أرانب

نشره !the-syrian في 12 يونيو, 2011 - 05:18 مساء - 54 تعليقات

GD Star Rating
loading...

أرانب, 5.5 out of 10 based on 2 ratings

Tags: أرانب, سنافر, منحبك

« كيف بتصير؟ و منحبك »

54 تعليقات ردا على "أرانب"

#1
والله عيب هيك أسلوب
منعرف أنو في شي اسمو اسلوب استفزازي بس هاد مو اسلوب استفزازي هاد اسلوب استحقاري
بالنهاية متل ما يلي عميطلع أخد حريتو وعميطالب بالحرية ماعاد ئلو دخل بالباقي طلع أو لأ ويعرف أنو يلي مابدو يطلع حر وئلو أسبابو
وأنا بهيك أساليب بصراحة مالي شايف فرق بين يلي بيعمل هيك كاريكاتور والنظام لأن التنين بدن يجبروا الباقي يمشي على كيفهن وما بدن حدا حر
إذا الثورة بدها تقيمني من تحت الدلف لتحت المزراب فخليني تحت الدلف إذا هيك لأن تعودنا عليه 40 سنة وإلا رح نطير الدلف والمزراب سوا
انتبهوا جداااا ففاقد الشيئ لا يعطيه وإذا كنا نطالب بالحرية فالأولى أن نعيشها بأنفسنا قبل أن نطلبها
انتو شو رأيكون بهل الكلام؟ 2 0
نحنا الشوام رافعين الراس في يونيو 12th, 2011 ::

#2
با حبيبنا يلي رافع راسك هاد راي وطالما ما خرج عن اطار الادب فما عليه حكي وممكن انت بكل بساطة تبعت موضوع للمندسة تعبر فيه عن رايك بأنو ليش بسوريا ما في أرانب
بالنسبة لفكرة الوقوف على الحياد وعدم الخروج
بحب وضحلك انو الوقوف على الحياد والتفرج من بعيد هاد مقبول من شخص قاعد بأمريكا او اوربا وما رح بخسر شي سواء أيد أو عارض وسواء خرب بالبلد ولا اتعمر
بس ابن البلد يلي هو ضمن المشكلة ما ممكن يوقف على الحياد لانو الأمر متعلق بمصيروا وحياتوا
انتو شو رأيكون بهل الكلام؟ 0 2
قلب مندس في يونيو 12th, 2011 ::

#3
لك عينييي ربوو شو منطقي هالبني آدم
انتو شو رأيكون بهل الكلام؟ 0 1
إقطاعي مندس في يونيو 12th, 2011 ::

#4
وعيني ربك يا اقطاعي شو بحبك بدون ما اعرفك وبدور على تعليقاتك دوارة بالمندسة
انتو شو رأيكون بهل الكلام؟ 0 0
قلب مندس في يونيو 12th, 2011 ::

#5
و عيني ربكن انتو التنين. و بنكش الدنيا عليكن و الله.
انتو شو رأيكون بهل الكلام؟ 0 0
jonaboxer مندس بالفطرة في يونيو 12th, 2011 ::
#6
http://www.the-syrian.com/archives/7593
يا بتلحقوني يا بصير رئيس
انتو شو رأيكون بهل الكلام؟ 0 0
إقطاعي مندس في يونيو 12th, 2011 ::
#7
وعيني ربكن انتو التلاتة شو إني بعشق روحكم الإندساسية.
انتو شو رأيكون بهل الكلام؟ 0 0
مندس في المهجر في يونيو 12th, 2011 ::
#8
على راسي حارتكون
اخي مندس في المهجر هلأ قلي
قديش اخدت معك هالجمله لتكتبها
ههههههههههههه
وانا بعرف كمان
انتو شو رأيكون بهل الكلام؟ 0 0
إقطاعي مندس في يونيو 12th, 2011 ::
#9
ومعليش يعني هلأ استلمتوني انت و الأخ جونابوكسر على الأارابك كيبورد تبعي، ون مور وورد آند آي وِل نَت فوت فور يو إن ذِ نِكست بريزدنشيال إلكشنز، دير بالك هه لسه ما انتخبناك
انتو شو رأيكون بهل الكلام؟ 0 0
مندس في المهجر في يونيو 12th, 2011 ::
#10
وعيني ربكن كلكم شو بحبكم وأحلى تحية اندساسية من مندس جديد ع المصلحة (سابقا)
انتو شو رأيكون بهل الكلام؟ 0 0
تشي مندس غيفارا في يونيو 12th, 2011 ::
#11
لك على راسي والله شريك واحلى اسم جديد
انتو شو رأيكون بهل الكلام؟ 0 0
إقطاعي مندس في يونيو 12th, 2011 ::
#12
هههههههههه خلص خلص انته انتخبني وماعليك
انتو شو رأيكون بهل الكلام؟ 0 0
إقطاعي مندس في يونيو 12th, 2011 ::
#13
فتلت براسي كلمة فوت فور يو (أبل ما أوصل لبريزدنشل) و ما عرفت عن شو عم تحكي. شنو فوت يعني رجل بس تصويت ﭬوت بتلات نقط فوق الافشة.
و حبيبي درعاوي قول هسسسسع و ليس هلأ. بيحئلك تفتخر يا بن الأكابر.
أما أخي إقطاعي شو عم تضارب علينا؟ هيك ميثاق الاندساس بيسمح؟ بس أنا بسأل كم ساعة أخدت معك شنو أول ما سألتو طرئوني ستين ديس لايك لحتى وضحلهن هو الموقف. و ضلوا يطرئوني ديس لايك لليوم على تعليقي هداك. شنو توضيحو بعد تعليقي بكيلومتر فما بيوصلو إلو بيكون الي ديس ديس و اللي لايك لايك. الخلود لاندساسنا.
صحيح كتبت مقالة عن طيارات الممانعة يمكن تنشر اليوم. إزا بدكن فيكون تشوفوها بموقعي. روحوا و باركولي هونيك.
http://jonaboxer.wordpress.com/
انتو شو رأيكون بهل الكلام؟ 0 0
jonaboxer مندس بالفطرة في يونيو 12th, 2011 ::
#14
هسسسسسع
انتو شو رأيكون بهل الكلام؟ 0 0
مندس في المهجر في يونيو 12th, 2011 ::

#15
عفوا قلب مندس شكلك فهمت القصة غلط او يمكن مافهمت شي حتى
ماحدا قال عالحياد ولا اجابت السيرة هي من ناحية من ناحية تانية ليس الأدب أو قلة الأدب هي الضابط الوحيد بالحياة, فكما انت تصف نصف شعبك بالأرانب فيجب إذا ان تتقبل وتجبرنا نحن أن نتقبل غصب من عن انفنا ان ننعى بالمندسيين هذا كل ما قصدته وإلا فلا منطق ابدا بأي حكي كيف نستنكر أنهم يدعوننا بمندسين وسلفين ونطالب أن يفهموا اننا سوريي وبالمقابل يجب أن نعبر عن رأينا أنهم أرانب!!!!!!!!!!!!! أخت الحرية إذا فهمانينها هيك انشالله مفكر أنو الحرية يلي عمنطالب فيها هي بس أنو نقول للنظام أنت سيئ وللباقي أنتو أرانب ولا شايف الوضع كتير هادي وماعنا شغل غير نقول لهاد أنت أرنب ولهاد أنت صوص؟ مع هيك لم نخرج عن إطار الأدب ولا يلي نعتك بمندس خرج عن نطاق الأدب فهل هذا هو ما ترمي إليه؟؟؟؟؟
انتو شو رأيكون بهل الكلام؟ 0 0
نحنا الشوام رافعين الراس في يونيو 12th, 2011 ::

#16
من وجهة نظري الشخصية البسيطة… أنو يلي بشوف ابن بلدو… أو بنت بلدو… أو طفل بلدو… عم ينقتل و ينذل و ينهان و هوي طالع عم يزمر بالسيارات و يحطلي أغاني منحبك بالساحات… يعني أرنب منيحة لألو… فيها مراعاة كتير… كتير كتير اذا بدك
هذا و الله أعلم
أهلين حبيبنا
ع راسي
انتو شو رأيكون بهل الكلام؟ 0 0
BF في يونيو 12th, 2011 ::

#17
فالج لا تعالج
والله دق المي وهي مي
ياحبيبي مقابل هالشي عمنطالب بالحرية نحنا وانتهت القصة هنا. دون أن نسمح لأحد بأن يقول أننا خونة ومندسين ونحن نسمح لهم بمثل هذه طريقة التفكير وبنعتهم بالأرانب ولا تتصور أبدا أن من تنعته بالأرنب سوف يصفق لك ويتركك وشأنك
فلماذا الدخول بهذه الجدالات وتبادل القذف والشتائم والتشتت عن الموضوع الأساسي؟؟؟؟
انتو شو رأيكون بهل الكلام؟ 0 0
نحنا الشوام رافعين الراس في يونيو 12th, 2011 ::
#18
حبيبي انت قريت شي اسم الموقع ؟
المندسة ؟
وتلت ارباع اسمائنا فيها كلمة مندس
شايف انت حدا مدايق من هالكلمة بهالموقع ؟
والله غريب
انتو شو رأيكون بهل الكلام؟ 0 0
إقطاعي مندس في يونيو 12th, 2011 ::

#19
عزيزي
انا قريت كلامك مرتين ودقيقه قبل ما كمل رح اقراه مره تالته مشان اتاكد من اللي فهمتو
طيب قريتو مره تالته
هلأ اخي الكريم في شي اسمو واقع وهذا الواقع عميصير ومافي تنين بيختلفو عليه
يعني مافي تنين بيختلفو انو نحنا منتنفس الاوكسجين لانو هدا الشي واقع نحنا عايشينو
هلأ بهذا الكاريكاتور هو عباره عن تنفيسه ، واحد خاطر على بالو خاطر انو عنا نص شعبنا ارانب , فأجا رسم هالرسمه وقال ووصف شعورو يعني بمعنى اوضح قال رأيو
هذا الراي اللي رسمو ( بشكل فكاهي) شايف الزلمه انو نص الشعب خايف يقوم على الظالم اللي عم يقتل نص الشعب التاني , هو برايو الخوف هاد شبهو بالارنبه
يعني لناخود على سبيل المثال فيديو الشعلان , انا برايي الشخصي كل العالم اللي كانو واقفين والمره عم تنضرب أرانب وصيصان
مافي غير رجال واحد قام ودافع عن هالمخلوقه وهدا الزلمه انا بحترمو كتير والله محيي اصلو .
يمكن انت تقلي لاء الناس اللي كانو عم يتفرجو هدول ابطال, ما شفت تطليعاتهون كيف كانت قوية وعم تقدح شرر , ووقفو وقفة الابطال عم يتفرجو على هالمره وهي عم تنضرب لانو كانت عم تغني النشيد الوطني السوري بالشارع
هذا رايك فرضيا, انت حر تقولو بناءا على اللي انت بتشوفوه مرجله وأرنبه
فهي اسمها آراء وكل واحد حر برأيو ,
هلأ منجي للواقع يا معلم
اول شي انا بفتخر لما حدا يقلي مندس لانو هي صارت عباره عن كلمة حميدة بالنسبه إلي , لانو ايا حدا بيوقف بوش النظام وبيقول رايو بيصير مندس وايا واحد بيدافع عن البشر اللي عم تدعوس بيصير مندس فانا مندس وإلي الشرف
وهلأ لما يجو العالم ويقولو عنا مندسين واتباع لامريكا واسرائيل و بريطانيا وعم نقبض مصاري من بندر بن سلطان ونتمول من الحريري وبدنا البلد تنهار وتدمر , هذا ما عاد صفي راي , هذا صفي اتهام وهالاتهام بدو أدله وبدون دليلي هذا الاتهام باطل
وشيت مثلا انو حدا يقول انو اهل حمص عندون إمارة سلفيه هدا مو رأي يا اخي
هدا شي بدو دليل , أيمك من قلو بيخالف العقل والمنطق وطول حياتنا ما شفنا لا سلفيين ولا امراء امارات ببلدنا وشي مو طبيعي, ونتذكر انو الاعلام السوري طول مالو قاعد عم يكزب ويكزب ويكزب ويصدق كزبتو
فاخي الكريم خلينا نفرق بين الواقع اللي عم يصير وبين الرأي
واقع : انو نص شعبنا ساكت على القتل
رأي : انو نص شعبنا اللي ساكت هدول ارانب
فلا ناخود على خاطرنا من الرأي المبني على واقع وخلينا بدال ما ندايق وننزعج نعترف بواقعنا مشان نلاقيلو حل
اما اذا طول ما نحنا قاعديين عم نقول لاااااا المدينه الفلانيه والمدينه الفلانيه كلها مراجل وكلها ابضايات والتاريخ بيشهدلها ومن عنا بلشت ونحن الاصل ونحن رافعيين راسنا ,, بس بدون واقع على الارض نشوفو بيضل هدا الحكي وسوري منك كلام مو مظبوط
انتو شو رأيكون بهل الكلام؟ 0 0
إقطاعي مندس في يونيو 12th, 2011 ::

#20
عيني ربك اقطاعي و الله فشييتلي ألبي.
كفيت و فيت أخي بس أنا لعلاع كتير و لا بد انبئ كم كلمة.
هلأ المندسين هي شتيمة متل خاين بس بابداعنا خليناها فخر.
هلأ واقع ما واقع هاد اللي بدو بيكزب الواقع سهل يعني بسوريا ما في مظاهرات و اللي طلعوا بالعشرات. بالله عليك هاد بيتآخز شي؟؟؟
بالنسبة للاتهام لك شو دليل و ما دليل هي؟ شوف الروابط اللي بمقالتي تبع “الورقة الأخيرة” و شوف من وين هالاتهام اصلو.
هلأ سلفيين بباب السباع بستحي رد لأني بخاف يكون في صبايا هون.
أهم نقطة بردي هي الشعلان. تخيلو إنو فيديو الشعلان صار بأحد أسواق درعا. بنفس الظروف مع اختلاف الانتماءات. شو لح نشوف أرانب و لا صيصان و لا أسود؟ الجواب إلكن و تعليق مندس بالمهجر بمقالك “شكراً مندسة” بيعطيك تلميح للإجابة.
سيدي اللي كانو بالشعلان كلن خناتي و ليس أرانب لأن الأرنب أبضاي بشغل النسوان و إزا شاف أرنب تاني عم يلطش مرتو بيدافع. فما بالك إزا شاف حيوان تاني عم يهدد ولادو و أهلوا شو لح يعمل؟ غياب هالنخوة و هالحمية من وين اجا. يمكن مالي حوراني بس دمي حامي و الله و لو اجت على موتي ما اسكت و أن شايف أختي عم تنضرب و تنهان.
الثورة طلعت من الشام؟ و فيديو خطف البنت على الميكرو شو حرك بالناس؟
لو هالفيديو بدرعا كم أيد لح تنقطع رجل لح تنكسر؟ أعطيتكن أسئلة كتير و كم جواب. شغلو مخكن و حاج مكابرة.
انتو شو رأيكون بهل الكلام؟ 0 0
jonaboxer مندس بالفطرة في يونيو 12th, 2011 ::
#21
عيني ربك على هالمخ
انتو شو رأيكون بهل الكلام؟ 0 0
قلب مندس في يونيو 12th, 2011 ::

#22
انا بقترح نفتح تشات رووم بالمندسة للتعارف بين الاعضاء…جد عم احكي
انتو شو رأيكون بهل الكلام؟ 0 0
محمد في يونيو 12th, 2011 ::

#23
و انا اليوم فكرت بهالشي والله
انتو شو رأيكون بهل الكلام؟ 0 0
jonaboxer مندس بالفطرة في يونيو 13th, 2011 ::

#24
ما بعرف ليش تحسست انت بالذات من هالكاريكاتير …
حاسس حالك أرنب يعني ؟
بعدين وين الاستفزاز ؟؟؟ فهمني
انت جي لهون لتسب علينا وتقمعنا متل مو نظامك قامعنا من أربعين سنة .. وبدك يانا ما نحكي؟؟؟
لشو اسمها الحرية لكان ؟؟
ولا الحرية يعني انو نقول متل ما بدك؟؟؟
نحنا هون مندسين …فهمها بقى
وازا ما عجبك روح على صفحات المؤيدين وسب فينا لتشبع ..
أو تعال لهون واحكي حكي حدا حر
عم تقول عن نفسك حر وبدك توقف ع الحياد ؟؟؟
انو شو يعني ع الحياد؟؟؟
بعد ما صار الدم بسوريا للركب مين عندو ضمير يطاوعو يوقف ع الحياد؟؟؟؟
والله عيب عليك هاكلام
انتو شو رأيكون بهل الكلام؟ 0 0
تشي مندس غيفارا في يونيو 12th, 2011 ::

#25
لك شو هي الفيديو عم يستنى موديرشين أبل ما يطلع؟ شو قناة الدينا هون؟ إزا صارت هي سياسة هون فكتير ناس حيفلو. خايفين على شعور القارئ من الحكي الوسخ؟ بسيطة شفروه بعد فترة أو خلي الشباب بالديس لايك يطيرو. أما تعمل رقابة على الردود فهي تطور خطير مع احترامي لجهودكن.
انتو شو رأيكون بهل الكلام؟ 0 0
jonaboxer مندس بالفطرة في يونيو 12th, 2011 ::

#26
ليش ما دريت؟… سمعت أنو دخلو الشباب التكنولوجيا عالموقع… و صار في رقابة أوتوماتيكية… بس عم يفعسو فيها الشباب شنو مو شغلتون هالشغلة و عم يحاولو يتعلموها…. لهيك في شي عم يطير و شي عم يتشفر لحالو… و شي بيطلع سبامينغ… حالة تعيسة
أنا رح طول بالي عليهم… و أصبر… و أكظم الغيظ… لأنو بعرف أنو الشباب أيدون قصيرة و عينون بصيرة… و لو أتيحت لهم امكانات قناة الدنيا… كانو غالبا عملوا العمايل
هذا… و الله أعلم
انتو شو رأيكون بهل الكلام؟ 0 0
BF في يونيو 12th, 2011 ::

#27
سؤال مالو لزمة … شلون عملت آفاتار لبروفايلك ؟؟؟؟
انتو شو رأيكون بهل الكلام؟ 0 0
تشي مندس غيفارا في يونيو 12th, 2011 ::

#28
منشان الافاتار
http://www.the-syrian.com/login
انتو شو رأيكون بهل الكلام؟ 0 0
حشاشجي سوري في يونيو 13th, 2011 ::

#29
أخيBF يعني عم يتعلمو البيطرة بحمير النور؟
انتو شو رأيكون بهل الكلام؟ 0 0
jonaboxer مندس بالفطرة في يونيو 13th, 2011 ::

#30
Your comment is now awaiting moderation before it will appear on this post
انتو شو رأيكون بهل الكلام؟ 0 0
jonaboxer مندس بالفطرة في يونيو 12th, 2011 ::

#31
This must be a joke bs 7abeta
انتو شو رأيكون بهل الكلام؟ 0 0
مندس في المهجر في يونيو 12th, 2011 ::

#32
مع العلم اني شامي قح , و مع الاسف اني لح قول “مع الاسف اني شامي” تاكيدا على موضوع شامي رافع راسي, يعني لكل مين وقت بيرفع راسو و يا بيضل رافعو يا يمكن تعب فوطا راسو و اكل كم طيارة, اشيد على السيد اقطاعي مندس على التيميز ما بين الراي و الواقع, وما بين المنطق و ال لا منطق, ففعلا نفس منظر البنت بالشعلان لو صار بدرعا شو كان صار, والحمد لله لما صار بالشعلان شفنا شو صار,و انا تركت الشام بعد ايماني انو الشوام و مع الاسف بدون استثناء صارو خلينا نقول سياسيين و فهما و نسفو دين الخط الاحمر بكل شي حسب المقالة يلي كتبتها
http://www.the-syrian.com/archives/5905
, فلما تم نسف الخط الاحمر من مجمل اهل الشام و صار كل شي حلال و يلي مو حلال بيتحلل و مافي مشكلة بشي و صرنا نتحربء بالشامي و نستخدم الاحاديث الشريفة “اذا ضربك على خدك الايمين فاعطه الايسر …” وما عاد عنا خط احمر لشي بحياتنا اليومية و قصصنا العادية يلي هي ولا شي, وصار بدنا نسيسها و نتذاكا متل بعض جماعة, فقررت اني سافر ببساطة لاني حسيت اني ما بنتمي الهون بليرة مع الاسف, و لكم دينكم ولي دين. وقلتها من قبل, انا ما سافرت خوفا من كلاب النظام ولكن سافرت خوفا من انو اهل بلدي وحارتي يتخلو عني لما انا بحاجتهون وانعفطت لاني عم طالب بمصلحتون.
يعني كونو على ثقة الشب يلي راح دافع عن البنت, شب واحد, كونو على ثقة ولا ضرب من الكلاب حس فيه, بس كان عم يتمنى الموت و هو عم يشوف العالم يلي بنص الشام خلينا نقول عم تتفرج.
ونقطة انتهى.
انتو شو رأيكون بهل الكلام؟ 0 0
No Leaf في يونيو 12th, 2011 ::

#33
فعلا لا تنتمي للشوام بصفة ولا بتعرف أهل الشام إذا يلي برات الشام حكى منقول جاهل مفكر يلي عميشوفهن بالمسلسلات هنن شوام بس أنو أنت شامي!!! بشك ومنيح طلعت لحالك قبل ما أهل حارتك يطلعوك وعمتحكي وكأنو الشوام أعدين كانو كلهن مجتمعين وعميتفرجو عالبنت كأنها فيلم سينما وماعندك أدنى فكرة أنو درعا نصف أهلها هم رجال أمن ومخابرات ودرعا يد النظام الثانية بعد القرداحة وأن الشرع من درعا وخالد العبود من درعا وعمتحكي بطريقة مقرفة ومقززة كأنو الشوام مافيهن شرف لا وعمتئلي شامي وهربت برا الشام ههههه طيب ليش حضرتك ما ضليت وعمتستنى غيرك يكون منيح يا شامي مندس قسما بالله مو شامي ياعيب الشوم بس
انتو شو رأيكون بهل الكلام؟ 0 0
Damascene في يونيو 13th, 2011 ::

#34
أنا ما توقعت انه في بعد *** واحد ممكن يرمي تهمة إنه درعا ايد للنظام. لك السؤال بكللللللللللللل درعا مو مين طلع؟…….السؤال هنيك مين اللي ما طلع و الجواب زيرو ناي نادا ري ناني مو صفر افس (سبع لغات اختر اللي ممكن تفهما)
انتو شو رأيكون بهل الكلام؟ 0 0
jonaboxer مندس بالفطرة في يونيو 13th, 2011 ::

#35
والله كنا ما منقطع فرض, صرنا نكفر من ورا التفكير الاعوج, يعني لاجل الصدفة اليوم اليوم بالدولة الغير عربية و بالبناية يلي ساكن فيها يلي فيها 20 طابق و بكل طابق 14 بيت, و في حرس للبناية, طلعت بنت صارت تصرخ من البليكون, النجدة و النجدة بالانكليزي, و انا بدولة غريبة ومالي حدا فيها ومعي عيلتي, و البيت يلي عم تصرخ منو في 4 زنوج بياكلو الزلط و البيت بشكل عام زبالة و منظرو و منظر البنات يلي فيه مريب و كانو بيت دعارة, ابه يعني نزلت باوعيي الدخلي ورحت شوف شوفي و ما طلعت الا انا و البنت برات البيت. يعني تصرف اقل من عادي لازم يكون لاي مسلم عربي. ايه والله العالم يلي بالشعلان خنازير, وما بدي جيب اسمائهون لاني بعرفهون واحد واحد, بس على فكرة يعني تلت ارباعون بيشجعو فريق الوحدة. فلا حدا يقول مالون من عنا.
انتو شو رأيكون بهل الكلام؟ 0 0
No Leaf في يونيو 12th, 2011 ::

#36
لك عينيييي ربببببك لك هدااا هو الللي لازم العالم تفهمووه
ايما خالو فيها خط احمر ولا اخضر ولا حتى خط كلو الخط مسحوه بالمحايه
يا زلمه والله صرت اخجل من حالي العمىىى
ولساا بينطلك واحد وبيقلك لا لا نحنا الشوام احسن ناس ايه ومو طبيعين و رهيبييين كتير كتير ورافعين راسسناا للسمااا .. ايه حاااجه بقاااا,,
هلأ الشامي الاصلي بيكون قلبووو محرووق على بلدوو ومداايق على الحاله اللي وصلنلنها وبيكون راسوو واجعوو من الدم اللي عم ينساح بهالشوارع
يا زلمه شي ,
انتو شو رأيكون بهل الكلام؟ 0 0
إقطاعي مندس في يونيو 13th, 2011 ::
#37
وحش يمكن لو كنت بالشعلان ماكنت تحركت لأن البنت شكلها مو مريب ههههه
انتو شو رأيكون بهل الكلام؟ 0 0
Damascene في يونيو 13th, 2011 ::

#38
هههههههه
انتو شو رأيكون بهل الكلام؟ 0 0
No Leaf في يونيو 13th, 2011 ::

#39
اسيدي بتعرف شو اتفه شغلة لقيتها فيكن أنو كلو مبعوص وعامل حالو شامي ولك الطريقة يلي عمتحكو فيها مستحيييييييييل تكونو شوام لك يهودي ما بيحكي هيك مستحيل شوف درعاوي بيحكي عدرعا هيك لو شو ماصار ولا حمصي ولا لادقاني ولا حلبي لك عالقليلة يلي عميحكي هيك وعامل حالو شامي مو خجلان أنو شامل حالو مع هالعالم؟؟ ولا هو رجال هربان لبرا وخلص مادخلو لك أقل شي وقت عميقول مافي نخوة (إذا كان شامي) عميجمل حالو وأختو وأمو وعرضو بهالموضوع لك حاج غباااء دبحتونا حلو عن سما الشام يا حميل حالك ونزيل وورجينا مراجلك فروع الأمن ومعروفة وين بالشام روح عميل مراجل هنيك مو تعمل حالك شامي وتتمرجل مرجلة نسوان
انتو شو رأيكون بهل الكلام؟ 0 0
Damascene في يونيو 13th, 2011 ::

#40
لا حبيبي تارك مراجل رب الشام لالك, واذا حابب نشوف مين الشامي, حط كنيتك لحط كنيتي و حط خانتك لحط خانتي وحط هويتك بحط هويتي, ومنشوف مين يلي من الشام, ل كنت رجال يا شامي كنت علقليلة بتعترف بغلطك, وبتقول غلطت بس بتواجه خوفك و ما بتعود بتببر ارنبتك بي 1000 حجة, يعني كون بس رجال مو شامي, بس رجال بينك و بين حالك و قول والله ما طلعت لاني ما بدي بس بالمستقبل ممكن اطلع يعني. الاعتارف بالذنب فضيلة, بس بدك تبيعنا مراجل وانت قاعد بالبيت؟؟؟ ياسيدي انا اعترفت اني طلعب برات البلد, انت جوات البلد وماطالع بايدك شي ليش؟؟؟ طيب طلعت شي مظاهرة ؟؟؟ لا ؟؟؟ طيب سالت عن شي وحدة؟؟؟ لا ؟ طيب فكرت تروح علميدان ؟؟؟ لا ؟؟؟ مممم غريبة, طيب شو ناطر؟؟؟ يعملولك عرض بشان تتفضل ؟؟؟ يا سيدي طلعت سوريا كلها و اذا بدنا نقعود و نبرر فهاد اسمو اكل هوا و علاك و اكل خرا كمان .
كنت عم برر انو وضع الشام غير “شايف بعترف لاني قد كلمتي” بس هلا مافي حجة, لازم تفز الشام, اسمو الجيش و الامن بغير مناطق. هلا في معلومات تانية بتدل انو الشوام كسكسو العادة بس ما خرج احكيها يعني و بحب قلك انو مو الظاهر ابدا انو لح يطلعو.
يعني بس للملاحظة و لجبلك من الاخير, يعني لح امشي معك و انا بعرف انو عنا مليون فرع تحقيق بالشام, طيب… حمص عملت اضراب يومين و ما فتحت محلاتها, صار هيك شي بالشام؟؟؟؟ لا,, لك في محل سكر؟؟؟ طيب حدا الو عليك ؟؟؟ وهي كمان فيها فرع مخابرات ؟؟؟ طيب اذا سكر السوق كلو لح ينعفط السوق كلووو؟؟ بتهمت شو ؟؟؟؟ يلا لاقيلي مليون حجة.
اذا طلعت مليون حجة بتكون عنجد شامي اصيل لانو هاد يلي شاطرين فيه نحن.
طيب طلعة فكرة .. الله يخليك خليك بالبيت يعني اضراب بانو انت ما تطلع برات البيت الخميس الماضي, حدا رد بالشام كلها و ضل بالبيت ولا بدو بخشي ينزل يلعب شدة؟؟؟ في حدا رد ؟؟؟ لا ؟؟؟ طيب هي مين ممكن يلقطك فيها؟؟ و انو فرع مسؤول يطلعك برات البيت؟؟؟ يلا كمان زليون مليون حجة بتكون شامي اصيل.
انتو شو رأيكون بهل الكلام؟ 0 0
No Leaf في يونيو 13th, 2011 ::

#41
ويا سيدي انا ارنب, وصوتي ارنب, بس انت ارنب و بدك تزمجر ؟؟؟ يعني بلاها الفضايح.
انتو شو رأيكون بهل الكلام؟ 0 0
No Leaf في يونيو 13th, 2011 ::

#42
لا والله يا معلم مالك أرنب , لانو لو كنت بالشام انا متل مالي عم اكتوب هلأ بتكون بنص المظاهره
وبيكفي انك رجال وابن اصول وبتعترف بمشكلتنا الاساسيه
ويلي بيقول عليك ارنب بيكون ستمية أرنب
انتو شو رأيكون بهل الكلام؟ 0 0
إقطاعي مندس في يونيو 14th, 2011 ::
#43
فضلت على راسي يا سيدي.
انتو شو رأيكون بهل الكلام؟ 0 0
No Leaf في يونيو 15th, 2011 ::

#44
لل لسى
بشان موضوع الشوام لانو نص العالم مفكرة هالها من الشام
بس بالله شفلي اسم عيلتك هون شي؟
http://www.yasmin-alsham.com/vb/showthread.php?t=37&page=3
انا اسم عيلتي موجود, فبحكي باسمهون فهمت عليي كيف, العتب على غيري. هلا انا سكنت بشي 6 بيوت بالشام يعني من ركن الدين للمهاجرين للشعلان للمزة وووو كل سنة دراسية بمدرسة و استغلت بالحريقة و الحميدية و الشعلان و الحمرا و وووو الفكرة انو بعرف عالم كتيييييير, طيب ولا واحد, برجع بعيد ولا واحد فكر انو يطلع .. مو ما طلع ما فكر يطلع غير اللهم 2 شباب بالعدد يلي فتجو الموضوع, من اصل 400 رفيق يلي بعرفهون مظبوط يعنيي 2 بس يلي فكر يطلعو, وهدول ال 2 بس يلي نفذو الاعتصام بالبيت و ال 398 طلعو لعبو شدة, و انفضلك بدنك كمان ؟؟؟ ال 2 يلي ظلو بالبيت اسمائهون مالها موجودة بالائحة يلي فوق. فشو فهمت يا ذكي؟؟؟
كخاتمة و لحتى توصل رسالة صح بالاخير, كن على ثقة انو مالي مبسوط انا عم هزء حالي و قول عن زيتي عكر, اكيد مالي مبسوط وفرحان, بس كمان عندي شوية وش اني اعترفت بغلطي و ما غطيت عنو بكذبة او حجة, وما كذبت وهاد اهم الشي.
فالله يخليك لا تعصب و اذا يلي حواليك غير يلي حواليي فحميد ربك وانشاء الله بتكونو احسن مني و من رفقاتي و انتو بتكونو زينة اهل الشام.
انتو شو رأيكون بهل الكلام؟ 0 0
No Leaf في يونيو 13th, 2011 ::

#45
هههههههههههههههههههه
اقسم بالله فشيتلي خلقي يا معلم
واذا انته مالك شامي ما في شوام من أساسوووو بقا سيدي !!
ياعيني ربك شو كلامك مظبوط والله ما بعرف شلون ما عم يستوعب هالبني آدم
ههههههههههههههه والله اني حبيتك وخلص معلم , انا لازم اتعرف عليك لما تخلوص هالقصه وجب !!
هي كان بدها مقالة لحالها معلم !
انتو شو رأيكون بهل الكلام؟ 0 0
إقطاعي مندس في يونيو 14th, 2011 ::

#46
لك حاجة ***** والله مافي *** غيرك بقص **ي إذا كنت شامي أنت لا والحمار عميجاوب عني أي سيدي شو رأيك أنو أنا طلعت وصليت بجامع الرفاعي ومن العالم يلي انكسرت أيدهن بس عيب الواحد يمنن بشي لأنو مو عاملو مرجلة عاملو مشان البلد وشو رأيك أنو رفيقي أخدينو وما رجعو لبعد 20 يوم ****** 10 سانتي؟؟!!!!!! لعمى ضربك شو حمار قال حط أسم العيلة بهيك موقع حمار أنت شي؟؟؟؟؟ يا حمار يا أمن حل تالت وأنك تكون شامي مستحيييييييييييييل حل عن رب الشوام مشان ما ************ وما يطلعو أبدا حتى ووقتها خووووود يا حمار يلي بتروح دم يلي نزل عالأرض إذا بتسفيد منو شي أو بيسقط نظام يخرب بيت يلي ضربك شو مافيك فهم ولا منطق لا وعميسألني ويجاوب لحالو لك عيييب استحي لا تلزق حمرنتك بالشوام
انتو شو رأيكون بهل الكلام؟ 0 0
نحنا الشوام رافعين الراس في يونيو 14th, 2011 ::

#47
والله عيب
انتو شو رأيكون بهل الكلام؟ 0 0
إقطاعي مندس في يونيو 14th, 2011 ::
#48
بتشكك باني شامي بلعن ******* تبعك, اسمي و بعرفو منيح و منظرك اسمك ولا عيلك من القائمة يلي فوق لانو نص يلي بالشام مفكرين حالون شوام, المهم في 100 طريقة لبرهنك بايميل او اي شي, وفي مليون موقع تاني مافيهون امن, اذا قد حالك خبرني, بس الك وعد عليي بعد ما تخلص الثورة اني اجتمع معك خصوصي الزق هويتي و اسم عيلتي بعينك.
وكنت عم حاكيك بالزوء و بدون اكل الخرا, بس صوتي بيوصل لاخر الحميدية, شوف طيزي العظيم ابن يوسف العظمة, انت طلعت فالله يعطيك العافية و ما لح احكي متلك وقلك “كذاب و خرا و لا انكسرت ايدك ولا شي و عم تبيض” ما شي انت سوبر ممتاز, وانا قلت باخر كلامي يا شامي يا ابن الاكابر “فالله يخليك لا تعصب و اذا يلي حواليك غير يلي حواليي فحميد ربك وانشاء الله بتكونو احسن مني و من رفقاتي و انتو بتكونو زينة اهل الشام” وبعرف الشوام مثقفين وبيعرفو يقرو. بس اذا انت اطلعت مع 100 او 200 شخص من اصل مدينة, فالك الحق تفتخر بحالك بس مو باسم المدينة, المدينة وسكانها لسى ما طلعوووووو من الاخير.
وشكرا وحدة لانو برهنت ووضحت صورة تانية عن الشوام يا شامي. وبطن من طريقة حكيك بين مين الشامي ومين من حفير تحتا.
انتو شو رأيكون بهل الكلام؟ 0 0
No Leaf في يونيو 15th, 2011 ::

#49
يا سيدي, لما نكمل شني عل شوام وهلا بينط حدا بيقول لح نزرع طائفية, بس وحياة عينكن فرخ البط عوام ولو برات البلد ومالي ساكت والله.
انتو شو رأيكون بهل الكلام؟ 0 0
No Leaf في يونيو 13th, 2011 ::
#50
كبير يا معلم كبير بس طول بالك عليهم
بس اشرحلي شو يعني اسمك مو فاهموا لانو ما ركبت معي الترجمة
انتو شو رأيكون بهل الكلام؟ 0 0
قلب مندس في يونيو 13th, 2011 ::

#51
هلأ الترجمه الحرفيه لا ورقة لاسمو
ومابعرف اذا بيقصد نو ليف كلوفر No Leaf Clover
وهي غنيه حلوه لميتاليكا أديمه شوي بس حلوه
انتو شو رأيكون بهل الكلام؟ 0 0
إقطاعي مندس في يونيو 13th, 2011 ::

#52
والله كانو منعرف بعض يا اقطاعي مندس, الهيقة مضرين نغير الاسم من هلا ورايح, في مين مثقف خير الله هون.
انتو شو رأيكون بهل الكلام؟ 0 0
No Leaf في يونيو 13th, 2011 ::
#53
على راسي حارتك
بعجبك يا حبيب وانشاء الله بس تنجح ثورتنا منعود منسمعها للغنيه انا وياك والشباب الطيبه ومنعمل احلى سهره انشاء الله
انتو شو رأيكون بهل الكلام؟ 0 0
إقطاعي مندس في يونيو 13th, 2011 ::
#54
انشاء الله.
انتو شو رأيكون بهل الكلام؟ 0 1
No Leaf في يونيو 13th, 2011 ::

اخر المواضيع من هالنوع

كمشة كاريكاتيرات 01/08/2013: 100 كاريكاتير مختارة من موقع Caglecartoons ...
انا بدي حريتي 08/03/2012: Julnar Sy http://www.youtube.com/watch?v=c52JCSR2rzs...
نحن متـفقون !! 05/25/2012: طيب شو مشان التدخل العسكري وتسليح النظام ؟ صفحة كاريكاتير الثورة السورية ...
تصريح مسؤول سوري إكس لارج‎ 04/29/2012:سلسلة تصريحات جهاد مقدسي وشلته أترككم مع التصريح حر ولكن...
الحظر الجوي بالانتظار 02/26/2012:عندما يسقط النظامالجيش الحر قادملك الله ياشام ...

آخر النقاشات...

المندسة دايركت | 18 حزيران (55)
- عابر سبيل: طول الغيبة يا زلمة مو بس هو. حر و لكن وينه الاتنين هيك من غير لا احم و لا دستور... 0 0
- samer: https://www.youtube.com/watch? feature=player_embedded&v= Sw23zSNTsNM 0 0
أسئلة عن صراع الهويات و الصراع الطائفي (1)
- samir daoudi: المقال يطرح أسئلة كثيرة وهامة جداً – الوطن والمواطنة، الشعب ، الإنتماء... 0 0
انقسـام الدعم الدولي للمعارضة السـورية (1)
- أبو محمد النور الحسيني: بسم الله والصلاة والسلام على رسول الله : أستغرب تعليق وتحليل حديث... 1 1
صديقي العلماني لم الخوف من الدولة الإسلامية المعتدلة؟ (92)
- zeina: Wow, first take it as a sincere advice to you if you care one bit about Islam:... 0 0
- أبو محمد النور الحسيني: بسم الله الرحمن الرحيم أرى أن من غير الفائدة متابعة النقاش معك... 2 1
الثورة بحاجة لخطاب نوعي فوري . (19)
- samer: اهلين .. والله قريت تعليقك كذا مرة وما كتير فهمتو . بجوز ماعندي خبرة بالترموستات... 0 0
- first timer: ليلي حط ريتو ماحكى: والله اذا باكل مليون ريتو ماحكى مابزعل بس هالمرة ياريت... 2 1
الليرة السورية بين الجهل و النفاق (71)
- ahmad abdallah: غوهلها ( ترجمها على غوغل ترانسلات) 0 0
- Raymondo: الله يسامحك ع هل أستفقاده …فرنسي؟؟ أنا إنجليزي ما بعرف عم تجبلي مقال... 1 0
بخصوص التكفير والتكفيريين ؟! (5)
- مُلحد مصيافيّ مندسّ: تحياتي متفائل مندس أشكر لطفك وأتواجد حاليا لكن بشكل غير منتظم ولوقت... 2 0
- مُلحد مصيافيّ مندسّ: تحياتي سارة شكراً لاهتمامك وآمل أن تكوني بخير واللعنة على روح حافر! 0 0
سقط القصير (41)
- حبيب حوران: استاذنا الحبيب أحمد أقدر لك حرصك ومعرفتك وعلمك بالعروض والقريض لاتفهم من كلامي... 1 0
- ahmad abdallah: @إلى حبيبنا حبيب حوراني صباح الخير لأنني أحببت شعرك وثوريتك فلن أفند... 2 0
ما حدا عم يشوف! (3)
- أبو محمد النور الحسيني: بسم الله والصلاة والسلام على رسول الله : الأخ العزيز / عابر سبيل... 1 1
- عابر سبيل: قلم – فادي انتصرتوا بالقصير يلعن ابوكم على هيك نصر 9 1
أسفل إعلام – قناة المنار مثالا (4)
- مصطفى: شو يعني تلفزيون المنار صدقا خلال عشر سنوات ما شفته ساعة لا متفرق و لا متواصل استغرب... 6 0
- صالح احمد: اذا اتتك مزمتي من ناقص فاعلم بأني الكامل …. وخام قحاب خنزير ابن خنزير... 4 0
هل يغير روحاني قواعد اللعبة ؟ (30)
- يوسف: الصراع بين المحافظين والاصلاحيين عبارة عن مسرحية هزلية يديرها المرشد الذي يمتلك جميع... 0 0
مقاطعة الحكومة الروسية….آكلة قلوب المسلمين (7)
- يوسف: ما هي المنتجات المهمة التي تصدرها روسيا للعالم هل تصدر كمبيوترات كالصين وكوريا هل... 1 0
دكان الممانعة، فرع الضاحية… (4)
- صالح احمد: دكان المماتعة والممانعة فرع الضاحية الجنوبية يعلن عن حاجته الى مسوقين ومسوقات... 0 0
رواية العقيد عبد الجبار العكيدي عن ما حدث في القصير (54)
- kavkassi: والسبع تنكات منّك … سلفي !!!!! ممكن تقّلي شو نوع السلفية يللي عم توصف حالك... 2 0
نق و اقترح (179)
- ram free: بعد اذن الأدمن … اول تعليق بالدايركت الجديد 18 حزيران نقلتو غلط ….... 0 0
المندسة دايركت | 17 حزيران (123)
- انصار الاندساس: ولسا بدهم يحققو لان ما بيصير استخدام الكيماوي على المدنين العزل كاميرون:... 3 0
- انصار الاندساس: قلتلوي حملة لدعم الليرة ورفع مستواها ؟ بدنا حملة لدعم المندسة ورفع مستوى... 4 1