GD Star Rating
loading...

 
ما عم بفهم عربي كتير… فهمني شو يعني ضمير
هالكلمة صارت منسية بقاموس العالم ملغيي

حبيت ابدا كلامي بأغنية لانو كتير كتير بتعبر عن الوضع … اي شو بدنا بالحكي ما عاد في ضمير.
أنا بنت من الجولان المحتل وتحديدا قرية مجدل شمس حبيت شارككن واندس معكن .. أنا كل يوم عم موت الف موتة لحتى كون معكن وارفع شعارات الحرية .. بس كل يلي عم اقدر اعملو انو اقعد قبال هالجهاز الصغير الي فيهو شاشة وكوم حرف واتتبع الاخبار وابكي من جهة على الي عم شوفو وأرجع اضحك من جهة على الي عم اسمعو .
وبما انو لاقيت المكان المناسب لحتى فش قهري فيهو انا رح قول هل كم كلمة
صحيح انو نحنا الي تحت احتلال ومن طول عمرنا منحلم بالحرية  ..بس الي اكتشفتو والي صرت عم شوفو انو نحنا بألف خير .. على الأقل نحنا عمنقدر نعبر عن رأينا ونحكي ونقول فليسقط الاحتلال بنص وجهو من دون اي معارضة من الاحتلال نفسو أو حتى رد فعل..
بـــس أنتووو شعبي شعب سوريا لما قمتو وطالبتو بحريتكن ومن مين من ابن سوريا ..قام رد عليكن بالرصااااص والدبابات
وطــــــــــــــــنـــــــــــي عـــــــــم يـــــوجــــعــنــــــي

بدون طول سيرة عليكن انا بس حابي قول كمان انو يا ” رئيسنا ” ما خليتلنا عين نطلع فيها بعين الصهيوني ونقول انت عم تقتل بشعبنا وانت محتل أرضنا ..ولما عمنجرب نحكي دغري عم يرد علينا ويقول ..روحو على سوريا روحو لعند أسدكن لو كنتو هونيك كنتو شفتو كيف رد عليكن بالرصاص وأشكروا الله واحمدوه انو عايشين بحماية اسرائيل !!!!!
لوين وصلنا بس !!؟؟

 

————————-

مندسة جولانية

 

 

GD Star Rating
loading...
GD Star Rating
loading...