رساله إلى أحرار تظاهرة المزه

الاغلبية موافقين على هالتعليق. انتو شو؟ 31  5

كلام سليم تماماً … في العاصمة يجب أن يكون الحراك على مستوى المكان والتعامل معه بذكاء مطلق.

انتو شو رأيكون بهل الكلام؟ 14  6

الاغلبية موافقين على هالتعليق. انتو شو؟ 23  1

الاغلبية موافقين على هالتعليق. انتو شو؟ 26  1

بظن بما أنهون بالداخل ومن العاصمة تحديداً ومدركين شو وضع وظروف هالعاصمة بيعرفو شو عم يعملو وكيف يتصرفو ..

مو ناطرين حدا من برا ينظّر عليهون ويقلون شو ترفعو وشو تنزلو !!

يعني بعد حدعشر شهر قتل ودبح وقهر حلون يولعو الشام كلا مو بس يرفعو السقف

انتو شو رأيكون بهل الكلام؟ 10  7

حبيب هي ثورة…………. ما فيها مجاملة و مافيها أنصاف حلول بالشام أو بأي مكان

انتو شو رأيكون بهل الكلام؟ 14  3

اخي انا بختلف معاك، لنفرض انو بدهم الشباب يمشو زي ما بتقول، الامن قديش بدو وقت ليتعود؟ شهرين؟ تلاته؟ بتكون حمص صارت “حمص 2012″ متل ما كانت قبلها “حماه 1982″ هاي ثوره الكل يثور يتفجر غضب، اكيد راح يموت ناس بس كل ما كان الموضوع اسرع كل ما كان احسن، ولا تشبيه يعني بس اعتبرها متل لزقه الجرح، كل ما شلتها اسرع بتوجع اكتر بس بتخلص منها بسرعه، انا برايي العكس تماما دمشق بالذات لازم تثور وتغضب اكتر من كل المدن وتطلع كلها عن بكره ابيها في كل المناطق، والله كمن مظاهره كبار كبار في انحاء دمشق الا تقلب الدنيا فوقاني تحتاني. المطلوب انو الشباب بتحركاتها المفاجئه تشل حركه الامن وتفاجئ المسوؤلين ويشوفو اشي ما توقعوه ابدا، هاد اللي راح يخليهم يهربو بسرعه

انتو شو رأيكون بهل الكلام؟ 16  1

يتعود على شو يا ريموندو الله يصلحك…….. والله كل مقالاتك قارئها واحفظها … انو من وين طلعت معك هي، ولا تفكرني ضد فكرتك بالمجمل … بس لو كان كلامك عن اي بلد ثاني غير المملكة العربية السورية …… فلسطين الثانية المحتلة حاليا

انتو شو رأيكون بهل الكلام؟ 6  1

ان ماكبرت مابتصغر انشالله مفكر مارح يضربو الشام يا سيدي حتى لو ما اطلعنا رح يضربو الشام وطول عمرها المدافع من جهة الجبل وانت جاية من بيروت يلي بطل عالشام متوجه عالشام موع جبل الشيخ
للحرية الحمراء باب بكل يد مضرجة يدق ومعلومك هاد الشعر كتبو الشاعر شوقي بمدينة دمشق حصرا.

انتو شو رأيكون بهل الكلام؟ 6  3

ليش ما كان في مناسبات تانية الشباب ما قالوا ولا هتاف.. بس واقفين اعتصام صامت.. متل ما صار بكلية الطب البشري..
ومع ذلك ما وفروهن الشبيحة..
لك هدول مخلوقات دموية.. مجرد وجودنا على سطح الأرض بيستفزها..

انتو شو رأيكون بهل الكلام؟ 13  0

رفع العلم تصرف مراهقة ..ورطنا بشي مالنا فيه..وغدرنا بالعهد يلي عطيناه..ومو نحنا يلي بنغدر بلعهد,,وبسبب عدم الالتزام لح نخسر متل هيك حشد كبير مرة تانية
الخطأ من عنا

انتو شو رأيكون بهل الكلام؟ 7  14

الاغلبية موافقين على هالتعليق. انتو شو؟ 21  2

حبيب شو منشان التعن شرف درعا رغم انو بلشت بهتافات مو ضد النظام و عالعلم الاصلي و بدون جيش حر؟؟ صحيح و حماه كمان و يلا اركل يا حشاش

انتو شو رأيكون بهل الكلام؟ 9  1

الاغلبية موافقين على هالتعليق. انتو شو؟ 31  3

رح ئول رأيي وانا بنحني إدام كل اللي رفعو راسنا بالمزة
ونحنا ما عم ننظر عليكون ياعيب الشوم منكون
بس والله من خوفنا عليكون وع الثورة والشام
أنا معك رايموندو وفهمانة عليك
وهيك كنت عم بحكي لحالي
يعني هتافات يا حمص نحنا معاكي للموت كتير قوية
ورفع العلم مو كتير كان موفق
المكان والزمان وكمية ونوعية الناس كانت راااااائعة وهي بحد زاتا ضربة قوية للعصابة الحاكمة

انتو شو رأيكون بهل الكلام؟ 5  6

الأمن والشبيحة لا يستمعون للهتافات, ولا يناظرون الأعلام…
الأمر ببساطة… هناك أوامر صارمة ومحددة…
حين يتخطى المتظاهرون هذا المكان (مثلاً) يبدأ إطلاق النار…
حين يتجاوز الوقت الساعة كذا ولم تنفضّ المظاهرة… يبدأ إطلاق النار…
أطمئنك يا زعيم… الأمن والشبيحة يلتزمون بالأوامر, وينفذونها حرفياً… والارتجال غير مسموح أبداً…

ملاحظة: بلاها هي كلمة (زعيم)…. في ناس عم تضايق منها…

انتو شو رأيكون بهل الكلام؟ 13  3

اتفق معك ريماندو و أضيف:
تم التطبيل للمظاهرة أكثر من اللازم و كأننا كنا ننتظر أن نأكد لأنفسنا أن هناك الكثيرين مع الثورة. نحن نعرف أن الجزء الأكبر من الشعب السوري مع الثورة و أن هناك رغبة عارمة بالخروج و التظاهر و هذا الوجه المضيء من المظاهرة لكن للأسف يغفل الوجه الآخر من حدث البارحة .

.. النقطة الأهم والأهم أن النظام لم يتعرض للمتظاهرين والمشيعين بقصد (سوى بعد نداءات للجيش الحر و كان ممكن تجنبها و الذي أدى لمقتل شخص). النظام كان بإمكانه منع أو تحديد المظاهرة من بدايتها وقتل العديد من الأشخاص و فض المظاهرة و التشييع او حتى منع التشييع كما حدث اليوم 19.02 مع شهيد البارحة وكما حدث مع الكثير من الجنازات في دمشق… و عليه و مع الجانب المضيئ فيجب الإنتباه لأفعال النظام: النظام يسمح أحيانا المظاهرات ويقوم بتسجيل كل كبيرة وصغيرة ويبدأ بعدها حملة اعتقال للناشطين الفعالين الذين حصل عليهم وصورهم ودونهم في ملفاته, وبدأ فعلا. ويريد استئصال الثورا والناشطين من دمشق وهذه أحد أساليبه. النظام يريد كذلك أن يوصل رسالة معينة للخارج من خلال ” تيسير” هكذا مظاهرة واتضح ذلك من خلال لقاءات لاحقة ولكن سيعود بعدها للقتل بالجملة لأسابيع إن حدثت مظاهرات و لكنه سيقول وسيوسوق لأسابيع رواية أننا لم نتعرض للمشيعين والمتظاهرين في ( هذا اليوم) وهناك عصابات مسلحة ظهرت. ثم دمشق فيها خليط كبير من الشعب السوري و تحديد أن الدمشقيين خرجوا هذا ليس صحيح..اليوم ستراهم فتحوا أسواق الحمديدية والحريقة…لا أريد هنا التثبيط..
ولكن يجب قراءة الواقع بموضوعية. نظام مجرم نعرفه نحن و كان لن يتورع عن فتح النار و قتل العدد المطلوب..ولكن لغاية في نفس العصابة لم يفعل ذلك و هي بالتأكيد ليست التخلي عن الحل الأمني

انتو شو رأيكون بهل الكلام؟ 7  12

بغض النظر عن وضع دمشق ولا الظروف ولا شو لازم تكون الهتافات ولا الشعارات و لا رفع علم ولا غيرو …

باختصار .. ازا كان في تعليمات متفق عليها بخصوص سير المظاهرة من اولها .. لازم يتم الالتزام فيها مهما كانت. لازم يصير عنا شعور بالمسؤولية و الالتزام لقياده متفق عليها بالأغلبية ع الأقل .. مو كل واحد يشتغل اللي ببالو. النصر ما بصير الا بالتوحد .. التوحد بكل شي … حتى الكلمة

انتو شو رأيكون بهل الكلام؟ 5  1

يتكلم المقال وكاننا نتعامل مع اناس من لحم ودم يطلق عليهم الامن السوري اخي الامن السوري ابعد مايكون عن الانسانية انهم وحوش جائعة مسخ من صنع النظام لا يفهمون الا بالقتل الا تذكر عندما خرجنا باغصان الزيتون وكانت مجزرة ازرع حملنا الحمام رمز السلام فكان منهم النار والحديد قلنا سلمية فذبحونا بدم باردة الاحرى برجال الشام ان يخرجو باسلحتهم ليشيعو قتلاهم ويحررو سوريا من السفاح المسخ بشار

انتو شو رأيكون بهل الكلام؟ 9  1

الحرب خدعة
مالمانع ان تخرج مظاهرات ولو صامتة المهم تجمع اكبر عدد ممكن نحن بالمهجر نتمنى ان نشاهد مظاهرة مليونية لان العدد الكبير سيحرج النظام ويضعف قدرته على السيطرة ويشجع الخائفين والمترددين على المشاركة وعند الوصول للمليونية ممكن ان نرفع كل الشعارات التي حتسقط وتهزم هؤلاء الجبناء والنصر حليفنا

انتو شو رأيكون بهل الكلام؟ 8  1

والله يااخي العزيز…
ان طلعنا حافيين …راح الامن يفرقنا
وان طلعنا خرسانين…كمان شرحو
ولو رفعنا العلم الاحمر …راح يشرشحونا
ولو رفعنا العلم الاخضر… راح يشرشحونا اكتر
ولو هتفنا للمحافظات المحاصرة …راح ناكلها
ولو هتفنا للشهداء برضو آكلينها
ولو حيّينا كل انسان سوري منتفض…راح ننجرح
ولو حيينا الجيش الحر كمان راح ننجرح اكتر
ولو صرخنا بدنا الحرية والكرامة …راح نموت
ولو صرخنا يسقط النظام …اكيد كمان راح نموت
النظام والامن لايستمعون الى ماذا نقول…ولا يطلقون النار على المتظاهرين لانهم رفعوا العلم او نادوا باسقاط الرئيس او النظام …لالالا…هم يطلقون النار لمجرّد خروجنا من بيت الطاعة…لمجرّد اننا تحدّيناهم ..لمجرّد ان قلناااا لاااااا…للظلم والحاكم الاوحد..
اشكرك على كلماتك الطيبة واقتراحك …ولكن عذرا منك …هؤلاء هم اهل العزيمة في شام الياسمين…
فبقدر اهل العزيمة تأتي العزائم

انتو شو رأيكون بهل الكلام؟ 12  1

كلام ريموندو و نور و Mattah صحيح

معلوماتي من شباب المزة أن موضوع رفع العلم كان فيه تسرع وبعض الشباب تحمسوا وتسرعوا وأدى ذلك لإرباك كبير وكان يجب أن ينتظروا لانتهاء الدفن ويخرجوا بشكل جماعي
ما حصل سبب إرباك وخاصة بسبب وجود الكثير من النساء ومن المشاركين من خارج المزة، فهؤلاء كان من الصعب عليم التحرك بسرعة في أزقة المزة لتجنب الإصابة أو الإعتقال

وبالنسبة للأمن هم لم يتساهلو ولكنهم ارتبكو، فهم كانو آخدين احتياطاتهم ومسكرين العديد من الطرق لتجنب قدوم أعداد كبيرة، ولكن تجمع هذا العدد الكبير في منطقة مكشوفة ومليئة بالسفارات وضعهم في موقف حرج
وبالمناسبة كمان من مصادر موثوقة العناصر بلباس عسكري كانو يطلقون النار بالهواء لتفريق الجمع، والين أطلقو النار على المتظاهرين كام واحد لابسين مدني وهم على الأغلب شبيحة ومنهم الكلب يلي يبتشوفوا بالفلم عمبيقوس بالمبآكشن
ولوغير هيك كان صار مجزرة

بأي حال التجمع كان ناجح جدأً وأعطى الأثر المطلوب وإن شاء الله المرة الجاية بكون أحسن
الله يرحم الشهداء ويشفي الجرحى ويعطي العافية لكل يلي شاركو،

انتو شو رأيكون بهل الكلام؟ 6  8

شكرا للجميع على التعليقات بس لا بد من توضيح كم نقطه …..
١- الواضح إنو كان في اتفاق تم بين المتظاهرين بالمزه و أهالي الشهداء…هل اتفاق و نتيجة الحماس المبرر عند البعض ما لاقى طريقو لتطبيق على أرد الواقع…
٢- البعض و لو عن حسن نيه عم يصير عندو خلط و عم يعتبر إنو سقوط ضحايا بالمظاهرة أمر مفيد لانه رح يفجر غضب أكبر ….و عم ينسى إنو الغايه لا تبرر دائما الوسيله
٣- ما حدا قال إنو لو ما تم رفع أعلام الاستقلال و هتافات الجيش الحر كان الأمن سمح بوصول هل مظاهره إلى الأمويين….في خطوط حمرا بالمكان و الزمان كان عند الأمن تعليمات بخصوصها بالاضافه لخطوط حمرا بطبيعة المظاهره نفسها…و يلي صار إنو لما نرفعت الأعلام و بدا الهتاف السياسي تم اجهاض المظاهره قبل وصولها إلى حدودها المكانيه أو الزمنيه
٤- الموضوع متل ما حكيت فوق ما هو محاوله للتنظير أو التوجيه أو اللوم….هي بكل بساطه فكره حبيت أطرحها …يمكن تفيد …و يمكن ما تفيد

انتو شو رأيكون بهل الكلام؟ 7  0

وهدول ليش عم يعتقلوهن؟؟؟

لجان التنسيق المحلية: قوات الأمن تعتقل الدكتور أسامة البارودي، أخصائي هضمية من عيادته في باب مصلى، والدكتور رشدي الشربجي من المزّة، كما تم أول أمس اعتقال د.محمود الرفاعي من مركز جراحة القلب في دمشق في حملة شرسة ومستمرة يشّنها النظام على الأطباء. حيث تجاوز عدد المعتقلين الأطباء الذين وثقت لجان التنسيق المحلية اعتقالهم منذ بداية الثورة 295 طبيباً

انتو شو رأيكون بهل الكلام؟ 2  0

تنسيقية الثورة السورية في حي الميدان وما حوله
غدا سنشارك في إضراب عام وعصيان مدني في دمشق…
سنقوم باغلاق محلاتنا ومصانعنا وورشاتنا وسنتوقف عن العمل ليوم كامل لنعلن اننا كمسلمين اولاً و كدمشقيين ثانيا لن نبقى مكتوفي الايدي تجاه الظلم و المجازر التي ترتكب على كافة الاراضي السورية… لن نبقى صامتين بعد اليوم…
الساكت عن الحق شيطان اخرس …اهلنا يذبحون في حمص وادلب ودرعا وحماة اليوم و سكوتك يعني الرضا و الخنوع و الاستسلام للذل و الظلم…هل تظن انك محصن؟! هل تظن ان يد الظلم و البطش لن تصل اليك و الى اولادك يوما؟! … سكوتك هو مشاركة للقاتل و عون له…
لن نشارك النظام جرائمه بصمتنا… سنكسر الصمت باضرابنا وعصياننا المدني السلمي …
غدا سنتحدى الظلم وسندنا هو الله وعليه اتكالنا وهو حسبنا ونعم الوكيل…

انتو شو رأيكون بهل الكلام؟ 5  1

انتفاضة دمشق تصيب النظام بالصدمة والخوف والعجز

تصنيف الخبر: تقارير تاريخ النشر: 2012/02/19 – 08:59 PM المصدر: وطن
أصابت انتفاضة ثوار دمشق وخروجهم في تظاهرات عارمة النظام السوري بالصدمة والمفاجأة، والخوف من المصير المحتوم والعجز عن مواجهة هذه التظاهرات.
فقد أدت مظاهرات المزة إلى وقوف حركة السير تماماً على الأتوستراد الواصل بين بداية دمشق ومركزها، وجعلت النظام يضطر لإعادة حساباته من جديد، وبعد أن أزال بعض الحواجز داخل دمشق أعادها أمس السبت مرة أخرى مع تكثيف الوجود المسلح عندها.
وقطع النظام السوري الطريق المؤدي إلى دمشق بشكل شبه تام عند منطقة صحنايا والمعضمية بـ”ريف دمشق”، خوفاً من وصول الناس إلى العاصمة ربما والمشاركة في تشييع شهيد المزة الجديد الذي سقط أمس السبت، وكان النظام قد فرض دفنه عند الساعة السابعة صباحاً وبصمت، في محاولة لوقف حركة الاحتجاجات في دمشق.
ووفقا لتقرير نشرته “العربية نت” فإن نظام الأسد يسعى لقطع أوصال العاصمة دمشق وريف دمشق، ونشر المسلحين داخل المدينة، إلا أنه على الرغم من ذلك فهو عاجز عن التحكم الحقيقي بما يحدث على الأرض، حيث أن إعلانه عن نيته استخدام كافة الأسلحة لمنع حدوث مظاهرات في دمشق ونشر عناصر الميليشيا والشبيحة على مسافات طويلة تدعو للسخرية من حجم الخوف الذي يعيشه دون أن يستطيع أن يتعايش معه، في حين يستمر التظاهر في كفر سوسة “القريبة من المزة” والقدم ونهر عيشة.
وأشار التقرير إلى منع الموظفين من ريف دمشق من الوصول إلى أماكن عملهم بدمشق، ولم يذهب الطلاب إلى الجامعة، وقد اكتشف المتظاهرون أمس السبت أن السفارة الايرانية على أتوستراد المزة مليئة بعناصر الجيش والأمن، حيث تم استعمال السفارة لإطلاق الرصاص علىر المتظاهرين الذين أكدوا لأهلهم في حمص أنهم لن يكونوا لوحدهم بعد اليوم: “ويا حمص نحن معاكي للموت”.
وأوضح التقرير أن النظام فقط هو الذي يشعر بالخوف في دمشق، وأنه فقط هو الذي يقتل ويطلق الرصاص، وأن الشعب السوري في دمشق الذي نُزع الخوف من قلبه، وخرج إلى الشارع هاتفاً لحمص ولريف دمشق وللزبداني يؤمن أن النظام سيسقط لا محالة.

انتو شو رأيكون بهل الكلام؟ 6  0

أنا بأيد كلامك ريموند
وانا برأيي أنو لازم كمان نحنا نتعود على تجمعات كبيرة حتى لو ما كانت مظاهرات
يعني قصدي أنو لازم يتجمع الناس بشي ساحة مهمة حتى لو ما كانت الامويين أو العباسيين مجرد تجمع وبنفس الأعداد يلي بتطلع بالتشييع مشان نشد العالم يلي لسا ما طلعت بدون أي هتاف أو مظهر أو علامة بس مشان نشوف حالنا ونورجيون حالنا
هي مجرد فكرة عم تحكش ببالي وسمعت من فترة أنو في دعوة لعمل زحمة سير بشي ساحة بس برأيي بيبقى التجمع البشؤي مجدي أكتر

انتو شو رأيكون بهل الكلام؟ 1  4

في مظاهرة سابقة بدمشق أول هتاف كان بينهتف هو سورية يا حبيبتي اعدتي لي حريتي.. وتقوس عليها.. يعني ما في قاعدة

انتو شو رأيكون بهل الكلام؟ 6  1