GD Star Rating
loading...

 

من لما شفت فلم The God Father   أول مرة – بالمناسبة اذا مو شايفه لهلأ معناها مانك صاحب مجاز بالأفلام و يستحسن تحلق من هون الا اذا كنت عنصر مخابرات غبي طبعا – ، وين كنا؟؟؟؟؟؟؟؟؟؟؟
ام هند، من لما شفته اول مرة فورا شعلت لمبة فوق راسي… يحزركن ليش؟؟؟
تماما لانه تزكرت عيلة بتشبه هالعيلة كتير ألا و هي … ترررررررررررررررررررررررررررررررررر
تماما عيلة الأسد و عشر نقاط لفريق الحيوانات.

اي سيدي ملا أنت عالأغلب انت كمان انتبهت لهالتشابه الموطبيعي – عمو مخابرات “موطبيعي” مو كلمة وحدة مشان ما تتلبك بكلسونك -
خلينا نشوف اوجه التشابه واذا في لسه اوجه لخر اشمطونا ياهن عالكومنتس الله لا يشمّط عدو فينا – مخابرات لك كر ..كمان “عدوفينا” مو كلمة وحدة مو تسجلا هلأ اسم دوا –

 

  • العراب الكبير اللي هون مارلون براندو قدّس سره نشأ من بيئة زبالة و فقيرة و عايف طيزه متل الأسد الكبير.
  • تسلّق عكتاف المجرمين الموجودين قبله و صفاهن نفر نفر
  • مرته فولغير و معبية ب 600 حيط ومتل البجامة ما بنطلع فيها
  • هادي و بيوزن الأمور صح بس ابن 600 حرام يعني مو هداوة ولدنة حلال، و بيلعب ب مليون خيط  وبيضرب الناس ببعضا – بس طبعا بوصل لاسرائيل و بصير ارنب –
  • ابنه الكبير مجرم و دموي – تحياتي ابو البيس سلملي عابو جهل عندك امانة –
  • ابنه الكبير مات قبل ما يموت هو و اذا افترضنا سوء النية و انه شو مشان بركي مااااا قلبت فيه السيارة الاخ هيك لله بالله وكان في إن خصوصي مع وجود مستفيدين بدون ذكر اسماء آصف شوكت من موته و بنعرف انه بشبش الكبيرة ما تزوزت تقبر قلب اخواتا البقيانين الا لمات ابو البيس وبالتالي ابن الغود فازر و ابن الكلب قصدي ابن القائد الخالد ال 2 ماتوا قتل
  • الاخ اللي اصغر مباشرة من الكبير اللي مات ضعيف الشخصية و بهلة – فريدو بحالة الغود فازر – و ابو البيش بحالتنا
  • في بنت وحدة و بتتجوز بغير رضا ابوها واحد انتهازي و بيركب عضهر العيلة
  • كاد آسف شوكت انه ينتحر ب 30 طلقة بضهره لولا تدخل ام البيش – بشرى – بعد قصة اغتيال مغنية بسوريا و بنعرف انه وقتا صار عليه إقامة جبرية و بحالة الغود فازر انتحروه مع انه وعدا لخيته ما ينتحره لجوزا
  • اختلافات صغيرة هلأ بحالتين اول وحدة انه مايكل كورليوني اللي هو الاخ الصغير استلم القيادة بعد موت ابوه لانه فريدو شخصيته ضعيفة و شخاخ بس بحالتنا الشخاخ اللي استلم و تاني وحدة انه مايكل كورليوني كان مجرم و لكن بقلب مرهف و انه متل اللي انجبر يصير مجرم بينما ماهر مجرم متمرس و برغبة شديدة.
  • هلأ المهم اذا تناسينا الاختلاف انه ماهر بيمثل مايكل كورليوني واعتبرنا انه بشار هو مايكل بغض النظر عن انه هو ضعيف الشخصية و فاقث، بنرجع لنقاط التوافق
  • بشار تجوز أسماء بنت العيلة الكبيرة و الارستقراطية و المرباية بلندم وليدي بكل معنى الكلمة و الأهم انه من بره العيلة الكريمة و الطاااااايفة الكريمة… مايكل كورليوني تجوز كمان من بره العيلة و بنت راقية و هيك و بالاستقراء هيك بطلع معنا انه فعلا هلأ أثماء بلندم حردانة لانه مو راضية عالاجرام اللي عم يعمله الاخ
  • مايكل بلش مرحلته بانه بده يبطل اجرام و ينتقل تدريجي للعمل الشرعي … بشار ادعى انه بده يبطل فساد و اجرام و يعمل اصلاحات
  • بعد فترة مايكل انجرت رجله و ما قدر الا يفوت بالجريمة و يقتل منافسينه و يعمل مجازر ….. بشار كمان عمل مجازر بس اكيد مو انجرت رجله و لا انجبر عليها
  • العيلتين عيل اجرام و فساد و مع هيك عاملين حالن قدام الرأي العام انه أجدع ناس .. بحالة مايكل كورليوني من خلال التبرعات و الصدقات للمحتاجين و العاملين عليها الخ الخ الخ – عمو مخابرات الخ يعني إلى آخره مشان ما ينفجر مخك وانت عم تفكر فيها –

 

هلأ ببقا فرق أساسي بالفلم نهايته كانت انه متل اللي تاب و بده يصلح و هيك و مات موتة هادئة و بدون ما يدفع تمن جرايمه

ابو البيش ان شاء الله بده يدفع تمن كل ضفر من اضافر طفل درعا و كل قطرة دم وكل دمعة من ام و كل كف اكلته بنت حلال حرة و عندها كرامة اكتر من كتير رجال.

 

GD Star Rating
loading...
GD Star Rating
loading...