GD Star Rating
loading...

 

 

 

 

 

 

 

 

ياولدي ,, قد مات شهيدا

من مات فداءً للمحبوب ,,,

قالها عمك نزار , من حدود 30 سنة و اكتر , ومن كتر تغزُلو بالمرأة , سألوه مرة , يعني لهالدرجة بتعنيلك المرأة , قلن بما معناه :  طبعاً  ,, المرأة وطن

ايه يا ابو توفيق ,, وينك هلق تكون معنا , وتشوف , كيف شِعرك صار حقيقة , وشباب الياسمين , عم يموتو ويستشهدو , فداءً للمحبوب

فكرت , ودبرت كثيراً , لكني لم اقرأ ابداً ,, فنجاناً يشبه فنجانك ,,

مظبوط ,, فنجانَا كان مالو شبيه ,, فنجان الذل ,, يللي ضلينا عم نشربو 40 سنة

وهلق صار فنجان الدم

وبكرى رح يصير ,, فنجان حرية

بحياتك ,, يا ولدي امرأةً

عيناها سبحان المعبود

فمها مرسوم كالعنقود

ضحكتها انغام و ورود

هي حبيبتنا ,, ثورتنا  يا ابو توفيق ,, صارت عنا بيوم وليلة , اغلى الحبايب

صرنا  نهذي  فيها ,, ليل نهار

صار قلبنا يدق , طول  ليلة الخميس , قبل موعد شوفتها

صرنا , نسهر نكتب فيها , خواطر الحب وخرابيش الغزل

صرنا , نرسمها , ونشرد مع حالنا , نحلم فيها ,,

لكن سماءك ,, ممطرة ,, وطريقك مسدود مسدود

فحبيبة قلبك يا ولدي ,, نائمة في قصر مرصود

من يدخل حجرتها , من يطلب يدها ,, من يدنو من سور حديقتها

من حاول فك ضفائرها ,, يا ولدي

مفقود ٌ , مفقودٌ , مفقودٌ

هالحكي تغيير كلو  ,, يا ابو توفيق ,, هلق طريقنا مفتوح , وحبيبة القلب فاقت , من ثباتها القسري

و نحنا وصلنا  ع سور حديقتها ,, و رح  منطول ايدها ,, وهي واقفة وناطرتنا ,, و فكت  ضفايرها

والشعر الغجريُ , المجنون , يسافر في كل الدنيا

قد تغدو امرأة , يا ولدي  يهواها القلب ,, هي الدنيا

لو كنت هلق بيناتنا , لغيرت النهاية  , يا ابو توفيق ,,,,

لانو دنيتنا تغيرت , وشَعر الحرية الغجري المفرود , طاير فوق بلادي 

وشعبنا اليوم ,,

مولودٌ , مولودٌ , مولودٌ

اتاري يا ابو توفيق ,, يللي ما حب الثورة ,, ما عرف طعم الحب بحياتو ,,

ونحنا يللي كنا مفكرين حالنا عشاق !!

 

 

freesyria

 

GD Star Rating
loading...
GD Star Rating
loading...
يا ولدي ,, قد مات شهيداً, 10.0 out of 10 based on 1 rating