شوية حكي.. عالأرض..

أحسنتي زميلة رولا..
في فرق كبير بين النقد البناء بهدف تصحيح المسار وبين النقد الهدام لأجل تصيد الأخطاء أو لأجل العناد …
البعض عم يشتغل على مبدأ خالف تعرف
والبعض عم يشتغل على مبدأ بما أنو مو قدران يكون ناجح فالأسهل الو يفشّل العالم وينتقدون…
دور جماعة السلمية والمبادرات الوطنية بهالفترة أهم من أي وقت مضى…بغض النظر عن مدى موافقتنا عن موضوع عسكرة الثورة ما لازم نيأس أو نقول أنو الحكي بس للسلاح هالفترة وخلينا نستنى لوين بدها توصل الأمور …
بالعكس هلأ ضروري الكل يحكي وينصح ويعمل مبادرات لنشر الوعي والنصح للجميع ان كانو مدنيين أو عسكريين…بتوقع البلد هلأ بحاجة لأصواتنا ان كنا بالداخل أو بالخارج أكتر من أي وقت مضى…
لازم الكل يساهم بالمبادرات والحكي والتوعية وتقريب وجهات النظر بالتوازي مع دعم الثوار عالأرض والجيش الحر…ما لازم مسار يطغى على مسار لأنو الصح أنو المسارين مكملين لبعض وعم يحمو بعض…
هلأ عنا وقت نحكي وننتقد ونوجه ونصحح المسار قبل ما توقع الفاس بالراس ويقدر النظام يحقق حلمو بالنزاع الطائفي وساعتا مارح ينفع الحكي ولا الندم…
بالنهاية بلدنا عم تحترق وأهلنا انقتلو وتشردو ..البلد للأسف بدها سنوات لحتى ترجع متل ماكانت قبل سنة ونص…المهم نحاول نحافظ عالباقي ليبقى شي ننطلق منو…مشان هيك لازم كل واحد قبل ما يزت كلمة ويعمل كارثة من وراها يفكر مية مرة يكل حرف بدو يقولو وخاصة اذا كان من أصحاب القرار….
الله يكون بالعون….
لازم ننتصر على حالنا وعلى جهلنا وأفكارنا المتحجرة وكبر الراس تبعنا قبل ما نطلب من الله ينصرنا عالنظام…
تحياتي للجميع….بانتظار القهوة الحمصية بعد الفطور (:

انتو شو رأيكون بهل الكلام؟ 9  0

هذا هو الكلام الواقعي الذي يخاطب العقل والمنطق

مقالة موفقة
لك الشكر

انتو شو رأيكون بهل الكلام؟ 5  0

الكلام منطقي و جميل و هاد هوي الواقع بعتقد انو الثورة ما رح تنجح و النظام رح يستمر طبعا هاد الحكي محبط بس هاد هوي الواقع النظام قوي و متماسك كتير و مسيطر على كلشي و الثوار مع المعارضة مفتتين و مفرقين فكريا و عقائديا بس بتضل الثورة تجربة مريرة لكن المهم الناس تتعلم من أخطائها ما مشت السلمية بنجرب السلاح و ما مشي السلاح بنرجع عالسلمية انا حاسس انو بهي اللحظة صارو الثوار بيشبهو النظام باول الثورة و النظام بيشبه الثوار باول الثورة

انتو شو رأيكون بهل الكلام؟ 2  4

صفنت ربع ساعة أنو يطلع معي شي …..ما طلع معي شي …… فكتبت يلي طلع معي …

@رولا …لا تعليق
…خلي شي نصفن فيه بس .

انتو شو رأيكون بهل الكلام؟ 5  1

شو هالتشبيه البليغ هاد:
النظام من تاني او تالت اسبوع بالثورة قال خلصت و طلعت بثينة شعبان تقول الازمة اصبحت وراءنا و الثوار كل يوم بيقولو خلصت و قربت و النظام لسا عندو كامل عدتو و عتادو و عم يتجاوز كل المطبات بعزم و تصميم.
2-النظام من اول اسبوع قال انو الثورة طائفية و كان الثوار عم ينادو بالوحدة الوطنية بهداك الوقت اما هلأ حول الثوار حربن من ضد النظام الى ضد حزب الله و الشيعة الرافضة و ايران و ما بعرف و صار عنا تنظيمات اسلامية و سلفية و تنظيم القاعدة بالوقت ياللي عم نشوف اسرى النظام ياللي عم ياسرن الجيش الحر من كل المدن و الطوائف السورية و غير مقتصرين على الشيعة و لا العلويين.

انتو شو رأيكون بهل الكلام؟ 5  4

عزيزتي .. هلأ كلامك ظاهرا ممتاز وجيد وصحيح مية بالمية هو توصيف للواقع تماما .. لكن .. ومشان نستمر بالواقعية حابة أسألك ،، هل يوجد في التاريخ أو سمعت في حياتك عن حرب نموذجية ؟ مثالية ؟ حرب لا يدفع الثمن فيها إلا من يريد ومن يرغب ؟ للأسف نحن الآن في حرب ، حرب فرضت علينا وحاولنا تجنبها فلم نفلح ،، وللحرب قوانينها الظالمة ، المجحفة المؤلمة نعم .. لكن لا مناص منها ، خاصة وأن خصمك متوحش وبربري وليست لديه أية أخلاقيات ..أضرب لك مثالا : يرغب المجند بالانشقاق ويتحمل كامل المسؤولية ويستعد ليضحي بنفسه وروحه في سبيل المبدأ .. فكيف ينتقم النظام ؟ ينتقم بقتل أهله و أقاربه وانتهاك عرضه وربما تدمير بلدته كلها ! هل يمكن أن أحمله الآن وزر هؤلاء الأبرياء الذين قد يكون بعضهم لا يعرف ما هي الثورة أصلا ؟ لست ضد النصح و نقد الأخطاء لكن صدقيني لن تصبح الصورة أفضل بكثير ، ولن تتوقف المذابح ولن يقل عدد الشهداء .. لأن المشكلة أولا وأخيرا وحشية النظام لا أخطاء الجيش الحر ..

انتو شو رأيكون بهل الكلام؟ 14  1

والله يا عمي أنا ما بعرف ليش فلتت علي، لا .. ومستحلب ، مصطلح راقي والله ، بس مافهمتو دخلك شو يعني ؟ بهايم ؟ طيب قولا لا تستحي حدا قال لا تحكي عن الخطأ ؟ أنا قلتلك أنا ماضد نقد الخطأ لازم ننقدو ،،ولكن منعطي حجمو الحقيقي لا أكتر ولا أقل .. اعتراضي كان على نقطة تحميل الجيش الحر مسؤولية مقتل المدنيين نتيجة الأخطاء الي ارتكبا .. حبيت ذكر بس انو أحيانا مافي مفر من هالخسائر لأنو هي طبيعة الحرب .

انتو شو رأيكون بهل الكلام؟ 6  1

رولا فعلا كلامك صريح و جميل جدا و واقعي
مشكلتنا بالوقت متل ما تفضلتني ناس عم تنادي بالسلمية و ناس مقتنعة بالجيش الحر
(( و الرئيين صحيحين و عندهون افكار مقنعة )) و المشكلة انو لا هدول و لا هدول عم تجتمع كلمتهون على حل وسط و الاضرب انو مافي بكل فئة شخص يكون قائد العملية السلمية و الناس تلتف حوله او قائد العملية العسكرية و العالم تلتف حوله كل واحد منقي واحد من الي بينادي للشي الي بيعجبه و بيدافع عنه و ايا واحد بينتقده بيكون خائن و عميل و غلطه لهاد الشخص الي بيناسب ارائه مغفور و مبررر دائما و المشكلة الكبرى و الاعظم انو بين دعاة السلمية ناس بتخون بعض و بين دعاة العكسرة ناس بتخون بعضها و بيكونوا عم ينادوا بنفس الافكار !!!!
(( حليها اذا بتحليها ))
المطلوب بها المرحلة قائد للثورة اكيدما رح نوجد قائد بيمثل الكل لانو هيك طلعنا عن الواقعية بس حلنا يعني بعد ما يقارب السنتيتن و بعد 20 الف شهيد صار
حلنا نعرف مين مع الثورة و مين مع مصلحته و منصبه
و للحديث تتمة …

انتو شو رأيكون بهل الكلام؟ 5  0

صاير فينا متل مريض بالسرطان واختلفوا فيه، يلي قال منحاول المعالجة بالأدوية ويلي اقل لأخلينا نجرب الجراحة ويلي كان عاجبو الوضع وما بدو يتعرض لمشاكل الادوية والجراحة
وما حدا من السابق بيضمنلك النتيجة، اجيت وجربت الادوية وصار انتكاسات فرحت جربت الجراحة ودخلت بمشاكل بيجوز يشوفها البعض اسوأ من المرض
وبيجي احدهم بيقول أخي الدوا يلي استعملتوه ما كان كافي وكان لازم تستمرو اكتر
وتاني بيقول اخي هاد الجراح خبص بالجراحة وهو سبب بعض المشاكل يلي نتجت
والمريض مسكين كل يوم وضعو اسوأ من التاني

@ رولا
أصبت الحق كثيراً عندما وجهت الطرفين لمحاولة التعايش مع الواقع وتلطيفه أكثر ما يمكن وتجنب ما يمكن تجنبه،
يلي بتمناه انو فعلاً الثوار يستفيدو من اخطاءهون يلي بيجوز ما كان ممكن تفاديها وما حدا بيعرف الا يلي معهون بالمعمعة، انا ما بتوقع انو هنن شايفين انو الاحياء يلي عم يفوتوها عم تنباد وعم يروحو فيها مع الاهالي ويضلو يساوي نفس الشي
ويلي بعرفو اكيد انو عدد الشهداء قسم كبير مننون ناتج عن اعدامات ميدانية او قنص اغلبها بعد مو بسبب وجود الجيش الحر ويلي صار بجديدة عرطوز آخر مثال وفي كتير امثلة غيرو

انتو شو رأيكون بهل الكلام؟ 6  0

المشاكل عم تصير…

وقت بتكون مجموعات الجيش الحر مو من أهل الحي أو الضيعة يلي عم يقاتلو فيها… وما بيسمعوا من كبارية البلد, ولا بيحترموهم.

وقت بكون في اختلاط بمجموعات الجيش الحر وما بكون في قائد واحد يمون عليهم كلهم.

موضوع التصوير والتحقيق صاير كتير مؤذي ومنفر… للدرجة يلي صرت فيها ظن أنو النظام هو يلي عم يصور ويلزقها بضهر الجيش الحر… لأنو مو معقولة الغباء يتكرر بهالشكل.

لازم انضل ننتقد الجيش الحر ولو حتى على الغلطة الصغيرة… لازم يصحح أموره ويظبطها.
والشباب يلي عم يغمزوا ويلمزوا على كل واحد بينتقد الجيش الحر بحب قلن جملة وحدة…
وقت بدلل أبنك… وبتبررلو كل غلط… وبضل عم ترقع وراه… توقع أنو ابنك يطلع فاشل وفاسد وتافه…

انتو شو رأيكون بهل الكلام؟ 14  5

مقال رائع, سلمت يدك و سلم فكرك..
والله العظيم كنت حاسس أنو كل الدنية نسيت أنو كلمة سلمية هي أحلى كلمة كانت بهي الثورة النجيبة…
طبعا انا مو ضد الجيش السوري الحر بس أكيد ضد كل استرتيجيته و خططه وكل مين عم ينادي بتسليحه بالوقت الراهن…
يعني الجبن بيعينه أنو الجيش الحر يتمترس بالاحياء السكنية ويلي خايفين من المواجهة بالأماكن المكشوفة نسيو انو النصر من عند الله ولا العدة ولا العتاد هي يلي بتنتصر…
يستر على عرضكم بيكفي حرب عصابات هي الدماء المسفوكة كلنا رح ننسأل عنها..

انتو شو رأيكون بهل الكلام؟ 5  6

قريت كل كلمه بمقالك مرتين رولا الغاليه و ما فيني قلك غير اني اتفق معك حرفيا بكل كلمه قلتيها …. بتعرفي ,كنت بدي اكتب موضوع قريب جدا جدا من مقالك لانو بالحقيقه صار وقتو ,قمتي سبقتيني , و منيح انك سبقتيني لانو انا نفس موضوعك و نفس الافكار تماما بس كنت طرحتها باسلوب ساحق اكتر و بيجوز كنت زعل البعض ….. لك اكتر شي بيطققني هي لغة التخوين كل ما واحد فتح تمو و انتقد شي بالثوره او بالجيش الحر ….. و كأن الثوره قرآن و الثوار انبياء … لا عمو لا …. انا عن حالي بدي انتقد كل شي ما يعجبني بالثوره او بالجيش الحر …. و ما فارقه معي ازا خونوني ام لا …. الكل بيعرف مين انا و وين واقف من اول يوم … بالحقيقه من اول ما اولدت بعرف انو هالثوره هي ما كنت انتظر كل عمري مشان هيك بزعل لما حدا يجي يزاود عليي او على اي مندس اخر لانو انتقد الاخطاء …. يللي عملو البعض بحريه و برام و تلات اربع مندسات و مندسين باخر كام يوم هو شيء يندى له الجبين …. لك يا عمو مو هاي ديمقراطيه?? كل واحد يقول رأيو و بلا تخوين مشان الللللللللللللللللللللللللللللللللله ….. حاج بقا …. ملينا من التخوين كل ما واحد فتح تمو ….. لك صرلنا خمسين سنه سادين بوزنا و النتيجه كانت انو البلد سرقوها و نهبوها و لعنو افطاسها و هجرونا و دبحونا و خلونا نعيش بذل و هوان … خمسين سنه هيك لاننا ساكتين …. مشان هيك انا مو بس ما بدي اسكت عالغلط انما بشجع كل مندسه و مندس انهم يقولو رأيهم و ما يخافو من حدا … بيجوز يكون رأي واحد احسن من رأي جماعه مؤلفه من اربعين واحد ….. ما تخافو تحكو رايكم …. و يللي بدو يصير يصير …. و رجاء بلا تخوين …. لن نسكت عالغلط بعد اليوم …. و اغلاط الجيش الحر سكتنا عنها كتير بس حاجه ….. حدا لازم يقلهم انهم ما فيهم يكملو هيك لانو هادا الشي رح يودينا للدمار و ما رح يسقط النظام …. و ما بدي فوت بتفاصيل اكتر لانو ما بخلص بسنه … بس مو يعني كل ما انتقدنا معناه بنكره الجيش الحر … لك يا اخي ليش التبلي عالمندسين مزال هدفنا كلنا هو واحد ?? …..
بتعرفي رولا …. لما تبعدي بحسك بعدتي لانك تدايقتي من تصرفات المندسين و المندسين و التخبيصات الثوريه يللي مالها نهايه …… بيجوز كنا مثاليين اكتر من اللازم و الحقيقه المره عم تخلينا نصاب بالاحباط احيانا بس هادا الموجود …. بالاخر رولا يللي متلك و متل كل المعتدلين و الدميقراطيين بحق و حقيق,يللي بيقبلو الراي الخر بدون تخوين , هم من سيبنون سوريا الحره الديمقراطيه التعدديه المدنيه الحديثة يللي عم نحلم بها كلياتنا ,اما المتطرفين (الله يهديهم) و يللي بيخونو الواحد عالطالعه و النازله و ما بيسمحو لحدا يفتح تمو فهدول رح يحطهم التاريخ بمكانهم قريبا جدا …. فقط الزمن هو القاضي الذي يضع كل واحد مننا مكانه في نهاية المطاف …. والله يهدي الجميع لما فيه خير للبلاد و للعباد ….

انتو شو رأيكون بهل الكلام؟ 12  7

رولا الحمصية..
انا معك حرفيا بكل كلمة حكيتيها
بس الجيش الحر ما عندهم اي منطقة عازلة يتمركزوا فيها
نحن ننتقدهم وكأننا منقول لا تنشقوا
كيف ما بدنا نسالك وين بدهم يروحوا
صعبة شوي

انتو شو رأيكون بهل الكلام؟ 4  0

شوية هالحكي مو عالارض,على راسي من فوق,وكمان انت وكل اهل حمص على راسي من فوق,

انتو شو رأيكون بهل الكلام؟ 6  0

رولا
حكي منطقي ولا غبار عليه وانشالله يلاقي آذان صاغية…….

بما انه الحكي المفروض يكون عالارض …… فأنا بدي رد بشوية حكي من الارض..

النظام اكيد هو سبب البلاء هو صعّد.. هوفاقم الوضع سوءاً…. هو وجّه الامور بحيث تصير طائفية بكتير مناطق……. وهو اكيد يلي برقبته دماء شهداءنا .. واكتر من هيك برقبته دماء المقاتلين بصفوفه كمان..
يعني النظام وصل لمرحلة ما عاد ينفع انتقاده.. واحد وقع بالمجرور وخلص شو بننتقد فيه؟؟ يعني ممكن يغير بحالو او نغير فيه ازا انتقدناه؟؟ اكيد لاء ..
مشكلتنا هلأ بالطرف التالت شاء من شاء وابى من ابى.
في مجموعات عم تنشط عالارض…….. ما همهن الا السرقة والنصب والتشبيح وللاسف كل هاد عم بيصير باسم الجيش الحر مع انه هنن ما الهن علاقة فيه..طيب لما نجي وننتقد هالمجموعات ليش انصار الجيش الحر بيخونونا؟؟ ولما يخونونا.. مين يلي بتكون ثقته بالجيش الحر اضعف نحنا ولا هنن؟؟
انا لما اجي ودافع عن خطأ يقال انه الجيش الحر ارتكبه.. ما بكون اعترفت ضمنيا انه الجيش الحر ممكن يرتكب هيك خطأ ؟؟ طيب ولما تجي قياداته وتنفي مسؤوليته .. او تعترف بخطأ التصرف وانه ستتم محاسبة المسؤول عنه.. مو المفروض صير انتبه ودقق اكتر وعلى الاقل ما علق على الموضوع ازا كان كتير صعب اعترف بالخطأ؟؟
السكوت عن هالاخطاء هو يلي عم يقوي الطرف التالت وهاد السبب اللي بيخليه ينتحل صفة الجيش الحر لانه بيعرف انه خطؤه مغفور عند كتير ناس…
مع ملاحظة انه في ناس من جماعة الطرف التالت عم يتطوعو احيانا بصفوف الجيش الحر وبيمارسو دورهن “التخريبي” من الداخل.. والدليل انه على صفحات الثورة كتير منشوف الجيش الحر عم يحذر من اسماء معينة ويتبرأ منها

انتو شو رأيكون بهل الكلام؟ 3  0

رولا..
بتزكري مقالك تبع أنو لازم نصير نسمي الأيام باسماء المدن والمناطق، بهداك الوقت بعتناه لمواقع الثورة السورية، وبعدين تم إعادة صياغته بالفصحى…
واذا رجعتي للوراء رح تلاقي أنو طبقوه، وصار لكل يوم اسم مدينة أو منطقة، بس حسب الواقع..
قرأت مقالك اليوم…شو قلك…
يعني لو هيك فكر كان عند الجميع جوة وبرة، لو هيك منطق بالتعامل مع الثورة كان وظل هو السائد…
لو انو كان عندنا الجرأة لنحكي بصراحة هيك أمور..
لو انو الناس بتصدق أنو هالشغلات عم تصير…
يالطيييييف شو كنا وفرنا جهد ومال ووقت، والأهم بشر….

كنت حابب ارجع اكتبو بالفصحى وعمموا…..بس يبدوا ماعاد في وقت……خلصت
تحياتي

انتو شو رأيكون بهل الكلام؟ 5  0

تتمة الحديث ..
ببعيدا عن التنظير في امور بتمتلكها الثورة و ما عم نحس بقيمتها عنا شباب مثقف عنا ضمن الجيش الحر ناس مثقفين و دارسين و عندهم القدرة على النقاش و توصيل الافكار المطلوب من زمان هوة
(( مؤسسة اعلامية للجيش الحر )) و يديرها اشخاص من ضمن الجيش الحر يمكن قبل كان صعب لانو الجيش الحر كان و لا يزال (( بس مو متل الاول )) ما بيتبع لقيادة وحدة بس معركة حلب لمت الشمل و لو انه مو بالشكل المطلوب بس صار في بدايات تنسق بين كتائب الجيش الحر .
خطاب عبد الرزاق طلاس عن حقوق السجين بالجيش الحر مثال رائع عن الشي الي بدي وصله و البيان الي طلعه الجيش الحر عن الاسرى كمان احد الامثلة . المطلوب بالوقت الحالي يهتم الجيش الحر للمعركة الاعلامية و اضافة للمعركة على الارض و الموضوع سهل و بين ايدينا انو يصير مكتب اعلامي ناطق باسم الجيش الحر و هوة الي بيصدر البيانات و الاتصالات من قبل القنوات تتم بس مع الاشخاص الي بيمثلوا الجيش الحر و الي هنن تابعين لها المكتب حصرا و متل ما حكيتي رولا الكلمة لسا بتنفع و لما تكون هالكلمة طالعة من شخص بيحب سوريا و عم يدافع عنها رح يكون الها تاثير و بنخلص من موضوع ان وكل واحد عم ينسب انتصارات ما شارك فيها و لا بيستحقها و انشقاق حجاب مثال قريب و تفجير مقر خلية الازمة ما صرله زمان …

انتو شو رأيكون بهل الكلام؟ 4  0

كلام جميل بذكرني بمجزرة حماة لما كل سوريا حطت الحق على الإخوان ، وكأن الإخوان هو من أباد الشعب بالطائرات والمدفعية وسبب بمقتل ٢٥ الف نسمة

عزيزي/ عزيزتي كاتب المقال عندما تريد أن تفتح عقلك وتكتب مقال وتريد أن تشمل كل وجهات النظر فتشمل أيضاً ما يلي:
القصف لا يستهدف الجيش الحر ولكن يستهدف البيئة الحاضنة : هذا الأسلوب تماماً ما كانت تستخدمه اسرائيل في العمليات الفلسطينية ، ولهذا السبب كل العمليات الفلسطينية تكون جوا اسرائيل
تحليلك قد يكون منطقيا جداً ولكن ليس ثوريا : تلك المنطقية التي تبحث الحكومة الفاسدة الأسدية أن كل الشعب يفكر بها وهكذا تتخلى الحاضنة الشعبية عن الجيش الحر ، وثقوا بلحظة تخلي الشعب عن الجيش الحر فهو بحكم المنتهي ، يرجى تذكر كيف مات شيكي فارا عندما لم تكن له حاضنة مهما كانت نبل القضية

انتو شو رأيكون بهل الكلام؟ 6  1

أخت رولا ردك علي ، حول نقطة الجندي المنشق يدل تماما – ولا تزعلي مني أمانة – يدل على انو إنت بعيدة شوي عن الواقع ،، ليش ؟؟ لأنو حكاية الجنود المنشقين ليش طلعت من الأصل ؟؟ مزمزة يعني ؟؟ ولا مشان يهرب من جرم إطلاق النار على المتظاهرين ؟؟ فهمت علي كيف لما عم قلك ماااافييي مهررربببب ؟؟ في أشياء عم تنفرض علينا فرض ،، والله العظييم انو أنا بتمنى من كل قلبي غمض عيوني واتخيل انو كل هالشي ما صار وانو ضلت سلمية وانو المتظاهرين عبوا الساحات العامة بمئات الآلاف ، وسقط هالنظام سلميا ، هيك متل مصر وتونس ،، بربي كل ما أشوف ساحة التحرير بمصر بتجيني غصة وبتدمع عيوني ،، هاد كان حلمنا فكرك حدا بيكره هالشي ؟؟ الجيش الحر نفسو كتير مبسوط انو عم يخوض معركة أكبر من قدراتو بكتير ؟؟ النتيجة ، برجع بكرر .. أنا موضد نقد الأخطاء ، الي هي من وجهة نظري بتضل أخطاء فردية ، وقليلة ، بنتقد بعض التصرفات الخاطئة ، من التسرع في القتل أو التمثيل في الجثث ، أو التعذيب .. ولكن هناك فرق بين الأخطاء والتجاوزات المتعمدة ، وبين الأخطاء التي لايمكن بحال من الأحوال تفاديها ، لازم ننتبه على هالشي حتى ما نحمل الجيش الحر فوق طاقتو ..

الأخ ram free وهي مُصِر اني ابقى مستحلب بحب طمنك سيدنا .. انو أنا عن جد مو من جماعة التبرير ، والخطأ بدي قول عنو خطأ حتى لو طلع من أبي ،، بس بحب كمان كون منصف وواقعي .. وكتيير كتيييير بكره اني كون ظالم

انتو شو رأيكون بهل الكلام؟ 1  0