمد الديمقراطية ومصادر تمويلها معلنة.

22. حق تشكيل الجمعيات وهيئات المجتمع المدني مضمون وينظم القانون طريقة إعلانها وعملها على أن تكون أهدافها مشروعة ووسائلها سلمية ومصادر مواردها وطريقة عملها معلنة.

23. حق الملكية محمي بالدستور ولا تجوز المصادرة ولا يجوز الاستملاك إلا للنفع العام ومقابل تعويض عادل وتحت الرقابة القضائية.

24. حرية الصحافة والطباعة مكفولة وينظم القانون ذلك.

25. لا يجوز تعطيل الصحف أو مصادرتها أو مراقبتها أو إلغاء امتيازها إلا بقرار قضائي ووفقا لأحكام القانون.

26. العمل حق للمواطن وواجب عليه و على الدولة العمل على تأمين فرص العمل وإنشاء نظام ضمان اجتماعي عادل.

27. التعليم حق للمواطنين و تضمن الدولة مجانية التعليم حتى نهاية المرحلة الثانوية.

29. يضمن القانون حقوق الأفراد في حماية ملكيتهم الأدبية و الفكرية و العلمية.

31. تفرض الضرائب على أساس عادل تصاعدي بما يحقق العدالة الاجتماعية و يؤمن للدولة موارد تمكنها من تقديم الخدمات العامة.

32. الحرية الاقتصادية مصونة ولا يجوز تقييدها إلا بما يهدد كيان الدولة و أساسها الاقتصادي.

انتو شو رأيكون بهل الكلام؟ 7  0

يجب ان نفصل بين مناظرات الشيخ العرور مع علماء الشيعة او الصوفية ,, وبين موضوع الثورة,,,
فهو ايجابي للثورة اكثر من انه سلبي ,,,, يكفي بأنه اربك النظام الامني في سوريا ,,,

انتو شو رأيكون بهل الكلام؟ 10  1

كل ما شفت هيك تعليقات وهيك أفكار بين الناس وكل ما شفت المندسين لما بشتغلوا تشبيح فكري وعلى أساس منفتحين ومتعلمين وواعيين ومندسين للعظم باكتشف أنو شعبنا صعب حدا يحكموا وعن جد يا جماعة إذا انتو هيك معناها بكرة شو رح يصير بالشارع
انا مصدوم من التعليقات فوق :
الغليون زنديق وملحد !!!
العرعور طائفي !!!
المانع عميل للنظام !!!
المالح مخرف !!!
دليلة خاين !!!
*طيب شو بدكم فهموني*
ما حدا عاجبوا حدا وقال شو عتبانين على المعارضة ليش مختلفة
صحيح عندنا ناس عقولهم انضيفة وخرج قيادة لكان للاسف ما خرج تحكم هيك شعب متلنا من شان هيك كل العالم واقف على الحياد ومو عارفين شو يعملوا
يا حرام يا سوريا يا حرام

انتو شو رأيكون بهل الكلام؟ 9  1

الغبي يالي اسمو raymondo,حاج شبعنا من تعليقاتك التافهة متلك،حاج تشبح علينا بتعليقاتك الالحادية،وهادي مو اول مرة،

انتو شو رأيكون بهل الكلام؟ 6  12

السلام عليكم،
والله أنا ما قرأت التعليقات كلها تبع الشباب لأنها طويلة كتير، بس عرفت وين نقطة الخلاف الاساسية من يلي بلشت بالاصل من عند الأخ ريموندو،
ورح حاول يكون حسب النقاط المذكورة:
* بالنسبة لدور العرعور بالثورة وأنو مين هاد وشو دوروا:
1- بحب قول إنو نسبة كبيرة من سكان المناطق الثائرة الأساسية تلتفت لصوت العرعور وتطبقه في معظم الأحيان بدليل موضوع التكبير الذي عم هذه المناطق عندما طلب الشيخ العرعور من الناس القيام به، وهذا دليل على تاثيره الكبير على جمهور الثورة، وهذا موجود في بعض الهتافات التي تظهر خلال بعض المظاهرات والتي تظهر تأييداً للشيخ العرعور.

2- سب أو قدح او ذم أي شيخ جليل وذو شعبية كبيرة يؤذي مشاعر نسبة كبيرة من المسلمين، وبالتالي لا يجوز لأي أحد كائناً من كان أن يقدح أو يشهر بأي عالم له احترامه ومؤيديه بين الناس، مع الاحتفاظ بإمكانية النقد البناء لأنه لا يوجد أي بشر منزه عن الخطأ بعد النبي محمد صلى الله عليه وسلم وكل يؤخذ منه ويرد عليه.

3- إن الشيخ العرعور يؤدي دوره الكبير في التوعية ونشر الأفكار البناءة التي تساعد الثورة، في ظل غياب الدور الذي كان يجب ان يقوم به غيره من العلماء، وعملية تطمين الطوائف الأخرى إحدى أهم طرق نشر التوعية، فقلي إذاً من كان يجب أن يقوم بهذا الدور لو لم يقم به هو، أكان هذا الكلام يجب أن يصدر عن البوطي أو الحسون؟.

4- كلام الأبواق والشبيحة عن الطائفية اسطوانة قديمة مللنا منها ولا يجب الرد عليها بعد الآن.

انتو شو رأيكون بهل الكلام؟ 11  4

الاغلبية موافقين على هالتعليق. انتو شو؟ 18  0

والله انتوا غريبين لا الغراوي يعجبكم لا وحيد صقر يعجبكم ولا انتم من الثورة الداخلية وتتكلمون نيابة عن الثورة ولاتمدون أيديكم حتى من الناحية المعنوية والنفسية للثوار الا التحبيط النفسي وفوق هذا كل واحد فيكم سياسي محنك ورجل دين العرعور احق منكم في إعطاء القرارات الاقل سمعنا هتافات الشعب له من داخل الثوار والكل يكمن ويسمع كلامه وما شاء الله عليه والنظام يتابعه ومتخوف منه ويحسب له الف حساب فاتقوا الله للذلك لاتزال ناس ساكته عن الحق وملتزمة اسلوب الحيادية لأنكم غير مجتمعين على كلمة واحدة

انتو شو رأيكون بهل الكلام؟ 9  7

ياجماعة وفرو انتقادكن لفضيلة الشيخ .. فضيلة الشيخ هو امام ومفتي وماراح يستلم اي مناصب بالدولة ولا ناوي .. نحنا منحبو لفضيلة الشيخ لانو امام ولانو شفنا فيه رجل الدين الي بيحكي الحق مو متل الكلاب حسون والبوطي .. منحبو ايه منتابعو نعم بس ماقلنا انو رح يستلم البلد لانو هو مو الشخص المناسب .. الشخص المناسب للحكم مواصفاتو نحنا متقاسمين فيها معكم وماننا مختلفين عليها وهي خلاف سياسي .. اما فضيلة الشيخ هو قيمة روحة ودينية ومابدنا حدا يعطي رأيو فيه لشخص لانو بحياتنا ماجبنا سيرة لا امام لطائفة تانية ولا خوري ولا قس .. العرعور من الشيوخ الشرفاء الي دعمو الثورة وما معنى هالكلام انو بدو يستلم البلد انو نحنا عنا رغبة انو يستلم البلد .. بيضل صرمايتو براس بشار وبشيوخ العهر حسون والبوطي .. وبالنسبة للشيخ هو افتى انو مانطلع عالمظاهرات لانو عارف انو النظام مجرم وعارف كمية الدماء الي رح تسال .. بس بعد مانزفت درعا وراحو شهداء فيها الشيخ حمسنا للنزل ومانسكت على دم الشهيد حتى لو بدنا نلحقو.. يعني ما استخف بدم الشهداء .. ونحنا هلأ طالعين وماعاد نرجع بحياتنا يا اما منخلص يا اما منشيل بشار الخاين .. والشيخ العرعور خلص دورو بالنسبة للثورة وادى الي عليه وجزاه الله كل خير .. وبيبقى دورو كشيخ وامام وبتبقى مكانتو الروحية العالية كتير كتير بقلوبنا وبحياتنا .. لهيك منطلب من كل اخواتنا بالوطن الي عندن تحفظ عليه يخلو تحفظهم الهم لانو الشيخ ماراح يتدخل بالامور السياسية بعد نجاح الثورة الشيخ دورو انو يدعن الثورة ويساندا ويحكي اي شي بيفيد بالتفاف السوريين حول بعضن وانو ماحدا يخاف من حدا المهم نقلع الظلم من حياتنا ونعيش بقا .. وهادا مضمون الحلقة المنشورة بموضوعكن .. مابعرف ازا عرفت وصل الصورة صح .. بس خلو الرموز الدينية بحالا لانها مادخلها بجدالنا السياسي اطلاقا .. والسلام عليكم

انتو شو رأيكون بهل الكلام؟ 9  4

هاني ليش عم تسب على الملحدين ؟ وعلى العلمانيين ؟ وعلى المسلمين الشيعة ؟

ما بيصير هالحكي يا أخي… بترضى نبلش مسبات ببعض هلأ ؟

انتو شو رأيكون بهل الكلام؟ 4  1

طيب قريت مرة تانية وفهمت قصدك.

بس لا تخاف من العرعور بالمستقبل، أنا بقول أنو مؤيدينو هلأ زايدين لأنو رجل دين وعم يحكي مع الناس مباشرة وتابع الأحداث من أولها، وفي كتير بيأيدوا جكر بالنظام.
أنت بتعرف أنو بسوريا ما في سلفيين، والسائد بين السنّة هنه الصوفية والأشاعرة، بقى بس تهدا الأمور ما حدا رح يرد عليه.

انتو شو رأيكون بهل الكلام؟ 3  0

دراغون اسمى على مسمى ما بيطلع من تمك الا نار الفتنة ولسى صورة بروفايلك بترعب وما بدو هالتنين الا خنجر او باردوة لتكتمل صورتك الحقيقة

انتو شو رأيكون بهل الكلام؟ 0  1

النالكن هادا الشيخ رمز من رموزنا .. مابعرف باي لغة اكتبا لتفهموها بقا .. ياعمي بعد الثورة عارضوه اذا ترشح لمنصب سياسي وهالشي ماراح يصير .. نحنا منحبو لهالزلمة كتير ومنعتبرو اشرف معارض برا سورية .. واذا سألتو مين نحني .. نحني كل حمص وكل حماة وكل ادلب .. هلأ المحافظات التانية كلون حيوه بالمظاهرات بس مابدي احكي غير على هالتلاتة .. يا جماعة حمص تحت القصف والافندي اليوم طلع الطيران ومع هيك حيينا العرعور بمظاهراتنا .. ولا مابتعتبرونا سوريين كمان ولا مالنا رأي ؟ ضلو تفلسفو هون .. مابعرف ليش كل الي برا شاطر بالفلسفة وقيادة الثورات على اساس مقضي عمرو بالثورة والتظاهر مو اول مرة بحياتو بيشوف فيديو هن هيك شي . ؟ الي بيغلط عالشيخ العرعور غلط عالمتظاهرين والشهداء .. على بلال الكن وعلى زينب .. فهموها بقا كتباها واستمريتو .. عم نحسا استهداف النا منكم يا انصار الثورة ..

انتو شو رأيكون بهل الكلام؟ 5  2

أولا أقول وأنا مسيحي سوري حر
كل من تابع العرعور يعلم علم اليقين إنو مابدو ومايريد أي مناصب الرجل مخلص مليون في المية
للمعلومية أنا كنت من الناس اللي ما أرتاح له أبدا بس لما تابعت حلقاته في الفضائيات ، تأكدت ألف بالمئة إنو دعمه للثورة كان سبب رئيسي في استمرارها وتطورها بهذا الزخم ، لدرجة أني لا أشارك بالمظاهرات إلا بعد حلقاته في الفضائيات لأن الأعداد تكون كبيرة وفيها حماس

وارتحت له أكثر لما سمعته يؤكد على أن الحكم سيكون للشعب السوري عبر الإنتخابات النزيهة ، وتأكيده على عدم الطائفية وأخوة الشعب السوري ، ووحدة سوريا وشعبها .. وأخوة المسلمين والمسيحيين وكافة الطوائف
كان خطابه في أغلبه الأعظم متزنا جدا ورائعا ..
إذا أردنا الحكم على الرجل فيجب أن نتابع حلقاته ونعرف توجهاته وبعدها نحكم . فالرجل لايريد منصبا أبدا أبدا
وشكرا للجميع

انتو شو رأيكون بهل الكلام؟ 7  0

الله محيي أصلك يامسيحي سوري لأني دهشت من هذا الكره اللي بيحملو المعلقين على العرعور وماشافو خيرو من شرو والمشكلة انو الوحيد اللي وقف مع الثورة يوم مافي حدا معها وبيحكمو على الرجّال بالإعدام وهو لااستلم ولا سلّم .طيب وين نظرياتكن بتقبّل الآخر والا كلام في كلام متل الجماعة اللي في السلطة؟؟!!
مابيكفي فضح المستور !! يعني هو سوري متلنا متلو يعني الو الحق يرجع على سوريا ويترشح والنا الحق نقبلو أو نرفضو وفضوها سيرة لأن نص الشبيحة هلق سلطنو على الحكي الفاضي تبعكن

انتو شو رأيكون بهل الكلام؟ 6  0

تذكروا ان الشيخ العرعور اول من وقف مع الشعب وساعد في وصول الثورة السورية الشريفة الى الاعلام لاتكونين ناكرين للجميل هكذا هو تحدث عندما كان لايوجد احد يتحدث وينقل صوت الثوار بالداخل الله يعطيه الصحة والعافية ويحفظه من كل شر

انتو شو رأيكون بهل الكلام؟ 4  0